Lokali | One News - Part 2

Notifiki

Tinfetaħ is-sejħa għall-applikazzjonijiet għall-iskema tar-restawr tal-kunsilli lokali

Għal ħames sena konsekuttiva, il-Ministeru għall-Ġustizzja, Kultura u Gvern Lokali, permezz tal-uffiċċju tad-Direttorat tar-Restawr fetaħ is-sejħa għall-applikazzjonijiet għall-iskema ta’ restawr tal-kunsilli lokali. L-iskema għandha l-għan li tassisti l-kunsilli lokali fir-restawr ta’ binjiet u monumenti ta’ valur storiku u/jew artistiku li jinsabu fil-konfini tal-lokalità.

“Il-wirt lokali huwa prijorità fuq l-Aġenda Nazzjonali, u għalhekk, il-preservazzjoni u r-restawr tal-wirt Malti qiegħed isir fuq bażi regolari. Dan qiegħed isir grazzi għal inizjattivi regolari, li jinkludu r-restawr u r-riabilitazzjoni ta’ fortifikazzjonijiet storiċi, kif ukoll permezz tal-konservazzjoni ta’ siti storiċi importanti oħra. L-għan ta’ dawn l-inizjattivi huwa biex insaħħu l-prodott kulturali u turistiku, filwaqt li jipprovdi wkoll aktar għarfien, u esperjenza aħjar għaċ-ċittadini tagħna,” qal il-Ministru għall-Ġustizzja, Kultura u Gvern Lokali Owen Bonnici.

Kull kunsill lokali jista’ jressaq applikazzjoni/proposta ta’ proġett waħda kull sena u din trid tkun relatata ma’ binja jew monument wieħed f’din il-lokalità. Kunsilli lokali li jressqu aktar minn applikazzjoni waħda se jintalbu jagħżlu applikazzjoni waħda u jirtiraw l-oħrajn.

L-iskema tinħareġ mill-Ministeru għall-Ġustizzja, Kultura u Gvern Lokali permezz tal-uffiċċju tad-Direttorat tar-Restawr b’kollaborazzjoni tad-Dipartiment tal-Gvern Lokali. S’issa diġà bbenefikaw 21 lokalità minn din l-iskema.

L-applikazzjonijiet għas-sena kurrenti għandhom jittressqu b’email fuq [email protected] u [email protected] mhux aktar tard mill-Ġimgħa, 30 ta’ Awwissu 2019. Ċempel fuq 23479407 għal aktar informazzjoni.

BREAKING: It-tliet irġiel mixlija bil-qtil ta’ DCG jitqiegħdu formalment taħt att ta’ akkuża

L-aħwa Alfred u George Degiorgio u Vince Muscat li jinsab mixlija bil-qtil ta’ Daphne Caruana Galizia jistgħu jibqgħu jinżammu arrestati sa massimu ta’ 20 xahar ieħor wara li t-Tlieta filgħodu tqiegħdu uffiċjalment taħt att ta’ akkuża u b’hekk jistgħu jgħaddu ġuri b’rabta ma’ dan l-omiċidju li bħal-lum wieħed u għoxrin xahar ħasad pajjiż.

Aqra aktar

Sejba ta’ missili u armi f’investigazzjoni fuq estremisti tal-lemin estrem

Il-Pulizija Taljana fil-jum tat-Tnejn għamlet sejba ta’ armi moderni u missila waqt rejds li għamlet waqt investigazzjoni fuq grupp ta’ estremisti tal-lemin estrem. Il-pulizija taljana qalet kif il-missila hija normalment użata mill-armata tal-Qatar. Il-Kummissajru tal-Pulizija ta’ Turin, Giuseppe de Matteis stqarr kif din is-sejba ftit għandha preċedenti ta’ sejbiet simili. Il-pulizija arrestat tlett persuni, inkluż Fabio Del Bergiolo, ta’ 50 sena, li huwa eks-kandidat tal-partit lemin estrem, bl-isem ‘Forza Nuova’.

Huwa magħruf li l-missila li nstabet ma kinitx armata, iżda tista’ tkun armata faċilment minn persuni speċjalizzati fis-settur. Midja taljana qed tirraporta kif Del Bergiolo kien qed jipprova jbiegħ il-missila għal erba’ mija u sebgħin elf ewro. Filfatt il-pulizija bdiet l-investigazzjoni wara li interċettat messaġġi li Del Bergiolo bgħat tal-missila fuq whatsapp. Miegħu ġew arrestati Żvediż ta’ 42 sena u Taljan ta’ 51 sena.

Ritratt: ROME AFP

Żewġt irġiel l-isptar wara inċident tat-traffiku f’San Ġiljan

F’inċident li seħħ għall-ħabta tas-siegħa u nofs ta’ filgħodu, żewġ persuni ttieħdu l-isptar wara ħabta bejn żewġ vetturi fi Triq Sant Andrija San Ġiljan. L-inċident seħħ bejn vettura tal-għamla Peugeot 508 li kienet misjuqa minn raġel ta’ 46 sena residenti Marsaskala  u Land Rover misjuqa minn raġel Sirjan ta’ 25 sena residenti l-Pietà, li għal xi raġuni kellhom impatt bil-konsegwenza li ż-żewġ xufiera kellhom jittieħdu l-isptar.

Wara ġew iċċertifikati li iż-żewġ xufiera qed isofru minn ġrieħi ħfief.

 

Sforzi biex Adrian Delia jirbaħ il-vot

Il-Fazzjoni Busuttil tinsab irrabjata li l-amministrazzjoni nazzjonalista se tbiddel l-mistoqsija li se jitalbu jwieġbu l-l-kunsillieri tal-partit nazzjonalista fil-Kunsill Ġenerali Straordinarju li se jitlaqqa’ fl-aħħar Sibt tax-xahar biex jiddeċiedi l-ġejjien ta’ Adrian Delia fit-tmun tal-partit.Aqra aktar

Send this to a friend