Lokali | One News - Part 2610

Notifiki

“Issospendi l-istaġun tal-kaċċa issa” – Birdlife

BirdLife Malta qalet li tinsab diżgustata u diżappuntata bil-qtil ta’ Ċikonji Suwed ilbieraħ. Tappella lill-Prim Ministru biex jissospendi l-istaġun fl-eqqel tal-passa biex ikun imħares it-tajr protett

Ilbieraħ, qalet il-Birdlife, kienet ġurnata kerha għall-ħidma li qed issir f’Malta favur il- konservazzjoni tal-għasafar hekk kif inqatlu żewġ Ċikonji Suwed. Uffiċjali ta’ BirdLife Malta raw b’għajnejhom waħda miċ-Ċikonji (Black Stork) tittajjar midruba fuq il-Buskett b’dik li deher li kienet ferita bid-demm fuq sidirha. Eventwalment it-tajra mietet u kienet fil-kustodja tal-pulizija (ara r-ritratti mehmużin).

Iċ-Ċikonja Sewda oriġinarjament kienet waħda minn żewġ għasafar li sparaw fuqhom f’Għawdex. Waħda nqatlet u nġabret minn kaċċatur li BirdLife Malta għaddiet id-dettalji tiegħu lill-Pulizija. Iċ-ċikonja l-oħra, għalkemm kienet qed issofri minn ġrieħi kkawżati minn tiri ta’ senter fin-naħa taż-żaqq u kellha ċ- ċomb fil-ġewnaħ tax-xellug, kompliet tpassi għal fuq Malta fejn ingħaqdet ma’ tliet Ċikonji Bojod (White Storks) li kienu osservati jittajru fl-inħawi tal-ajruport imma eventwalment mietet u ġiet mgħoddija f’idejn il-Pulizija. Ċikonja Bajda oħra kienet osservata aktar kmieni f’Għawdex, apparentement ukoll b’xi feriti.

Aqra aktar

Bidu ta’ Settembru suċċess għall-Gozo Channel

Fl-ewwel ħdax-il jum ta’ dan ix-xahar kien hemm żieda fl-ammont ta’ vjaġġi li saru permezz tal-Gozo Channel. Kien hemm żieda wkoll fl-ammont ta’ passiġġieri u vetturi li użaw is-servizz. Fi stqarrija l-kumpanija qalet li l-ammont ta’ vjaġġi żdied minn 726 għal 784, li tfisser żieda ta’ 58 vjaġġ, jew 8% aktar. Dan wassal gġal inqas ħin ta’ stennija .

L-ammont ta’ passiġġieri żdied minn 183,754 għal 201,689 – żieda ta’ 17,935, jew 9.8%.

L-ammont ta’ vetturi li żdied minn 51,398 għal 56,623 – żieda ta’ 5,225, jew 10.2%.

Il-kumpanija Gozo Channel ħarġet statistika għall-ewwel ħdax-il jum ta’ dan ix-xahar.

Il-Minsitru għal Għawdex Anton Refalo emfasizza li Settembru normalmet huwa xahar meta l-ammont ta’ żjarat lejn Għawdex jibda jbatti. Iżda din l-istatistika wriet kemm Għawdex hu kapaċi li jkompli jattira turisti, b’attivitajiet is-sena kollha. Iċ-Ċittadella restrawrata, b’mod partikolari, toffri attrazzjoni artistika u kulturali għal kull età.

 

Tfajla tweġġa’ gravi f’Imġarr ix-Xini

Ilbieraħ għall-ħabta tat-tlieta ta’ wara nofsinhar seħħ inċident f’Imġarr ix-Xini ġewwa Xewkija, Għawdex.

Mara ta’ 27 sena mill-Emirati Għarab Maqgħuda u residenti tas-Sliema sofriet xi ġrieħi meta qabżet għal ġol-baħar.

Il-vittma ġiet meħuda l-Isptar Ġenerali t’Għawdex permezz ta’ ambulanza. Hija sofriet ġrieħi ta’ natura gravi iżda mhijiex fil-periklu tal-mewt.

Il-Pulizija għadhom għaddejjin bl-investigazzjonijiet fuq il-każ.

 

“Tal-mistħija” – att vandanlu fl-Aħrax tal-Mellieħa

L-Għaqda Kaċċaturi u Nassaba Konservazzjonisti (GĦKNK) sabet ħitan tas-sejjiegħ vandalizzati fl-Aħrax tal-Mellieħa. Dawn il-ħitan, qalet l-GĦKNK, ġew mibnija u restawrati b’tant dedikazzjoni mill-kaċċaturi u nassaba membri tal-Mellieħa.

“Tal-mistħija” kitbet l-għaqda fuq il-paġna tagħha fuq Facebook.

Aqra aktar

Jitlef ħajtu wara inċident tat-traffiku dan il-lejl

Kmieni dalgħodu għall-ħabta tas-siegħa kien hemm inċident stradali fi Triq Mikiel Anton Vassalli, l-Imsida.

Raġel Ingliż ta’ 30 sena intlaqat minn vettura tat-tip Peugeot 508 misjuqa minn raġel ta’ 42 sena residenti Bormla.  Il-vettura kienet qed tiġi misjuqa direzzjoni mill-Imsida lejn Santa Venera.

Team mediku mill-Isptar Mater Dei kien fuq il-post sabiex jassisti lill-vittma għall-ġrieħi serji li sofra u ittieħed l-Isptar Mater Dei, iżda sfortunatament ir-raġel tilef ħajtu.

Bil-każ ġiet infurmata il-Maġistrat tal-Għassa Dr C. Scerri Herrera li ħatret diversi esperti sabiex jassistuha fl-inkjesta li ġiet appuntata.

L-investigazzjoni tal-Pulizija mid-Distrett tal-Imsida għadha għaddejja.

“Malta ppreparata tajjeb ħafna għall-Presidenza”

Id-Direttur Ġenerali responsabbli mill-Ġustizzja u l-Affarijiet Interni fis-Segretarjat Ġenerali tal-Kunsill tal-Unjoni Ewropea, Christine Roger, qalet li tinsab impressjonata bil-livell ta’ tħejjija, impenn u professjonaliżmu li qed juru l-amministrazzjoni ta’ Malta vis-à-vis l-ewwel Presidenza tal-Kunsill li se tkun f’idejn il-pajjiż.
Aqra aktar

Send this to a friend