Brexit – Page 20 – One News

Notifiki

“Kulħadd se jitlef xi ħaġa” – il-Prim Ministru dwar Brexit…f’Londra jiddiskuti opportunitajiet

“Din mhix sitwazzjoni fejn xi ħadd se jirbaħ.  Din hi sitwazzjoni fejn kulħadd se jitlef xi ħaġa.” Dan il-kumment tal-Prim Ministru Malti, Joseph Muscat, minn Londra f’mument fejn qed joqrob iktar il-mument li jiskatta l-proċess li permezz tiegħu jibdew in-negozjati dwar Brexit. 

Il-Prim Ministru qal li x-xewa kienet li r-Renju Unit jibqa’ fl-Unjoni Ewropea. “Ikun jaqblilna, kif nemmen li kien jaqbel għar-Renju Unit imma la ħadu d-deċiżjoni n-nies tar-Renju Unit ma nistgħu nagħmlu assolutament xejn dwar dan,” qal Joseph Muscat li tenna li x-xogħol tiegħu bħala Prim Ministru Malti hu li  l-impatt negattiv jigi ridott kemm jista’ jkun.

Żied li se jkun għajnejh miftuħa wkoll għall-opportunitajiet.

Aqra aktar

Il-Prim Ministru f’laqgħa mal-Prim Ministru tar-Renju Unit

Il-Prim Ministru Joseph Muscat illum kellu laqgħa mal-Prim Ministru tar-Renju Unit Theresa May f’Westminster Abbey.

Il-laqgħa ffukat fuq ir-relazzjonijiet bejn Malta u r-Renju Unit fid-dawl ta’ Brexit, kif ukoll fuq il-passi li jmiss għar-Renju Unit wara li jiġi skattat Artiklu 50 tat-Trattat ta’ Lisbona li bih ikun jista’ jinbeda l-proċess biex r-Renju Unit toħroġ mill-Unjoni Ewropea.

Aqra aktar

Sa nhar it-Tlieta, mistenni vot dwar Brexit

Il-Prim Ministru tal-Ingilterra, Theresa May mistennija tgħaddi l-vot ta’ BREXIT u allura tiskatta artiklu ħamsin sa nhar it-Tlieta li ġej.

Dan jekk il-membri parlamentari jivvuttaw favur l-abbozz li se jitressaq.

Is-segretarju ta’ BREXIT ħeġġeġ lill-membri parlamentari biex iħallu l-abbozz biex joħorġu mill-Unjoni Ewropea kif inhu.

Dan meta jsir id-dibattitu nhar it-Tnejn li ġej li se jkun it-tieni darba li l-membri parlamentari se jiddibatu u jivvuttaw fuq dan l-abbozz.

Minn hemm imbagħad tgħaddi lill-‘House of Lords’.

“Se jasal jum meta l-Ingilterra jaf terġa’ tirritorna lura fl-UE”

Il-President tal-Kummissjoni Ewropea, Jean-Claude Juncker, jinsab kunfidenti li l-Ingilterra se tkun qed terġa’ tagħmel parti mill-Unjoni Ewropea wara l-Brexit.

“Il-Brexit ma joġgħobnix għax nixtieq inkun fl-istess dgħajsa tal-Ingliżi,” qal Juncker. Hu kompla billi qal li l-Brexit ma jfissirx it-tmiem tal-Unjoni Ewropea, u lanqas ifisser it-tmiem ta’ kull tip ta’ żvilupp li sar, lanqas ifisser it-tmiem tal-ambizzjonijiet kontinentali.

Il-President tal-Kunsill Ewropew, Donald Tusk, qal li meta l-Ingilterra tinnotifikana, huwa d-dmir tagħna li nirreaġixxu b’draft tal-linja gwida tan-negozjati, dan biex jiġu ppreżentati lis-27 Stat Membru biex jikkunsidraw.

Aqra aktar

Skozja indipendenti sal-2018?

Il-Kap tal-Gvern Skoċċiż Nicola Sturgeon, stqarret li hija mhux teskludi li jsir it-tieni referendum ta’ indipendenza fl-2018.

Din il-possibilità ila fuq l-aġenda ta’ Sturgeon minn meta r-Renju Unit iddeċieda li ma jibqax membru tal-Unjoni Ewropea.

Aqra aktar

Eluf ta’ tobba mistennija jitilqu mir-Renju Unit

Il-maġġoranza tat-tobba li ġejjin minn pajjiżi Ewropej u li qed jaħdmu fir-Renju Unit qed jikkunsidraw li jitilqu minn dan il-pajjiż minħabba BREXIT, dan ħareġ fi stħarriġ li sar mill-GMC (General Medical Council). Dan ifisser li eluf ikunu qed jitilqu mir-Renju Unit fuq mhedda ta’ sentejn.

Aqra aktar

X’se jiġri mill-Maltin li jgħixu l-Ingilterra?

BREXIT – Għaddew madwar tmien xhur minn meta r-Renju Unit ivvota biex joħroġ mill-Unjoni Ewropea. Iżda għadu mhux ċar x’se jiġri mill-miljuni ta’ persuni li twieldu f’pajjiż membru tal-Unjoni Ewropea u li llum qed jgħixu fir-Renju Unit, dawn se jitħallew jibqgħu jgħixu hemm? Din hija kwistjoni li taffettwa ukoll direttament lil Maltin.

Aqra aktar

Send this to a friend