Lokali | One News - Part 2465

Notifiki

Mit-tfal b’solidarjetà!

Imdawrin b’għexieren ta’ Kapijiet ta’ skejjel primarji, il-President ta’ Malta, Marie Louise Coleiro Preca u l-Kap Eżekkutiv tal-Bank of Valletta, Mario Mallia, nedew it-tnax-il edizzjoni tal-Istrina BOV Piggy Bank Campaign.
Aqra aktar

Meta priġunieri u kantanti ngħaqdu fil-ġlieda kontra l-ALS – inġabru €15,000

Il-Fondazzjoni Mid-Dlam għad-Dawl ħabbret li s-somma miġbura b’risq ALS Malta mill-kunċert li sar fis-27 ta’ Awwissu laħqet il-ħmistax-il elf ewro.

Suċċess li qalet ma kienx ikun possibbli mingħajr l-għajnuna ta’  ħafna.

Il-kunċert “Inmates for ALS” kien organizzat fuq idea ta’ numru ta’ priġunieri residenti fil-Faċilità Korrettiva ta’ Kordin. Il-kunċert sar fl-Inspire f’Marsaskala, fejn indaqqu għall-ewwel darba żewġ kanzunetti miktuba minn żewġ priġunieri: Nixtieq ta’ Jonathan Coleiro u Understand ta’ Tristan.

Ħadu sehem diversi kantanti, fosthom Christabelle, Destiny, Chiara, Brooke, Mary Spiteri u Mike Spiteri, flimkien ma’ kantanti oħra li se jkunu akkumpanjati minn ‘band’ live taħt id-direzzjoni tas-Surmast Joe Brown.

Aqra aktar

Inqas traffiku dalgħodu

Kienu bosta x-xufiera li dalgħodu ħadu nifs qawwi hekk kif sabu inqas traffiku madwar it-toroq arterjali. Fattur determinanti jidher li kien il-ftuħ mill-ġdid ta’ Baċir Numru 7 li nfetaħ temporanjament biex tittaffa l-problema tat-traffiku li tolqot nies ħerġin mill-Kottonera fid-direzzjoni lejn il-Marsa.

Nies li tkellmu ma’ OneNews qalu li ħadu biss ħames minuti biex waslu mill-Isla sal-Mcast f’Raħal Ġdid, mentri sal-ġimgħa l-oħra stess kienu jdumu aktar minn nofsiegħa mwaħħla fit-traffiku. Jidher li t-traffiku fin-naħa ta’ fuq ta’ Malta mexa b’mod tajjeb ukoll.

Clint Axisa minn Transport Malta spjega li r-rotta hija kważi l-istess bħal dik preċedenti, miftuħa minn naħa ta’ Kordin għan-niżla ta’ Għajn Dwieli. Minflok dawra sħiħa għall-Baċir, wieħed joħroġ Albert Town u jiġi l-Marsa. B’hekk jonqos it-traffiku għar-roundabout ta’ Sare’.

 

Mill-inqas 25 priġunier maqtul – irjus imħanxra u nies maħruqa

Minn tal-inqas 25 priġunier inqatlu wara ġlied bejn żewġ fazzjonijiet rivali f’ħabs fit-Tramuntuna tal-Brazil. Sebgħa mill-persuni mejta ħanxrulhom rashom filwaqt li sitta oħra sfaw maħruqa.

L-inċident li seħħ f’Boa Vista, l-kapitali fl-istat ta’ Roraima, ġara waqt ħin il-visitaturi. Filfatt mal-mitt visitatur fil-ħabs li kienu ttieħdu bħala ostaġġi kienu meħlusa u l-irvell intemm.

Intqal li waqt ħin l-irvell, il-priġunieri kellhom fuqhom skieken u biċċiet tal-injam. Rapporti qalu li fil-ħabs fejn seħħ il-każ hemm 1,400 mitt priġunier. Dan minkejja li l-ħabs jiflaħ mas-740 priġunier. Intant, il-Brazil għandha r-raba’ l-akbar popolazzjoni tal-ħabs tad-dinja, b’xi 600,000 priġunier.

Send this to a friend