David Casa | One News - Part 3

Notifiki

Simon Busuttil mażżra m’għonq il-PN – Alfred Sant

Simon Busuttil missu ireżenja immedjatament wara r-Rapport tal-Maġistrat Aaron Bugeja, iżda l-Partit Laburista jaqbillu jekk Busuttil ma jirreżenja għax dan huwa mażżra mal-PN. Dan qalu Alfred Sant dalgħodu fil-programm ‘Sibt il-Punt’ ma’ Manwel Micallef fuq ONE Radio. Alfred Sant  reġa’saħaaq li David Casa għandu jirreżenja mill-Parlament Ewropew. Casa mar Ateni fil-fondi tal-Parlament Ewropew biex jixhed favur Maria Efimova biex din ma tintbagħatx lura Malta.

Aqra aktar

Casa se jissokta bil-ħmieġ

L-Ewroparlamentari Nazzjonalista David Casa se jissokta bil-kampanja tieghu ta’ tfigh ta’ tajn u hmieg kontra Malta meta dalghodu se jindirizza konferenza stampa li matulha mistenni “jippubblika” rapport inkonklussiv tal-FIAU.
Dan ir-rapport li Casa ilu jxejjer f’idejh xhur sħaħ, diġa’ ġie miċħud mill-agenzija FIAU u saħansitra ntqal li r-rapport li jirreferi għalih Casa, huwa wieħed li mhuwiex finali.
David Casa huwa l-istess MPE parti mid-delegazzjoni tal-Parlament Ewropew li ġiet Malta fuq missjoni ta’ “tfittxija għall-fatti”. Din il-missjoni rriżulta li kellha diġa’ l-konklużjonijiet dwar Malta lesti li anke saħansitra nkludew ammont ta’ informazzjoni skorretta fir-rapport finali.

Aqra aktar

L-FIAU tiċħad qlajjiet ta’ David Casa

Il-Financial Intelligence Analysis Unit ċaħdet stqarrijiet ta’ David Casa, MEP tal-PN, li hemm xi rapport konklussiv dwar il-Ministru Konrad Mizzi. “L-FIAU tikkundanna din l-istqarrija irresponsabbli li hija gidba u maħsuba biex tagħmel il-ħsara,” qalet fi stqarrija. Għal darb oħra l-FIAU qalet li ma kien hemm ebda rapport finali għax rapport finali jrid ikun għadda minn diversi proċessi. “Dan hu proċess li jieħu ż-żmien speċjalment meta jkun hemm bżonn koperazzjoni internazzjonali,” qalet l-FIAU.

L-FIAU fakkret li ma tistax tagħmel pubbliku ix-xogħol tagħha u lanqas tippubblika rapport minħabba li l-liġi ma tħallihiex tagħmel dan. Dan skont standards internazzjonali. Fakkret ukoll li l-pussess ta’ dokumenti tal-FIAU b’mod illegali hija offiża kriminali. Żiedet ukoll li jekk joħorġu dawn it-tip ta’ dokumenti jippreġudikaw l-investigazzjonijiet u jitfgħu riskju fuq il-ħaddiema ta’ din it-taqsima. Hawn reġgħet saħqet li stqarrijiet bħal ta’ Casa huma gravi, inkoretti u inġusti. U qalet li b’mod irresponsabbli hemm min qed jipprova jimmina l-kredibbiltà tagħha. Iktar kmieni il-Ministru Konrad Mizzi diġa’ ċaħad dawk li ddeskriva bħala stqarrijiet riċikali fil-konfront tiegħu.

David Casa se jibqa’ Brussell biex jaħdem kontra Malta

Il-Partit Laburista nnota li qed jirriżulta b’mod ċar li David Casa se jibqa’ Brussell biex ikompli jaħdem kontra Malta. Xhieda ta’ dan l-istqarrija ppubblikata llum mimlija allegazzjonijiet u gideb.

David Casa prova jippolitiċizza każ fejn il-Qorti ħarġet mandat ta’ arrest ewropew u internazzjonali. Kif jistgħu jgħidulu sħabu avukati fil-Partit Nazzjonalista, din hi deċiżjoni li tieħu l-Qorti fil-libertà kollha bħala istituzzjoni indipendenti. Dan kif inhu mistenni fi stat li jħaddan ir-rule of law.

Casa għamel stqarrija jitkellem dwar il-gidba Egrant meta l-każ li hemm quddiem il-qorti seħħ qabel saru dawn l-allegazzjonijiet.

Peró għal David Casa, bħal oħrajn fil-Partit Nazzjonalista, ir-rule of law għandha tkun rispettata biss meta l-istituzzjonijiet jaġixxu kif jgħoġob lilhom.

Fuq kollox il-fatt li David Casa bena l-istqarrija tiegħu fuq fatti foloz u gideb juri li m’għandux għajr interess iħammeġ lil Malta. Kif wara kollox għamel fl-aħħar jiem meta fil-Parlament Ewropew attakka lil pajjiżu filwaqt ma’ sħabu l-MEPs tal-PN kien qed jaqbeż għal Ungerija; temmet tgħid l-istqarrija tal-Partit Laburista.

David Casa jwissi kontra l-ġlied intern

Xhieda ta’ kemm fil-battalja għat-tmexxija tal-Partit Nazzjonalista qed ikompli jintilef il-kontroll kienet dikjarazzjoni li David Casa għamel fl-aħħar jiem fil-każin Nazzjonalista taż-Żurrieq. Casa, li huwa interessat fil-kariga ta’ Segretarju Ġenerali tal-Partit Nazzjonalista, mar iż-Żurrieq biex jappoġġja lil Chris Said, wieħed mill-erba’ kontestanti għall-kariga ta’ kap.

Aqra aktar

Send this to a friend