Lokali – Page 5 – One News

Notifiki

BIL-FILMAT: Soru mill-Ghana titgħallem titkellem bil-Malti

Mija u erba’ immigrant temmew b’suċċess l-ewwel stadju tal-kors tal-integrazzjoni li jinkludi, il-lingwa u l-kultura Maltija/

Fil-gradwazzjoni li saret it-Tnejn filgħaxija fil-Kulleġġ Malti għax-Xjenza u t-Teknoloġija l-MCAST, ONE News tkellem ma’ Sister Deborah, immigranta mill-Ghana li ilha tgħix Malta għal dawn l-aħħar snin.

Aqra aktar

Kmamar għall-Għawdxin maqbuda f’Malta

Minħabba li s-servizz tal-Gozo Channel mistenni jibqa’ sospiż tul il-lejl kollu il-Ministeru għal Għawdex għamel arranġamenti ma’ numru ta’ lukandi madwar Malta sabiex ikunu jistgħu jikru kmamar bi prezz ridott lill-Għawdxin maqbuda f’Malta.

Dan ħabbritu l-Ministru Justyne Caruana fejn spjegat ukoll li kull min jagħmel użu minn dawn il-kmamar għandu jżomm l-irċevuti kollha.

Minn naħa tiegħu l-isptar mater dei ħabbar li għamel ftehim ma katina ta’ lukandi fil-Mellieħa u Buġibba li qed joffru kmamar lil dawk il-pazjenti Għawdxin li ġew Malta għal appuntament jew biex jirċievu trattament.

L-ispejjeż tal-kmamar għal pazjenti se jkunu mħallsa kollha mill-Ministeru għas-Saħħa u sostnew li dan l-arranġament huwa validu għal dan il-lejl biss u sabiex wieħed jirriżerva post għandu jieħu l-appuntament tal-isptar miegħu.

Il-PN mhux lest biex jiddiskuti r-rapport dwar ħatriet pubbliċi

4 xhur wara rapport tal-Kummissarju għall-Istandards dwar ħatriet pubbliċi, inkluż ta’ deputati parlamentari, il-Partit Nazzjonalista oġġezzjona li s-Segretarju Permanenti Ewlieni jressaq analiżi tiegħu fil-Kumitat għall-Istandards fil-Ħajja Pubblika.

Kien il-whip tal-grupp parlamentari Laburista, Byron Camilleri li talab din il-laqgħa u s-Segretarju Permanenti Ewlieni, Mario Cutajar, kien preżenti fil-parlament biex iressaq ir-rapport li ppubblika lbieraħ. Iżda, l-eks Kap tal-Oppożizzjoni Simon Busuttil rrifjuta li Cutajar iressaq ir-rapport u qal li l-oppożizzjoni ma kinetx lesta tiddiskutih f’dan l-istadju. Dan anke jekk għaddew ix-xhur minn meta ħareġ ir-rapport oriġinali li tiegħu saret l-analiżi.

Aqra aktar

Is-servizz tal-Gozo Channel ser ikun sospiż matul il-lejl kollu

Ftit tal-mumenti ilu l-Kap Eżekuttiv tal-Gozo Channel Joe Cordina kkonferma ma’ One.com.mt li s-servizz tal-Gozo Channel se jibqa’ sospiż tul il-lejl kollu minħabba kundizzjonijiet ħżiena tal-baħar. Huwa qal dan f’telefonata ma’ ONE News fejn sostna li dan qed isir minħabba s-sigurtà tal-passiġġieri.

Is-servizz ilu sospiż mit-Tlieta filogħdu hekk kif ir-riħ beda jlaħħaq il-Forza 8 mil-Lbiċ.

Intant il-Ministeru għal Għawdex qed jaħdem sabiex jagħmel arranġamenti ma’ diversi lukandi sabiex l-Għawdxin maqbuda f’Malta jkunu jistgħu iqattgħu l-lejl f’lukanda bi prezz ridott.

Dan ħabbritu l-Ministru għal Għawdex Justyne Caruana fejn spjegat li l-ministeru nieda linja tat-telephone 2210000 għal dawk kollha maqbuda Malta. Hija spjegat ukoll li sa issa diġa saru arranġamenti ma’ numru ta’ lukandi ewlenin fejn qed joffru ljieli bi prezzijiet ridotti.

 

Send this to a friend