Lokali | One News - Part 4

Notifiki

Delia ma jridx jippubblika d-dokumenti li għadda lill-Pulizija

Il-Kap tal-Partit Nazzjonalista Adrian Delia qal li mhux se jgħid x’fihom id-dokumenti li għadda lill-Pulizija biex tinvestigahom għax qal li jkun qiegħed jippreġudika l-investigazzjonijiet tal-pulizija.

F’konferenza tal-aħbarijiet tard is-Sibt filgħaxija, Delia kien mistoqsi għal darba tnejn mill-ġurnalisti biex jgħid x’inhuma d-dokumenti li għadda lill-Pulizija biex tinvestiga għax skontu ġew iffalsifikati.Aqra aktar

Tasal pajjiżna l-ewwel skultura tal-Ħelsien

Jonqos ftit għexieren ta’ skulturi li l-Partit Laburista kkummissjona għall-aveniment storiku li jfakkar l-erbgħin anniversarju mill-kisba tal-Ħelsien. Bħalissa l-Partit Laburista qed jieħu l-ordnijiet bil-quddiem għal dawk interessati u sadanittant waslet Malta l-iskultura bin-numru wieħed.

Skultura mill-isbaħ li għalkemm Imfassla bid-disinn kienet diġa’ tidher bħala biċċa arti ta’ livell, meta wieħed jara f’idejh jitpaxxa bil-ġmiel artistiku tagħha.

Erġajna tkellimna mal-artist Pierre Portelli.

Żewġ irġiel imutu f’żewġ inċidenti separati f’siti ta’ kostruzzjoni

Kien bidu ta’ ġimgħa traġiku għal żewġ persuni li sfortunatament tilfu ħajjithom f’żewġ inċidenti separati f’siti ta’ kostruzzjoni f’Tas-Sliema u San Ġiljan.

L-ewwel diżgrazzja seħħet għall-ħabta tat-tmienja ta’ filgħodu meta numru ta’ ħaddiema li kienu dieħlin għax-xogħol f’sit ta’ kostruzzjoni fi Triq Dingli f’Tas-Sliema nnutaw ġuvni bla ħajja f’ħofra fonda madwar erba’ sulari.

Immedjatament fuq il-post intalbet l-għajuna tal-Pulizija flimkien ma’ tim mediku mill-Isptar Mater Dei u tim ta’ ħaddiema tal-Protezzjoni Ċivili.

Minħabba li r-raġel waqa’ f’post mhux aċċessibbli,  il-ħaddiema tal-Protezzjoni Ċivili mit-taqsima tal-USAR kellhom jinżlu ħdejh permezz tal-ħbula u makkinarju tal-kostruzzjoni. Ir-raġel ġie ċċertifikat mejjet fuq il-post mit-tobba tal-emerġenza Dr Michael Spiteri u Dr Jonathan Joslin.

Għal xi ħin ir-raġel x’aktarx barrani ma setax jiġi identifikat hekk kif fuq persuntu ma nstabet l-ebda forma ta’ dokumentazzjoni.

It-tieni diżgrazzja seħħet għall-ħabta tat-tlieta ta’ waranofsinhar meta Taljan ta’ 40 sena ltaqa’ bla ħsieb mal-mewt meta waqa’ minn għoli ta’ madwar tliet sulari waqt li kien qed jaħdem f’sit ta’ kostruzzjoni li jinsab fi Triq Francis Zammit f’San Ġiljan.

Immedjatament fuq il-post mar tim mediku mill-Isptar Mater Dei flimkien ma’ membri tal-Protezzjoni Ċivili. Madankollu, tabib li mar fuq il-post mat-tim mediku ċċertifika l-vittma mejjet fuq il-post.

Dwar dawn iż-żewġ każi infetħet inkjesta mill-Maġisrat tal-Għassa bl-investigazzjonijiet qed jitmexxew mill-Pulizija tad-Distrett u mid-Dipartiment tas-Saħħa u s-Sigurtà fuq il-Post tax-Xogħol.

Ir-rapport dwar miżuri kontra abbużi fit-taxxa huwa difettuż – Alfred Sant

Alfred Sant qal lill-Parlament Ewropew li r-rapport dwar miżuri fil-ġlieda kontra l-abbużi fit-tassazzjoni huwa difettuż u jippreżenta nuqqasijiet fundamentali. Dan ir-rapport irid ikun fattwali, iffokat tajjeb u jrid ukoll ikun ċar dwar il-kawżi u s-soluzzjonijiet ta’ dawn l-abbużi. Sfortunatament, ir-rapport jaċċetta bħala fatt, allegazzjonijiet u suspetti mingħajr ma jivverifika l-verita`.

Alfred Sant qal li elementi differenti fit-tmexxija finanzjarja tal-istat qed jiġu assoċjati, mingħajr ebda evidenza, ma’ żieda fil-kriminalita` f’dan il-qasam.

“Agħar minn hekk, jeżisti żbilanċ, li huwa tanġibbli ħafna, kontra l-istati ż-żgħar u l-istituzzjonijiet kummerċjali tagħhom. Allura, il-każ tal-Bank Pilatus f’Malta qed jingħata importanza kbira. Il-każ tal-Bank Ġermaniż Deutsche Bank, minkejja li huwa inkwetanti iktar, qed jiġi injorat.”Aqra aktar

Jiskatta l-proċess fuq l-bidliet mill-Kummissjoni Venezja

Wara li dan il-Gvern ħabbar illi kien ser jibda bl-implimentazzjoni ta’ bidliet imsemmija mill-Kummissjoni Venezja, illum stess skatta l-proċess leġiżlattiv hekk kif fil-Parlament sar l-ewwel qari ta’ ħames abbozzi ta’ liġi dwar l-Avukat Ġenerali, il-Pulizija, il-Kummissjonijiet Kostituzzjonali, l-Ombudsman u s-Servizz Pubbliku.

Il-Ministru Għall-Ġustizzja Owen Bonnici qal li l-abbozz ta’ liġi dwar l-Uffiċju tal-Avukat Ġenerali li għandu l-għan illi jifred il-funzjonijiet ċivili minn dawk ta’ prosekuzzjoni, il-Gvern huwa kommess li jgħaddi mill-istadji leġiżlattivi parlamentari sa’ qabel il-btajjel tas-sajf.Aqra aktar

Il-PN irid iqarraq bin-nies dwar is-sitwazzjoni tal-Air Malta – Ministeru għat-Turiżmu

Bl-aħħar stqarrija maħruġa minn organu uffiċjali tal-Oppożizzjoni Nazzjonalista, jidher biċ-ċar li l-għan tal-Oppożizzjoni, bħas-soltu, hu li tqarraq bin-nies dwar is-sitwazzjoni tal-Air Malta hekk kif il-kumpanija rreġistrat l-ewwel profitti tagħha wara li kienet tħalliet fi stat degradanti fi żmien gvernijiet Nazzjonalisti.  

L-operat tal-Malta MedAir hu totalment indipendenti minn dak tal-Air Malta u qed jopera fuq business plan totalment separat li fil-biċċa l-kbira tiegħu jinkludi l-kirja lura lill-Air Malta tal-landing rights ta’ Heathrow u ta’ Gatwick. Ix-xiri ta’ dawn is-slots kien sar proprju biex ikun hemm protezzjoni u użu aktar favorevoli ta’ dan l-ass. Il-kumpanija qiegħda wkoll timraħ f’oqsma oħra fosthom li toffri konsulenza lil kumpaniji oħra fit-twaqqif ta’ AOCs f’Malta u li tkun mekkaniżmu ta’ finanzjament għax-xiri ta’ ajruplani.  Aqra aktar

Indirizz tal-Prim Ministru b’rabta ma’ Brexit

Fis-stqarrija ministerjali l-Prim Ministru Joseph Muscat qal li jekk ir-Renju Unit japprova l-arranġament tat-tluq din il-ġimgħa, allura ma jkunx hemm problemi għaliex, fid-data tal-elezzjonijiet, iċ-ċittadini tar-Renju Unit ma jkunux ċittadini tal-Unjoni Ewropea u ma jkunux eleġibbli biex jivvutaw. Il-gvern qiegħed jieħu pariri legali dwar il-bzonn ta’ aġġustamenti zgħar minħabba li fid-data li jibda l-advanced voting, it-18 ta’ Mejju, iċ-ċittadini tar-Renju Unit xorta jkunu meqjusa ċittadini tal-Unjoni Ewropea.Aqra aktar

Dikjarazzjoni ta’ Adrian Delia twassal għal mandat ta’ tfittxija għand oħt Simon Busuttil – Rapporti

Id-dikjarazzjoni li għamel il-Kap Nazzjonalista Adrian Delia waqt konferenza stampa fid-Dar Ċentrali wasslet għal mandat ta’ tfittxija fir-residenza ta’ Diana Busuttil, oħt l-eks kap tal-Oppożizzjoni Simon Busuttil. Rapporti fil-Maltatoday qalu li kmieni l-Ħadd filgħodu l-Pulizija marret fir-residenza ta’ Diana Busuttil b’mandat ta’ tfittxija li kien iffirmat mill-Maġistrat Aaron Bugeja li qed imexxi l-investigazzjoni b’rabta mar-rapport li Adrian Delia għamel għand il-Kummissarju tal-Pulizija.

Oħt Simon Busuttil daħlet f’dan kollu wara li fil-passat kienet miżżewġa lil Kris Bajada, iben Eucharist Bajada li huwa s-sid ta’ numru ta’ kumpaniji barranin li kellhom sehem f’numru ta’ djar f’Londra li kienu involuti fil-prostituzzjoni. L-istess rapporti tal-Maltatoday qalu li l-kont bankarju ta’ Delia f’Jersey kien infetaħ f’isem il-klijent tiegħu, Eucharist Bajada. Dan il-kont irċieva man-nofs miljun ewro f’depożiti ta’ ċekkijiet u flus kontanti.

F’konferenza tal-aħbarijiet li sejjaħ wara li rċieva mistoqsijiet minn The Times, Delia qal li talab lill-Pulizija tinvestiga dawk li huwa sejjaħ bħala dokumenti b’firem foloz li kienu waslu għand dan il-ġurnal. It-Times irrapportat li skont tagħrif li wasal għandha, investigazzjoni tal-FIAU kienet ikkonkludiet li kien hemm biżżejjed informazzjoni li turi li l-kont li kellu Delia f’Jersey seta’ ntuża għall-ħasil tal-flus.Aqra aktar

AĠĠORNAT: Imut raġel ieħor f’sit ta’ kostruzzjoni f’San Ġiljan

Ftit wara t-15:00 tat-Tnejn waranofsinhar l-Pulizija daħlulha rapporti li kien għadu kif waqa’ persuna li kien qed jaħdem f’sit ta’ kostruzzjoni f’San Ġiljan. L-inċident seħħ fi Triq Francis Zammit. Immedjatament fuq il-post mar tim mediku mill-isptar Mater Dei flimkien ma’ membri mid-dipartiment tal-Protezzjoni Ċivili.

Minn informazzjoni li kiseb one.com.mt jidher li l-persuna li huwa Taljan ta’ madwar 40 sena u ġie ddikjarat mejjet fuq il-post.

Intant, fuq il-post kien evidenti x-xokk fuq sħab il-ħaddiem li kien għadu kif tilef ħajtu b’uħud minnhom saħansitra baqgħu jakkumpanjawh il-ħin kollu sakemm idaħħal fil-hease tal-korp tal-Pulizija.

Dan kien it-tieni inċident fatali f’sit ta’ kostruzzjoni għal dan il-jum hekk kif kmieni dalgħodu instab ġuvni bla ħajja f’sit ta’ kostruzzjoni ieħor f’Tas-Sliema.

Aktar dettalji fil-ħin li ġej.

Send this to a friend