Brexit – Page 6 – One News

Notifiki

Illejla jittieħed il-vot dwar Brexit fil-Parlament Ingliż

Illum mistenni jittieħed il-vot finali dwar Brexit.  Il-Membri Parlamentari Ingliżi mistennija jivvutaw għal ħabta tas-19:00 tal-lejla fil-Parlament ingliż magħruf iżjed bħala l-House of Commons.

Huma se jivvutaw għall-pakkett li l-Gvern imexxi minn Theresa May ftiehem mal-Unjoni Ewropea dwar il-ħurġ tar-Renju Unit mill-Unjoni Ewropeja. Dwar dan il-pakkett diħa kien hemm ir-riżenji mill-kabinett ta’ May.Aqra aktar

Il-Gvern Ingliż lest jagħti aktar appoġġ lill-ħaddiema biex dawn ikunu favur l-abbozz Brexit

Il-Gvern Ingliż qed jikkunsidra li jagħti aktar protezzjoni lill-ħaddiema u lill-ambjent biex jirbaħ l-appoġġ ta’ dawn iż-żewġ oqsma fil-proċess Brexit. Dan kien propost mill-Membru Parlamentari Laburista John Mann, li huwa magħruf li jappoġġja għall-aħħar il-ħruġ tar-Renju Unit mill-Unjoni Ewropea.Aqra aktar

Theresa May b’appell għall-appoġġ dwar il-pjan Brexit

Il-Prim Ministru Ingliż ħeġġet lill-membri parlamentari biex jappoġġjaw il-ftehim Brexit, u qalet li huwa l-unika mod li jkun onorat ir-riżultat tar-referendum u tkun protetta l-ekonomija.

Kitba tagħha ppubblikata f’gazzetta fil-jum tal-Ħadd, May qalet li l-kritiċi tagħha, kemm dawk favur u dawk kontra Brexit, qed jirriskjaw li jagħmlu ħsara lid-demokrazija jekk jopponu l-pjan tagħha.

Iżda stħarriġ li sar għal kampanja People’s Vote wera li inqas minn persuna waħda minn erba votanti jappoġġjaw il-ftehim Brexit ta’ May.

Il-membri parlamentari se jkunu qed jivvutaw fuq jekk humix favur jew kontra l-pjan ta’ May il-ġimgħa d-dieħla. Ir-Renju Unit se jitlaq mill-Unjoni Ewropea fid-29 ta’ Marzu, irrelevanti jekk ikunx hemm ftehim mal-Unjoni Ewropea jew le.

“Bl-ebda mod m’aħna se nappoġġjaw l-abbozz Brexit”- id-DUP

Bl-ebda mod m’aħna se nappoġġjaw l-abbozz Brexit tal-Prim Ministru Theresa May. Hekk qal il-Partit Unjonist Demokratiku tal-Irlanda, id-DUP, li żied jgħid ukoll li jinsabu inkwetati ferm dwar x’jista jfisser dan il-ftehim għall-Irlanda.

Dan minkejja li fl-aħħar jiem, id-DUP kellu diversi laqgħat mal-Prim Ministru May biex din tal-aħħar tipprova tikkonvinċihom jappoġġjaw il-ftehim tagħha.

Intant, May għadha qed tipprova tikseb assigurazzjoni legali mill-Unjoni Ewropea, iżda qalet li n-negozjati mhux se jerġgħu jinfetħu.

Ir-Renju Unit mistenni jitlaq uffiċjalment mill-Unjoni Ewropea fid-29 ta’ Marzu.

“Il-vot dwar Brexit ma jistax jistenna”- Corbyn iħeġġeġ lil Theresa May ittemm il-vaganzi tal-Parlament Ingliż

Il-Mexxej tal-Partit Laburista Ingliż, Jeremy Corbyn, qed iħeġġeġ lill-Prim Ministru Ingliż Theresa May biex ittemm il-vaganzi tal-Milied tal-Parlament, sabiex il-Membri Parlamentari jkunu jistgħu jieħdu vot dwar Brexit.

Il-Membri Parlamentari Ingliżi mistennija lura fil-House of Commons fis-7 ta’ Jannar li ġej, u l-Prim Ministru May qalet li l-vot dwar il-ftehim tal-ħruġ tar-Renju Unit mill-Unjoni Ewropea se jittieħed il-ġimgħa ta’ wara. Corbyn kien pront joġġezzjona għal dan, u qal li l-vot għandu jittieħed mill-aktar fis possibbli.

Intant, sors minn Downing Street qal mal-midja Ingliża li l-kumment ta’ Jeremy Corbyn qed jitqies bħala wieħed “redikolu”.

Ir-Renju Unit se jħalli ċittadini Ewropej isibu xogħol fil-pajjiż sal-2025

Ċittadini Ewropej b’ħiliet limitati se jkollhom iċ-ċans isibu xogħol fir-Renju Unit minn tal-anqas sal-2025.

Dan hekk kif il-Gvern Ingliż nieda White Paper dwar il-migrazzjoni minn u lejn l-Ewropea wara Brexit, li fost oħrajn qed tipproponi skema li se tippermetti biex migranti jkomplu jidħlu fir-Renju Unit. Dan minkejja tensjoni bejn iż-żewġ partijiet minħabba l-giljottina fuq il-moviment ħieles li huwa permessibbli bis-sħubija fl-Unjoni Ewropea.

L-iskema se tapplika għal kull Stat Membru tal-Unjoni Ewropea, u l-migranti se jkunu jistgħu jgħixu u jaħdmu fir-Renju Unit għal sena qabel ma jkunu mitluba jerġgħu japplikaw.

Il-Kabinett Ingliż jiltaqa’ u jfassal pjanijiet alternattivi f’każ li ma jkunx hemm ftehim formali dwar Brexit

Minħabba l-inċertezza fir-Renju Unit b’rabta mal-ftehim ta’ ħruġ mill-Unjoni Ewropea, il-Kabinett Ingliż iltaqa’ u ddeċieda li jaħdem fuq pjani oħra. Il-Ministri approvaw fondi li jlaħħqu ż-żewġ biljun ewro biex jintużaw minn dipartimenti tal-Gvern f’każ li r-Renju Unit joħroġ mill-Unjoni Ewropea fid-29 ta’ Marzu mingħajr ftehim formali.Aqra aktar

Send this to a friend