Sport | One News - Part 3

Notifiki

Suċċess għaċ-ċiklisti Maltin fil-Giro d’Italia Amatori

Suċċess għaċ-ċiklisti Maltin fit-8 edizzjoni tal-Giro d’Italia Amatori meta dan l-aħħar it-tim nazzjonali Malti f’Perugia ħa sehem fi tliet tiġrijiet fejn kisbu riżultati ferm tajbin. It-tim li kien immexxi mis-Segretarju Ġenerali tal-Federazjoni Maltija taċ-Ċikliżmu Joe Bajada kkompeta fl-ewwel tappa kienet Time Trial f’Santa Maria degli Angeli f’Assisi fuq distanza ta’ 8 km. It-tieni tappa kienet Road Race f’Torgiano filwaqt li t-tielet tappa kienet Road Race ohra f’Pretola.

Aqra aktar

Kyle Camilleri u Carmelo Borg jirbħu l-Kampjonati Nazzjonali Motocross 2018/2019

Nhar il-Ħadd li għadda 2 ta’ Ġunju 2019 ingħalaq l-ewwel il-Kampjonat Nazzjonali Honda Motocross 2018/2019. Għal din l-attivta Motocross bil-Bonus Points ħadu sehem 20 kompetitur maqsuma fit-tlett klassijiet. Din l-attivita ssir biex tgħati ċans lil dawk li marru inqas tajjeb fl’attivitajiet tul dan l-istaġun. Kull rider għandu dritt ibiddel ir-rizultat miksub f’din l-attivita ma dak li fl-opinjoni tar-Rider huwa mar ħazin.

Aqra aktar

Euro 2020:- Imħabbra l-iskwadra finali għal kontra Svezja

Il-Kowċ tat-Tim Nazzjonali Malti Ray Farrugia ħabbar l-iskwadra ta’ 23 plejer li ser tkun qed tħalli pajjizna llum b’preparazzjoni għal logħba ta’ kwalfikazzjoni tal-Euro 2020 kontra Svezja, logħba valida minn Grupp F.

L-captain Michael Mifsud mhuwiex inkluż fl-iswkadra hekk kif qed jirkupra minn injury pero jista jkun li jilħaq jirkupra għall-partita ta’ nhar it-Tnejn kontra r-Rumanija. Anke Ryan Fenech kif ukoll Leighton Grech jinsabu imweġġgħin u ma ġewx inklużi.

Għal ewwel darba ġie msejjah fl-iskwadra tat-Tim Nazzjonali l-plejer ta’ Mosta FC Dexter Xuereb filwaqt li anke Triston Caruana ta’ Hamrun Spartans FC huwa parti minn din l-iskwadra.

L-iskwadra finali hija din:-

GOALKEEPERS

Henry Bonello (Valletta); Justin Haber (Gżira United); Andrew Hogg (Birkirkara).

DIFENSURI

Andrei Agius (Hibernians); Ferdinando Apap (Victoria Hotspurs); Steve Borg (Valletta); Jonathan Caruana (Valletta); Joseph Mbong (Hibernians); Zach Muscat (SC Olhanense, Portugal); Dexter Xuereb (Mosta); Joseph Zerafa (Valletta).

MIDFIELDERS

Triston Caruana (Ħamrun Spartans); Juan Corbalan (Gżira United); Paul Fenech (Balzan); Luke Gambin (Crawley Town); Jake Grech (Hibernians); Bjorn Kristensen (Hibernians); John Mintoff (Sliema Wanderers); Rowen Muscat (Valletta); Dunstan Vella (Hibernians).

ATTAKANTI

Alfred Effiong (Balzan); Luke Montebello (Birkirkara); Kyrian Nwoko (Valletta).

Ritratti: Joe Borg/MFA

Suċċessi oħra fil-Mountain Biking ġewwa Sqallija

Il-mountain bikers Maltin komplew juru il-kapaċitajiet lil-hinn mill-kosta tagħna, hekk kif fl-aħħar ġimgħat ipparteċipaw fl-għaxar edizzjoni tal-Etna Extreme Marathon ġewwa Sqallija. Riżultat tajjeb miksub minn Marie Claire Aquilina (Team Greens) li rebħet il-kategorija femminili, filwaqt li Patrick Scicluna ħa it-tieni fil-kategorija tiegħu fil-korsa tal-Granfondo.

Il-Maratona Etna Extreme saret f’Nicolosi, belt żgħira li ospitat l-bidu u t-tmiem ta ‘din it-tellieqa. Iċ-ċiklisti Maltin ħadu sehem fil-kategoriji tal-Granfondo (42km) u l-Maratona (60km).

Fil-Maratona, wieħed u disgħin ċiklista kkompetew fit-tellieqa iebsa ta’ 60 kilometru. Wirja impressjonanti minn Marie Claire Aquilina li ddominat it-tellieqa u kisbet distakk tajjeb bejn l-eqreb rivali tagħha Valeria Trupia u Laura Melilli. Iċ-Champion kurrenti tal-Mountain Biking Malti, Maurice Formosa (The Cyclist) ta wirja qawwija biex jieħu t-tieni post fil-Kategorija Master 2. L-għawdxi Brandon Sultana (Gozo Cycling Club) kompla jagħti prestazzjonijiet aktar b’saħħithom u filwaqt li ma rnexxilux jieħu post fuq il-podju, il-ħames post tiegħu fl-iktar kategorija kompetittiva hija waħda li għanda tissemma.

Fil-Kategorija Granfondo ċ-ċiklista veteran Patrick Scicluna, li jtelllaq għall-Klabb FRM Racing Team Sicilia ikkompeta f’kategorija li rat 202 ċiklista jieħdu sehem. Il-prestazzjoni tiegħu ratu jieħu t-tieni post fil-Kategorija tal-Masters 4, b’distakk ta sekonda biss bejnu u bejn ir-rebbieħ. Scicluna kiseb it-13-il post fil-kategorija ġenerali.

B’kollox ħadu sehem ħmistax-il ċiklista Malti – Marie Claire Aquilina, Etienne Bonello, Mark Bonnici, Jeffrey Borg, Domenic Cutajar, Maurice Formosa, Stephen Grima, Justin Gauci, Mark Micallef, Wayne Schembri, Patrick Scicluna, Brandon Sultana, Josef Vella, Mark Zammit u Paul Zarb.

Ritratti: Patrick Scicluna  Marie Claire Aquilina.

 

Illejla l-finali tal-UEFA Champions League

Illejla jinżel is-separju fuq il-futbol Ewropew bil-finali tal-akbar kompetizzjoni Ewropeja l-UEFA Champions League, loghab li ser tlaqqa’ liż-żewġ timijiet Ingliżi ta’ Tottenham u Liverpool, logħba li ser tintlagħab f’Estadio Metropolitano f’Madrid f’Spanja.

Aqra aktar

GSSE: Aktar midalji għal Malta

Hekk kif ilbieraħ komplew il-kompetizzjonijiet, Malta kompliet tirbaħ aktar midalji bl-aktar waħda li tispikka tkun id-deheb mirbuħa mit-tiratriċi Eleanor Bezzina.  Bezzina rebħet il-kompetizzjoni tal-10 metru Air Pistol fid-dwell kontra iż-żewġ montenegrini Pantovic u Saranovic.    Aqra aktar

Send this to a friend