Lokali – Page 2621 – One News

Notifiki

Ir-riżoluzzjonijiet ta’ Clint Bajada

Min jaf kemm hemm min illum waqt l-ikla ta’ nofsinhar jew wara xi ħarġa tajba ilbieraħ filgħaxija se jgħid li minn għada dieta, eżerċizzju fiżiku u dixxiplina. Oħrajn forsi jgħidu li dak li se jieħdu llejla jkun l-aħħar nifs ta’ sigarett, vizzju li jeqred lill-bosta.

Insomma, fis-sigħat ta’ dan l-ewwel jum ta’ Jannar min jaf kemm se jsiru riżoluzzjonijiet. Imma kemm jinżammu dawn ir-riżoluzzjonijiet? Tkellimna ma’ numru ta’ personalitajiet u għamlilhom tliet mistoqsijiet. Fosthom Clint Bajada, il-kap ta’ One Radio.

Aqra aktar

NIBDEW NUŻAW IL-GASS

Din is-sena se tkompli r-road map tal-enerġija għal arja aktar nadifa u kontijiet irħas. U għall-ewwel darba nibdew nużaw il-gass għall-ġenerazzjoni tal-elettriku.

Din is-sena Malta se tilħaq 50% tal-miri tal-enerġija rinnovabbli għall-2020 u l-Enemalta se tagħti l-opportunità lill-pubbliku biex jinvesti fis-solar farms, anke permezz ta’ solar bonds li jiffinanzjaw PV panels f’żoni pubbliċi. It-tankijiet tal-fuel f’nofs Birżebbuġa jibdew jitneħħew minn din is-sena.

 

Sena ta’ elezzjonijiet kruċjali

L-2016 tibqa’ mfakkra bħala waħda mill-aktar snin li pprovdiet elezzjonijiet imprevedibbli. Il-poplu Brittaniku għażel li jivvota biex joħrog mill-Unjoni Ewropea anke meta kważi s-sondaġġi kollha kienu qed juru bil-kontra. L-istess jista’ jingħad għall-elezzjonijiet fl-Istati Uniti.

Il-kandidat Repubblikan Donald Trump rebaħ lil Hillary Clinton u l-esperti politiċi mdawrin magħha. Kien riżultat sorpriż meta tqis l-ammont ta’ nies li dehru kontrih fil-midja Amerikana u anke mill-partit tiegħu stess.

Aqra aktar

“Inwiegħed l-appoġġ tal-Gvern Malti fil-ġlieda tal-Gvern Tork kontra t-terroriżmu”

Wara l-attakk terroristiku li ġara dal-lejl f’kumpless ta’ divertiment f’Istanbul, it-Turkija, li fih tilfu ħajjithom 39 ruħ u weġġgħu numru ħafna akbar ta’ persuni, il-Ministru għall-Affarijiet Barranin Dr George W. Vella dalgħodu għamel kuntatt bit-telephone mal-Ministru tal-Affarijiet Barranin Tork, Mevlüt Çavuşoğlu li permezz tagħha wassallu d-dispjaċir tal-Gvern u l-poplu Malti għal dan l-inċident ikrah u wegħdu l-appoġġ tal-Gvern Malti fil-ġlieda tal-Gvern Tork kontra t-terroriżmu.

Aqra aktar

20 persuna arrestati tul il-lejl wara sejba ta’ droga

 Matul il-lejl li għadda, membri mill-Iskwadra ta’ Kontra d-Droga arrestaw għoxrin persuna.

Dsatax-il persuna li l-eta’ tagħhom tvarja bejn id-19 u t-38 sena, ġew arrestati f’diversi lokalitajiet fosthom il-Belt Valletta, ir-Rabat Malta, San Ġiljan u San Ġwann, wara li fil-pussess tagħhom nstabu sustanzi suspettati kokaina, raża tal-kannabis, ħaxixa tal-kannabis u ecstasy.

Aqra aktar

Daqshekk tipjip fil-karozzi

Mil-lum Malta se tkun is-sitt pajjiż fl-Unjoni Ewropea li se ddaħal liġi li tipprojbixxi t-tipjip fil-karozza fil-preżenza tat-tfal. It-tfal ikollhom l-organi tagħhom żgħar, bħal pulmun, u għalhekk it-tipjip passiv jagħmel aktar ħsara. F’postijiet żgħar magħluqa bħalma hi karozza, il-ħsara mit-tipjip passiv hija agħar.

L-avviż legali li se jipprojbixxi t-tipjip fil-karozza bit-tfal tressaq f’Novembru, filwaqt li l-liġi se tkun infurzata mil-lum. Min jinqabad ipejjep f’karozza mat-tfal jeħel multa ta’ €50. F’pajjiżna 20% tal-adulti jpejpu, filwaqt li t-tipjip huwa attribut għal 13% tal-imwiet f’pajjiżna.

Biex teħel inqas fit-traffiku

Minn din is-sena se jingħata tnaqqis fit-taxxa lil dawk il-kumpaniji li jipprovdu trasport b’xejn lill-ħaddiema tagħhom. Dan it-tnaqqis se jitla’ għal 150% tal-ispiża, sa massimu ta’ €35,000 fis-sena fil-każ ta’ kumpanija li tipprovdi dan is-servizz weħidha u sa massimu ta’ €50,000 fis-sena għal kull kumpanija li topera dan is-servizz bi sħab ma’ kumpanija oħra.

Filwaqt li dawk kollha li jagħlqu t-18-il sena matul l-2017 se jivvjaġġaw b’xejn fuq tal-linja billi jingħataw rifużjoni f’Tallinja card tagħhom.

Aqra aktar

Send this to a friend