ċiklisti | One News

Notifiki

Miżuri għaċ-ċiklisti kontra s-sħana qawwija

Huma ħafna l-Maltin li qegħdin isibu metodi alternattivi biex jevitaw il-ġenn u t-traffiku li nsibu fit-toroq. Fost dawn insibu komunità kbira ta’ nies li saru qed jużaw ir-roti sabiex imorru minn post għall-ieħor.

Però x-xemx li qed taħkem lil pajjiżna b’temperaturi li jlaħħqu l-erbgħin grad toffri sfidi mhux żgħar.

Għaldaqstant il-“Bicycling Advocacy Group” ħarġu rapport b’numru ta’ suġġerimenti sabiex jitnaqqsu l-effetti li dan it-tempkapaci jġib miegħu.

Aqra aktar

Rebħiet impressjonanti għal żewġ ċiklisti fit-tieni jum tar-Road Race 2017

Il-Kampjonat tar-Road Race organizzat mill-Federazzjoni Maltija taċ-Ċikliżmu kompla nhar il-Ħadd 11 ta’ Ġunju 2017 bit-tieni tiġrija minn tlieta li saret fuq iċ-ċirkwit diffiċli Ta’ Penellu, l-Mellieħa. Keith Galea ta’ Birkirkara St. Joseph SC kiseb rebħa memorabbli fejn irnexxielu jispiċċa l-ewwel fil-Kategorija Elite. Birkirkara St. Joseph SC kisbu suċċess ukoll permezz ta’ Ivan Zammit fil-Kategirija tal-Masters 40+.

Keith Galea, ikkonferma l-forma ferm tajba tiegħu meta rebaħ il-Sprint finali fi tmiem is-seba’ laps ma’ Alexander Pettett ta’ Pro Action All Stars f’siegħa, 21 minuta u 24 sekonda, żewġ sekondi qabel l-istess Pettett u 18 il-sekonda qabel l-aħwa Christian u Maurice Formosa ta’ The Cyclist.

Aqra aktar

Żomm għajnejk fuq it-triq għas-sewwieqa tal-muturi u ċ-ċiklisti!


Tnediet kampanja biex titqajjem kuxjenza dwar il-perikli li jiltaqgħu magħhom is-sewwieqa tal-muturi u ċ-ċiklisti, kampanja li tħejjiet minn Transport Malta u l-Kunsill Malti għas-Sigurtà fit-Toroq.Dawn huma s-sewwieqa l-aktar involuti f’aċċidenti serji, għalkemm huma ħafna inqas fin-numru. Fl-2016, 6% biss tal-vetturi rreġistrati Malta kienu muturi iżda 40% tal-fatalitajiet kienu sewwieqa tal-muturi, disgħa tilfu ħajjithom.  Wieħed minn kull tlieta li weġġgħu serjament kien sewwieq ta’ mutur.Għal dan il-għan, Transport Malta u l-Kunsill Malti għas-Sigurtà fit-Toroq iddeċidew li jiffukaw kampanja dwar l-interazzjoni fit-triq bejn is-sewwieqa tal-muturi, tal-karozzi u ċ-ċiklisti.  Il-kampanja tindirizza kemm lis-sewwieqa tal-muturi u r-roti kif ukoll tal-karozzi.  TM qed titlob lis-sewwieqa tal-muturi biex joqgħodu attenti u jkunu lesti għal kull manuvra fit-toroq, biex jilbsu ilbies protettiv u ma jsuqux b’mod eċċessiv.  Il-kampanja tindirizza wkoll lis-sewwieqa tal-karozzi. Is-sewwieqa tal-muturi u ċ-ċiklisti huma aktar diffiċli biex tarhom u għalhekk aktar vulnerabbli.  Għaldaqstant, il-kampanja titlob lis-sewwieqa tal-karozzi biex isuqu b’attenzjoni u jżommu d-distanza.
Aqra aktar

Iridu t-tfal fuq ir-rota b’elmu bilfors

Grupp ta’ esperti mediċi li għamlu riċerka dwar is-sigurtà taċ-ċiklisti qed jisuġerixxu li f’Malta tiddaħħal liġi fejn ikun mandatorju li tfal li jilbus l-elmu meta jsuqu r-rota. Xi ħaġa li diġa’ hija realtà f’seba stati membri tal-Unjoni Ewropea. Ir-riċerka ppubblika fil-ġurnal mediku ta’ pajjiżna, li toħroġ l-Universita ta’ Malta hija ffirmata minn tliet tobba li juru li t-tfal jidħlu iktar mill-adulti f’Mater Dei minħabba inċidenti li jseħħu meta jkunu qed isuqu rota.

Aqra aktar

Iwieġbu għall-inċidenti bil-mistoqsija “jien x’nista’ nagħmel aħjar?”

Fondazzjoni maħsuba biex tqajjem kuxjenza dwar dawk li jsuqu fuq żewġ roti, magħrufa bħala 2  Wheels Foundation, qed twieġeb għall-inċidenti fatali ta’ din is-sena b’iktar ħidma s-sena li ġejja.

F’konferenza tal-aħbarijiet fakkru kif in-numru ta’ fatalitajiet fit-toroq tagħna żdiedu b’rata allarmanti din is-sena, fejn mietu 25 persuna. “Minħabba f’hekk, it- 2 Wheels Foundation, NGO li twaqqfet fl- 2011 bil-għan li tqajjem kuxjenza dwar is-sigurà tas- sewwieqa tal-muturi, issa qed tieħu perspettiva iktar wiegħsa u qed tiffoka fuq is-sigurtà ġenerali fit- toroq. L-iskop tal-Fondazzjoni hu li tqajjem kuxjenza ma kull min juża it-toroq tagħna, kemm jekk huma pedonali, ċiklisti, motoċiklisti, sewwieqa tal-karozzi u t’a vetturi kbar,” qalet il-Fondazzjoni.

Aqra aktar

Ritorn mill-isbaħ

Bit-titjira EK109 minn Dubai, waslu ċ-ċiklisti li kienu protagonisti fit-18–il edizzjoni tal-LifeCycle Challenge. L-isfida din id-darba ħadithom iż-Żambia, b’ħamsa minn għaxar ċiklisti jlestu din l-isfida b’suċċess.

Mal-wasla tagħhom fl-Ajruport Internazzjonali ta’ Malta laqgħuhom il-familjari li kienu qed jistennewhom ħerqana wara ġimgħatejn jistennewhom fuq ix-xwiek.

Aqra aktar

Send this to a friend