Lokali – Page 3006 – One News

Notifiki

L-awrina ġġibu fl-inkwiet

Sudaniż ta’ 40 sena, li joqgħod Raħal Ġdid ġie mixli li offenda l-pudur f’post pubbliku billi espona ruħu fuq il-vjaġġ tal-karozza tal-linja mix-Xgħajra sa Pembroke.Il-Kaz seħħ l-Erbgħa filgħaxija.

Aqra aktar

Sanzjonat żvilupp tal-1999 f’Portomaso

L-Awtorità tal-Ippjanar tat il-kunses għal xogħol li sar fis-snin disgħin f’Portomaso mingħajr permess. Fl-istess ħin ingħata l-kunsens biex  fanal (lighthouse)  preżenti titwaqqa’ u tinbena iktar fil-għoli. Il-bord tal-ippjanar qal li x-xogħol sanzjonat mhux ikkunsidrat li se jkollu impatt negattiv fuq iż-żona u jirrispetta l-madwar.

Mogħoż Kanadiżi fit-toroq Maltin!

Mogħoż fit-triq bl-Ingliż tiġi ‘goats on the road’. Dan huwa isem koppja famuża li flimkien telqu xogħolhom normali sabiex jivjaġġaw id-dinja. Huma Nick u Dariece, koppja Kanadiża, li jmexxu sit bl-isem ‘goats on the road’.

Mingħajr esperjenza ta’ xejn, Nick u Dariece illum jgħixu biss minn fuq l-ivjaġġar. Iduru d-dinja, jieħdu ritratti u vidjos li bihom jirrakkontaw l-esperjenzi tagħhom online. Is-suċċess tagħhom inkredibbli tant li ma jiddependu minn xejn aktar. Suċċess rikonoxxut minn Forbes, Lonely Planet, National Geographic, u Business Insider fost oħrajn.

Aqra aktar

De La Rue jibdew jaħdmu fuq iċ-ċentru ta’ eċċellenza

Il-kumpanija De La Rue ħabbret li bdiet il-bini ta’ ċentru ta’ eċċellenza f’pajjiżna, b’investiment ta’ €27 mijun. Dan l-investiment se jagħmel lil pajjiżna mexxej globali fejn tidħol l-identità tal-prodott u l-awtentifikazzjoni tiegħu. L-investiment se jmur f’xiri ta’ apparat u fil-provediment ta’ taħriġ.

Il-globalizzazzjoni, filwaqt li twassal għal tkabbir ekonomiku, twassal ukoll għal attivitajiet illeċti, speċjalment fejn jidħlu setturi bħat-tabakk u l-akoħol. Għalhekk il-bżonn ta’ awtentifikazzjoni ta’ prodotti hija ċara.

Aqra aktar

13-il nutar ġdid

13-il nutar irċevew il-warrants tagħhom, f’ċerimonja ppreseduta mill-Ministru għall-Ġustizzja, Kultura u Gvern Lokali Owen Bonnici.

B’hekk b’kollox hawn 338 nutar hawn Malta.  Il-Ministru nnota li dan l-aħħar aktar qiegħdin jiggradwaw nisa milli rġiel. Awgurlahom ħidma dinjituża u emfasizza l-importanza ta’ ħidma serja u li tirrispetta l-etika.
F’ċerimonja li saret fil-post, il-Ministru ħabbar li ħareġ tender biex ikun irrestawrat is-saqaf tal-Mużew Nazzjonali tal-Arkeoloġija. Biex dan ma jibqax tal-ażbestos.

Ritratt: DOI, Jason Borg

Natura u qari

Bis-saħħa ta’ inizjattiva ta’ studenti u għalliema,  l-Iskola Sekondarja tal-Blata l-Bajda għandha ġnien għall-qari.

Dan inħoloq taħt il-programm Dinja Waħda, li l-għan prinċipali tiegħu hu li jqarreb lit-tfal lejn in-natura.

‘Ġnien il-Qari’ kien inawgurat dalgħodu mill-Ministru tal-Edukazzjoni u x- Xogħol Evarist Bartolo, il-Prinċipal tal-Kulleġġ u l-Kap tal- Iskola, fil-preżenza ta’ rappreżentanti ta’ BirdLife Malta.

Aqra aktar

Send this to a friend