Carmelo Abela – One News

Notifiki

Il-Polonja bl-aħħar tħejjijiet biex tiftaħ Ambaxxata f’Malta

Il-preparazzjonijiet għal ftuħ ta’ Ambaxxata Pollakka f’Malta waslu fi stadju avvanzat. Dan qalu Jacek Czaputowicz, Ministru għall-Affarijiet Barranin tar-Repubblika tal-Polonja, lill-kontroparti Malti tiegħu, Carmelo Abela, waqt taħdidiet li saru f’Varsavja l-Erbgħa 2 ta’ Ottubru li min-naħa tiegħu ddeskriva dan il-pass bħala pass importanti fir-relazzjonijiet diġà tajbin ħafna bejn Malta u l-Polonja. Aqra aktar

“Wasal iż-żmien li l-UE tara l-Afrika bħala sieħba kummerċjali importanti” – il-Ministru Carmelo Abela

In-narrattiva dwar il-migrazzjoni għandha tinbidel. Wasal iż-żmien li l-Unjoni Ewropea tara l-pajjiżi Afrikani bħala sieħba kummerċjali importanti. Dan ġie rrimarkat mill-Ministru għall-Affarijiet Barranin u Promozzjoni tal-Kummerċ, Carmelo Abela waqt li kien qed jindirizza diskussjoni tal-bord li saret bħala parti mill-14-il edizzjoni tal-Forum Strateġiku Bled annwali (BSF) fis-Slovenja. Il-Ministru Abela enfasizza li b’investiment f’pajjiżi tal-oriġini l-UE se tkun qed twassal biex tindirizza l-kawżi tal-migrazzjoni irregolari peress li se tipprovdi opportunitajiet ġodda għall-ġenerazzjonijiet żagħżugħa fil-pajjiżi tagħom stess. Aqra aktar

Ħtieġa urġenti li l-Kunsill tas-Sigurtà tan-Nazzjonijiet Magħquda jaġixxi b’mod koerenti dwar il-Libja

Waqt laqgħa informali tal-Ministri tal-Affarijiet Barranin tal-UE (Gymnich) f’Ħelsinki, il-Ministru għall-Affarijiet Barranin u Promozzjoni tal-Kummerċ Carmelo Abela tkellem dwar il-ħtieġa urġenti li l-Kunsill tas-Sigurtà tan-Nazzjonijiet Magħquda (NM) jaġixxi b’mod koerenti dwar il-Libja, aktar u aktar f’mument fejn hemm xejn inqas minn ħames stati membri tal-unjoni li huma wkoll membri tal-aktar organu li għandu saħħa fin-NM. Aqra aktar

Malta determinata li żżomm fuq l-aġenda tal-Unjoni Ewropea l-kwistjoni tal-Paċi fil-Libja

Il-Ministru għall-Affarijiet Barranin u l-Promozzjoni tal-Kummerċ, waqt li kien qed jipparteċipa fil-programm temi fuq ONE Radio, ikkonferma l-impenn tal-Gvern Malti fuq livell Ewropew sabiex il-kwistjoni tal-paċi fil-Libja tibqa’ tingħata prijorità. Huwa semma kif dan Malta qed tagħmlu billi fittxet diġà bosta drabi li tpoġġi fuq l-aġenda tal-Ministri tal-Affarijiet Barranin tal-Unjoni Ewropea, l-kwistjoni tas-sitwazzjoni fil-Libja u dak kollu li timplika għall-poplu Libjan u għar-reġjun. Huwa qal li dan juri tal-inqas żewġ affarijiet: li Malta m’għandix il-lussu li tħares lejn in-naħa l-oħra fi kwistjonijiet li jirrigwardaw il-viċinat, u li dan juri kif Malta qed tkun proattiva sabiex l-Unjoni Ewropea tifhem u jkollha pożizzjoni komuni fuq l-għajnuna li għandha tingħata mill-komunità Ewropea lejn proċess ta’ paċi għall-sigurtà u prosperità fil-Libja. Aqra aktar

Malta qed tmexxi l-ewwel forum internazzjonali tal-Ambaxxaturi tal-Oċeani

Malta qed tlaqqa’ s-sitt Ambaxxaturi tal-Oċeani minn madwar id-dinja għall-ewwel forum internazzjonali dwar is-suġġett. Dan wara li sena ilu Malta ħatret lill-Professur Alan Deidun bħala l-Ambaxxatur tagħha għall-Oċeani. Dawn is-sitt pajjiżi, li huma wkoll parti mill-Commonwealth u Stati Membri tal-Unjoni Ewropea, qed jiddiskutu mezzi sostenibbli ta’ kif il-gvernijiet jistgħu jiġġieldu t-tniġġis tal-Oċeani fost l-oħrajn.Aqra aktar

Send this to a friend