2019 – One News

Notifiki

L-Eżekuttiv Nazzjonali b’vot ta’ fiduċja unanimu fil-Prim Ministru

L-Eżekuttiv Nazzjonali tal-Partit Laburista, b’rappreżentanza tal-fergħat kollha tal-Partit Laburista, ta vot ta’ fiduċja unanimu lill-Prim Ministru.

L-Eżekuttiv Nazzjonali ħa nota tad-deċiżjonijiet li ttieħdu fl-aħħar sigħat u l-vot ittieħed waqt laqgħa fejn b’sens ta’ responsabbiltà saret diskussjoni dwar l-iżviluppi fil-pajjiż fl-aħħar sigħat.

Għada jiftaħ il-Festival Nazzjonali tal-Ktieb 2019

Il-Festival Nazzjonali tal-Ktieb, li issa stabbilixxa ruħu bħala l-aktar avveniment prestiġġjuż li għandu x’jaqsam mal-kotba f’Malta, se jiftaħ il-bibien tiegħu lill-pubbliku għada l-Erbgħa 6 ta’ Novembru, u jibqa’ għaddej sal-Ħadd 10 ta’ Novembru. Illejla jkun hemm iċ-ċerimonja tal-ftuħ li tkun tinkludi t-tħabbir tar-rebbieħa tal-Premju Nazzjonali tal-Ktieb Terramaxka. Aqra aktar

Raġel armat jisraq minn ħanut fil-Marsa

Raġel mgħammad u armat b’arma bil-ponta seraq ammont ta’ flus kontanti minn ħanut fi Triq Ħal Qormi fil-Marsa.

Il-każ seħħ ilbieraħ filgħaxija għall-ħabta tad-disgħa u nofs fejn minn stħarriġ preliminari mill-Pulizija jidher li r-raġel armat daħal fil-ħanut u talab il-flus lill-kaxxier, raġel minn Santa Venera.

Wara s-serqa, r-raġel ħarab minn fuq il-post.

Bil-każ ġiet infurmata l-Maġistrat tal-Għassa Dr. Yana. Micallef Stafrace li ħatret diversi esperti sabiex jassistuha fl-inkjesta.

L-investigazzjonijiet tal-Pulizija għadhom għaddejjin.

BIL-FILMAT: “Xorta nistgħu ma nispiċċawx l-aħħar” – Iż-Żażu

Wara t-telfa tat-tim nazzjonali tal-futbol kontra l-Gżejjer Faroe li poġġiet lil Malta fl-aħħar post, il-kowċ tat-tim nazzjonali Raymond “Żażu” Farrugia jemmen li Malta xorta tista’ ma tispiċċax l-aħħar fil-grupp ta’ kwalifikazzjoni għall-EWRO 2020.

Fl-ajruport internazzjonali crew tal-programm ONE Breakfast stenna lill-kowċ nazzjonali biex jieħu l-kummenti tiegħu hekk kif it-tim irritorna wara d-disfatta tat-Tlieta li għadda.

Aqra aktar

Send this to a friend