Il-Prim Ministru Ingliż Theresa May ser tkun qed tiltaqa’ mal-Kap tal-Opożizzjoni Ingliz Jeremy Corbyn dwar Brexit.
Probabbiltà ikbar ta’ Brexit mingħajr ftehim
In-negozjatur ewlieni tal-Unjoni Ewropea Michel Barnier qal li Brexit bla ftehim jidher iktar possibbli, iżda xorta jista jkun evitat.
Qal li jara tliet alternattivi ‘l quddiem wara li l-membri parlamentari Ingliżi fallew milli jaqblu fuq proposti ta’ Brexit: bla ftehim, estensjoni itwal jew il-ftehim tal-Prim Ministru.
Barnier sostna li qatt ma kienet ix-xewqa jew l-intenzjoni li ma jkunx hemm ftehim, iżda issa l-Unjoni Ewropea tinsab preparata, hekk kif jum wara jum, it-tluq bla ftehim jidher iktar probabli.
Il-Prim Ministru Theresa May qed tħejji ruħha għal ħames sigħat tal-laqgħat mal-kabinett fil-jum tat-Tlieta.
Il-membri parlamentari Ingliżi vvutaw fuq erba alternattivi għal ftehim ta’ May, iżda l-ebda wieħed minnhom ma kiseb maġġoranza.
Unjoni tad-dwana mal-Unjoni Ewropea ġiet miċħuda bi tliet voti filwaqt li mozzjoni għal referendum kiseb l-iktar voti favur, iżda xorta tilfet.
Ir-Renju Unit se jitlaq mill-Unjoni Ewropea fit-12 t’ April, iżda jaf jitlob għal estensjoni.
Tentattiv ieħor biex l-abbozz Brexit jgħaddi minn Westminster
Il-Prim Ministru Ingliż Theresa May qed tfittex l-aħjar pass ‘il quddiem biex tmexxi l-proċess Brexit. Dan wara li għat-tielet darba, il-Parlament Ingliż ivvota kontra l-abbozz li fasslet dwar il-ħruġ tar-Renju Unit mill-Unjoni Ewropea.
Kelliema għall-Gvern Ingliż żvelaw lill-midja Ingliża li Theresa May xorta bi ħsiebha tipprova tgħaddi l-abbozz minn Westminster. Il-Membri Parlamentari Ingliżi mistennija jivvutaw nhar it-Tnejn li ġej, fosthom biex titwaqqaf unjin tad-dwana. Minkejja dan, persuni li jappoġġjaw Brexit qed iħeġġu lill-Prim Ministru Ingliż biex ma tagħmilx dan.
May għandha sat-12 ta’ April li ġej biex tikseb estensjoni għall-perjodu tal-ħruġ biex ikun evitat Brexit mingħajr ftehim.
L-Ingliżi jridu t-tieni referendum
Eluf qed jinġabru fiċ-ċentru ta’ Londra biex isejħu għat-tieni referendum, hekk kif il-membri parlamentari Ingliżi qed ifittxu triq biex ikun indirizzat l-istaġnar li ġab miegħu Brexit.
“L-Ewropa trid tkun lesta għal kull eventwalità, anke jekk ir-Renju Unit joħroġ mill-UE bla ftehim”- il-PM
F’kummenti lill-midja ftit tal-ħin wara li tħabbar li l-Unjoni Ewropea mistennija taqbel li Brexit iseħħ fit-22 ta’ Mejju li ġej, il-Prim Ministru Joseph Muscat qal li l-Unjoni Ewropea trid tkun preparata għal kull eventwalità, anke jekk l-eventwalità ċara hija li r-Renju Unit joħroġ mill-Unjoni Ewropea mingħajr ftehim.Aqra aktar
Brexit mistenni jkun pospost sat-22 ta’ Mejju li ġej
Il-Mexxejja Ewropej mistennija jaqblu li Artiklu 50, li jiggarantixxi l-ħruġ tar-Renju Unit mill-Unjoni Ewropea, jiġi estiż sat-22 ta’ Mejju li ġej. Dan kien deċiż waqt is-Summit tar-rebbiegħa tal-Unjoni Ewropea fi Brussell, li din is-sena kien iddedikat għat-talba tal-Prim Ministru Ingliż Theresa May biex id-data ta’ Brexit, li oriġinarjament kellha tkun id-29 ta’ Marzu, tkun posposta. L-Unjoni Ewropea qalet li l-estensjoni tkun garantita jekk il-Parlament Ingliż f’Westminster japprova l-abbozz dwar Brexit qabel l-elezzjonijiet tal-Parlament Ewropew ta’ Mejju li ġej.Aqra aktar
Il-PM f’laqgħa mal-President tal-KE qabel jibda’ s-summit tal-Mexxejja Ewropej dwar Brexit
Il-Prim Ministru Joseph Muscat kellu laqgħa mal-President tal-Kunsill Ewropew, Donald Tusk, sigħat qabel ma’ jingħata bidu għas-Summit tar-rebbiegħa tal-Unjoni Ewropea, li din is-sena se jiffoka fuq possibbiltà ta’ estensjoni ta’ Brexit.
Il-Prim Ministru Muscat kien diġà ddikjara li l-Gvern Malti huwa favur estensjoni għaqlija tal-perjodu tal-ħruġ tar-Renju Unit mill-Unjoni Ewropea, iżda dan irid isir bi ftehim u pjan xieraq. Huwa kien fost is-27 mexxejja ta’ Stati Membri Ewropej li llum mistennija jiddeċidu jekk għandhiex tingħata l-estensjoni fuq Brexit, wara li din tintalab b’mod formali mill-Prim Ministru Ingliż, Theresa May.Aqra aktar
Il-PM fi Brussell għal summit dwar l-estensjoni ta’ Brexit
Il-Mexxejja Ewropej mistennija jiddeċiedu jekk Brexit jiġix estiż sat-30 ta’ Ġunju li ġej. Dan waqt is-Summit tar-rebbiegħa tal-Unjoni Ewropea, li din is-sena se jiffoka fuq it-talba tal-Prim Ministru Ingliż Theresa May biex id-data ta’ Brexit, li oriġinarjament kellha tkun id-29 ta’ Marzu, tkun posposta.
Il-Prim Ministru Joseph Muscat se jkun preżenti għal dan is-Summit, li ssejjaħ mill-President tal-Kunsill Ewropew Donald Tusk. Aktar kmieni l-Gvern Malti iddikjara li jaqbel mal-estesjoni ta’ Brexit, diment li dan isir bi ftehim u pjan ċar. Aqra aktar
“Jiena magħkom”- Theresa May lill-poplu Ingliż
“Jiena magħkom”. Hekk qalet il-Prim Ministru Ingliż Theresa May lill-poplu Brittaniku, fejn fl-istess nifs qalet ukoll li l-poplu għejja bil-logħob politiku dwar Brexit, u li wasal iż-żmien li tittieħed deċiżjoni.
Theresa May saħqet dan kollu wara li kitbet lill-President tal-Kunsill Ewropew, Donald Tusk, b’talba biex Brexit jiġi pospost sat-30 ta’ Ġunju li ġej.
Intant, il-Mexxej Laburista Ingliż, Jeremy Corbyn, qal li l-Prim Ministru May għadha qed tiċħad il-livell ta’ kriżi li nħoloq minħabba Brexit.
Il-Parlament Ingliż jivvota favur li jitlaq mill-Unjoni Ewropea bi ftehim
Il-Parlament Ingliż ivvota favur li jitlaq mill-Unjoni Ewropea bi ftehim fid-29 ta’ Marzu li ġej. Il-mozzjoni għaddiet b’312 vot favur tluq bi ftehim u b’308 favur tluq mingħajr ftehim.
Jum ilu, il-Parlament f’Westminster reġa’ vvota kontra l-abozz rivedut tal-Prim Ministru Theresa May dwar il-ħruġ tar-Renju Unit mill-Unjoni Ewropea. Fil-Parlament, May qalet li l-abbozz rivedut jirrispetta r-riżultat tar-referendum ta’ Ġunju 2016 filwaqt li jirrispetta r-rieda tar-Renju Unit u tal-Unjoni Ewropea.
Iżda dan ma kienx biżżejjed biex jikkonvinċi l-Parlament Ingliż, li qed jibqa’ jsostni sal-aħħar li kwistjonijiet bħal dik tal-fruntiera Irlandiża se tibqa’ sfida għan-negozjati Brexit.