Lokali – Page 2842 – One News

Notifiki

Magħluq temporanjament wara ħsarat

Id‐Direttorat għas‐Saħħa Ambjentali, b’konsultazzjoni mal-Ministeru għall-Iżvilupp Sostenibbli, Ambjent u Tibdil fil-Klima, avża  lill‐pubbliku li peress li rriżulta li kien hemm xi problemi tekniċi fil-Water Park ta’ Buġibba, ġie deċiz li dan il-park għandu jingħalaq temporanjament. Fi stqarrija ntqal li qegħdin jittieħdu l-passi miż-żewg entitajiet biex dan il-park ikun jista’ jerġa jinfetaħ fl-iqsar żmien possibbli.Aqra aktar

Dħaħen kbar f’garaxx f’Ħal Qormi

Dħaħen kbar ħarġu minn garaxx f’Ħal Qormi, fi Triq Aniċi.  Għal bidu kien maħsub li seta’ ħa n-nar. Iżda minkejja d-dħaħen u x-xokk li ħadet il-familja li tgħix fuq il-garaxx, ħadd ma jinsab fil-periklu. Madanakollu raġel anzjan intbagħat fl-eqreb Ċentru tas-Saħħa għall-kura minħabba dħaħen li bela’.

Aqra aktar

In-nisa li jkunu ilhom ġimgħa ma jinħaslu

Nisa li ma tħallewx jipprattikaw ir-reliġjon tagħhom.

Nisa esposti għal vjolenza fiżika, emozzjonali jew psikoloġika.

Nisa li kien ilhom ġimgħa ma jorqdu, jew li kien ilhom ġimgħa ma jinħaslu.

Nisa li sabu ħin opportun biex jaħarbu, u telqu b’ta’ fuqhom senduqhom.

Nisa li kellhom jgħaddu lilhom u lill-uliedhom b’€150 fil-ġimgħa.

Nisa b’ulied ta’ ftit xhur biss u ebda tama li xi darba għad iqumu fuq saqajhom.

Dawn kollha huma xenarji li rat tul iż-żmien Dar Merħba Bik f’Ħal Balzan. F’din l-intervista, Elaine Pavia tgħidilna li s’issa għaddew 3,400 mara minn din id-dar – u dan minbarra wliedhom. Elaine, li tmexxi din id-dar, kellmitna wara li kien iffirmat ftehim mal-Gvern. Issa Dar Merħba Bik għandha kuntratt ta’ €342,400 fuq tliet snin.

Aqra aktar

Malta bl-iktar gvern fdat fl-Unjoni Ewropea

Il-gvern Malti huwa l-iktar fdat fl-Unjoni Ewropea u saħansitra l-poplu Malti għandu iktar fiduċja fil-gvern milli għandu fil-Parlament jew fl-Unjoni Ewropea. Dan irriżulta minn stħarriġ xjentifiku li jsir għall-Unjoni Ewropea magħruf bħala l-Eurobarometer.

Aqra aktar

“Illum tajna l-isbaħ rigal lil Mintoff”

Fil-jum li qed niċċelebraw il-mitt sena mit-twelid ta’ Dom Mintoff qed nagħtuh l-isbaħ rigal ta’ pajjiż bl-inqas rata ta’ qgħad fl-Unjoni Ewropeja. Qal dan il-Prim Ministru Joseph Muscat waqt li kien qed jindirizza l-attività mtellgħa mill-Partit Laburista fix-xatt ta’ Bormla, il-belt li minnha ħareġ Dom Mintoff.

Huwa qal li Partit Laburista li tiegħu Dom Mintoff kien l-akbar esponent għandu għan ewlieni wieħed li huwa x-xogħol li permezz tiegħu jingħata d-dinjità, biex dak li jkun ma jiddependix mill-karità u javvanza ’l quddiem flimkien mal-familja tiegħu.Aqra aktar

Mill-Aristokratiċi għal kulħadd

Jekk għandek għal qalbek l-istorja ta’ pajjiżna u kont titla’ t-telgħa tas-Saqqajja b’għafsa ta’ qalb għax tara wirt storiku qed jaqa’ biċċiet, nissuġġerixxulek tgħaddi f’dawn il-jiem issa li l-Casino Notabile reġa’ ngħata dehra mill-isbaħ.

Waqt żjara li għamel is-Segretarju Parlamentari għall-Gvern Lokali Stefan Buontempo, wieħed seta’ jinnota li x-xogħol jinsab avvanzat tant li fadal biss ħmistax –il jum biex jibda jitgawda. Ir-restawr sar pjuttost differenti mis-soltu u dan għax il-Casino huwa mibni fuq it-tafal.Aqra aktar

Erba’ stilel għall-Ajruport Internazzjonali ta’ Malta

L-Ajruport Internazzjonali ta’ Malta ngħata erba’ stilel minn organizzazzjoni ta’ awditjar ewlenija fl-industrija tat- trasport bl-ajru, Skytrax. Fl-Ewropa huma biss 13 l-ajruporti li jgawdu minn erba’ stilel, fosthom Zurich, Barcelona El Prat u Amsterdam Schipol.

Din il-klassifikazzjoni permezz ta’ għoti ta’ stilel ġiet introdotta fl-1989 u llum il-ġurnata hija meqjusa bħala punt ta’ riferiment tal-istandards ta’ kwalità mill-industrija tat-trasport bl-ajru madwar id-dinja. Skytrax tiddeċiedi dwar klassifikazzjoni finali wara li tim ta’ esperti fil-qasam tar-riċerka dwar it-trasport bl-ajru jevalwa l-prodotti u s-servizzi offruti f’punti differenti tal-vjaġġ fl-ajruport.

Aqra aktar

Send this to a friend