Lokali – Page 7 – One News

Notifiki

Inizjattiva ta’ tindif fil-family picnic area f’Ta’Qali, sit li se jifforma parti mill-Park Nazzjonali ta’ Malta

Ingħata bidu għal proġett ta’ diversi ġimgħat, li matulu se jkun hemm programm sħiħ ta’ tindif u manutensjoni maġġuri fl-inħawi u l-madwar tal-Family Picnic Area f’Ta’ Qali. Dan qed isir biex fil-jiem tax-xitwa l-familji li jmorru hemm għall-mistrieħ isibu ambjent li jixraq u kif imwiegħed mill-gvern, li jkompli joħloq aktar spazji miftuħa biex jitgawdew mill-poplu. Dan huwa wkoll parti mill-Park Nazzjonali ta’ Malta.

Diversi ministeri qed jikkoordinaw flimkien dan il-proġett.

Aqra aktar

Eluf iżuru l-mużewijiet u s-siti storiċi bħala parti mill-Ġimgħa għas-Servizz Pubbliku

Eluf ta’ nies illum ħadu l-opportunità offruta lilhom minn Heritage Malta biex iżuru s-siti storiċi u l-mużewijiet f’Malta u Għawdex bla ħlas. Din kienet l-ewwel attività għall-familja kollha organizzata bħala parti mill-Ġimgħa għas-Servizz Pubbliku ta’ din is-sena, li għandha t-tema ‘Lejn Servizz ta’ Eċċellenza’.

Aqra aktar

Raġel ta’ 29 sena akkużat li seraq u għamel il-ħsara fuq il-ħwejjeġ ta’ ħaddieħor

Wayne Catania ta’ 29 sena residenti l-Ħamrun baqa’ jinżamm arrestat wara li tressaq akkużat li b’attentat ta’ serq ta’ vettura u li għamel ħsara f’oġġetti ta’ ħaddieħor.

L-akkużat wieġeb mhux ħati għal akkużi miġjuba kontrih u talab għall-ħelsien mill-arrest.

Minkejja dan, il-qorti ċaħdet il-ħelsien mill-arrest.

 

L-Ajruport Internazzjonali ta’ Malta b’rikonoxximent għall-esperjenza tal-konsumatur

Il-Kunsill Internazzjoanli tal-Ajruporti, l-ACI, irrikonoxxa ħidmet l-ajruport Malti permezz ta’ programm li tnieda mill-Kunsill b’rabta mal-esperjenza tal-konsumatur. Dan il-programm huwa maħsub biex jevalwa l-ajruporti fuq tmien binarji dwar l-esperjenza tal-konsumatur, fosthom: l-għarfien dwar il-konsumaturi, l-innovazzjoni tas-servizz u l-kultura tal-ajruport. Kif ukoll jiggwida lill-parteċipanti sabiex jadottaw l-aqwa prattiki fl-industrija.

Aqra aktar

Titħassar titjira wara li ajruplan tal-Air Malta ntlaqat mill-għasafar

Fi stqarrija l-Ajruport Internazzjonali ta’ Malta qalu li t-titjira KM183 minn Londra, Southend għal Malta kellha titħassar wara li l-ajruplan intlaqat minn xi għasafar.

L-ajruplan kien qiegħed fil-proċess tat-tluq xħin intlaqat mill-għasafat, u minħabba s-sigurtà tal-passiġġieri u l-ekwipaġġ, il-bdot ordna biex titħassar it-titjira lejn Malta.

Ħadd ma kellu bżonn assistenza medika f’dan l-inċident.

Send this to a friend