america | One News

Notifiki

Melania Trump kontra d-Daily Mail – tirbaħ Melania

Il-ġurnal Ingliż Daily Mail irid iħallas id-danni lill-First Lady tal-Istati Uniti, wara artiklu li kitbu fuq il-karriera tagħha. Fl-artiklu allegaw li Melania Trump ħadmet bħala escort, għalkemm aktar tard irtiraw l-allegazzjoni. L-istorja kienet ippublikata waqt il-kampanja elettorali fl-Istati Uniti, is-sena li għaddiet. Melania Trump aċċettat l-apoloġija tal-ġurnal filwaqt li fittxitu għal $150 miljun. L-ammont li ħadet wara l-kawża ma ġiex ippubblikat.

Tensjoni li qed tiggrava; ir-Russja u l-Iran iwissu lil Trump

Ir-Russja u l-Iran wissew lill-President Amerikan Donald Trump li se jirritaljaw b’azzjoni militari jekk inieidi aktar attakki fuq is-Sirja. It-theddeida saret hekk kif qalu li Trump qasam il-linji ħomor metaforiċi, meta bbombardja l-forzi ta’ Bashar al-Assad bil-missili. L-ambaxxata Russa f’Londra wissiet nhar il-Ħadd filgħaxija li jista’ jkun hemm gwerra ta’ vera jekk Moska tintalab ultimatum fuq is-Sirja. Dan fl-istess waqt li s-Segretarju Ingliż għall-Affarijiet Barranin, Boris Johnson, se jaħdem biex ikunu imposti sanzjonijiet ġodda fuq ir-Russja jekk ma tirtirax l-appoġġ lejn Assad.

F’laqgħa tal-pajjiżi parti mill-G7 fl-Italja, Johnson misteni jkompli jitfa pressjoni fuq Moska u jipprova jiżola lir-Russja mill-komunità internazzjonali. Is-Segretarju Ingliż responsabbli mid-difiża Michael Fallon qal li r-Russja hija responsabbli minn kull mewt ċivili li Assad qed ikkaġuna fuq il-poplu tiegħu stess.

Jeff Sessions ikkonfermat Avukat Generali tal-Istati Uniti

Is-senat Amerikan ikkonferma lis-Senatur ta’ Alabama Jeff Sessions bħala l-avukat ġenerali tal-Istati Uniti. Dan wara li kien innominat tal-President Amerikan Donald Trump.

Id-deċiżjoni ittieħdet wara smigħ li ħa ħin mhux ħażin u li tulu spikkaw l-attakki tad-Demokratiċi dwar ir-rekord ta’ Jeff Sessions fid-drittijiet ċivili.

Filfatt,  kelliema għad-demokratiċi kienet mwaqqfa milli titkellem u dan meta ssemmew allegazzjonijiet ta’ razziżmu fil-konfront ta’ Sessions.

Aqra aktar

“Tal-mistħija”

Il-Prim Ministru ta’ Iżrael, Benjamin Netanyahu, sejjaħ ‘tal-mistħija’ il-vot tan-Nazzjonijiet Magħquda favur reżoluzzjoni li ġġiegħel lill-Iżrael iċċedi art fil-Palestinjana.

Saħaq li l-Iżrael mhux se jimxi mal-vot ta’ nhar il-Ġimgħa fil-Kunsill tas-Sigurtà tan-Nazzjonijiet Magħquda.

Ir-reżoluzzjoni titlob li l-Iżrael iċedi l-art f’Ġudea, Samaria u Ġerusalemm tal-Lvant. L-Istati Uniti astjenew mill-vot u m’użawx il-veto biex iwaqqfu r-reżoluzzjoni.

Diversi uffiċjali mill-Iżrael attakkaw lill-President tal-Istati Uniti Barack Obama u lis-Segretarju tal-Istat John Kerry ta’ din il-mossa.

Send this to a friend