Amerika | One News

Notifiki

“Rajnih jispara lil uffiċjal tal-Pulizija”

Ian David Long ta’ 28 sena, u li huwa eks membru tal-Forzi tal-Ordni Amerikana, qatel 12-il persuna f’bar f’Kalifornja lbieraħ, fl-inħawi magħrufa bħala Thousand Oaks.

Minn tal-anqas 200 persuna kienu fil-bar fil-ħin tal-attakk, hekk kif kien qed jiġi organizzat festin għal studenti ta’ Università fil-viċinanzi. Aqra aktar

“Malta u l-Maltin taw il-ħajja lil dan l-Istat”- politiku Amerikan li ħadem biex Malta tkun iċċelebrata fl-Istati Uniti

Fl-Istat Amerikan ta’ Michigan għadha kif għaddiet mozzjoni biex din il-ġimgħa tibqa’ ddedikata għall-Wirt Malti fl-Amerika.

Il-mozzjoni tressqet mir-rappreżentat Demokratiku fl-istat ta’ Michigan, Darrin Camilleri. Camilleri huwa l-ewwel Malti-Amerikan rappreżentat tal-Istat fl-Istorja ta’ Michigan. Dan kollu fil-preżenza ta’ diversi Maltin-Amerikani fil-Capitol ta’ Michigan.
Aqra aktar

Jinħeles mill-ħabs wara 27 sena ta’ akkużi foloz ta’ qtil

Artist li ilu dawn l-aħħar 27 sena l-ħabs fuq akkuża tal-qtil ta’ tfajla ta’ 17-il sena inħeles wara li d-deċiżjoni tal-Qorti inbidlet ta’ taħt fuq u iddikjaratu mhux ħati.

Il-każ seħħ fl-1991 f’New York.

Valentino Dixon, li dejjem insista li huwa ma kienx ħati, sar magħruf mad-dinja kollha wara li tul is-snin twal li qatta l-ħabs, kien jesprimi ruħu bit-tpinġija.Aqra aktar

L-Istati Uniti tgħid li l-Kunsill tad-Drittijiet tal-Bniedem hu fossa ta’ xaqlib politiku

L-Istati Uniti telqet ‘il barra mill-Kunsill tad-Drittijiet tal-Bniedem fi ħdan in-Nazzjonijiet Magħquda, hekk kif kien deskritt mill-istess pajjiżi bħala fossa ta’ xaqlib politiku.

Nikki Haley, il-mibgħuta speċjali tal-Istati Uniti, qalet li dal-Kunsill huwa ipokritu u jaqdi lilu nnifsu, filwaqt li jwaqqa għaċ-ċajt id-drittijiet tal-bniedem. Is-sena l-oħra, Haley akkużat lill-kunsill b’xaqlib kroniku u kontra l-Iżrael, u qalet li l-Istati Uniti kienet qed terġa tikkunsidra s-sħubija tagħha fih.

Il-Kunsill, li kien iffurmat fl-2006, kien ikkritikat li jħalli pajjiżi b’dubji serji fuq id-drittijiet tal-bniedem ikunu membri. Iżda attivisti qalu li jekk l-Istati Uniti jieħdu dal-pass, jaf l-isforzi li qed isiru biex jissorveljaw u jindirizzaw abbużi tad-drittijiet tal-bniedem madwar id-dinja jieħdu daqqa lura.

L-Ewropej qed isibuha diffiċli jiddjalogaw dwar perspettivi futuri mal-Amerikani – Alfred Sant

Il-Kap tad-Delegazzjoni Maltija Laburista tal-Parlament Ewropew Dr Alfred Sant qal lil grupp studenti mill-Kulleġġ tal-Ewropa fi Bruges li minħabba l-imprevedibbilita`, perċepita jew reali, tal-politika tal-President Donald Trump, l-Ewropej – inkluż dawk fil-Parlament Ewropew – qed isibuha aktar diffiċli biex ikollhom djalogu ma’ rappreżentanti tal-Istati Uniti li jistgħu jitkellmu b’mod awtoritevoli dwar perspettivi futuri tal-Istati Uniti.

Aqra aktar

It-tifel ta’ Trump se jiddivorzja

Wara 12-il sena miżżewġin, Donald Trump Jr., it-tifel tal-President Amerikan u l-mara tiegħu se jiddivorzjaw.

Il-familja li ilha miżżewġa min Novembru 2005 qalu li l-5 t’itfal li għandhom se jibqgħu il-prijorità tagħhom.

Is-Segretarju tal-Istat Amerikan isir jaf li tkeċċa permezz ta’ tweet minn Trump

 

Il-President Amerikan Donald Trump keċċa lis-Segretarju tal-Istat Rex Tillerson. Postu se jieħdu d-direttur tas-Central Intelligence Unit Mike Pompeo.

F’messaġġ fuq Twitter, Trump irrangrazzja lil Tillerson għal ħidmietu, u qal li s-Segretarju tal-Istat il-ġdid se jagħmel xogħol mill-aqwa.

L-Amerika b’tama li ssolvi l-kriżi tal-Korea ta’ Fuq

Is-segretarju tad-difiża tal-Istati Uniti, James Mattis qal li l-Amerka għadha tittama li ssolvi l-kriżi tal-Korea ta’ fuq billi tuża d-diplomazija.

Wara ġranet ta’ rettorika miż-żewġ naħar, kemm l-Istati Uniti kif ukoll il-Korea ta’ fuq, Mattis qal li gwerra tkun katastrofika u li d-diplomazija kienet qed iġġib ir-riżultati.

Aqra aktar

Send this to a friend