Lokali – One News

Notifiki

Delia ma tax ċans lill-blue heroes iwieġbu mistoqsija ta’ ONE News wara li talbuh jirriżenja

Fi sforz iddisprat tal-Kap Nazzjonalista Adrian Delia biex jgħatti l-qasma li fniet lill-Partit Nazzjonalista, it-Tnejn waranofsinhar stieden tnejn mis-seventeen blue heroes ta’ Jason Azzopardi għal konferenza stampa li laqqa’ fl-Istamperija tal-Pietà.

Madankollu, filwaqt li poġġa lil dawn iż-żewġ deputati bilqiegħda fuq siġġu warajh ma’ tnejn mill-ftit alleati tiegħu, Delia waqqaf lill-ġurnalist ta’ ONE News milli jistaqsi mistoqsija lid-Deputat Karl Gouder dwar it-taqbida għat-tmexxija tal-Partit Nazzjonalista.Aqra aktar

Ħabs wara li kellu seba’ grammi kannabis 

Jugoslav Damjanovic ta’ 34 sena mill-Bosnia intbgħat disa xhur ħabs wara li nqabad b’seba’ grammi kannabis.

Huwa ammetta l-akkuzi fil-konfront tiegħu.

Il-Maġistrat Donatella Frendo Dimech immultat ukoll lill-Bosnijak sitt mitt ewro.

Jitlesta l-bini mill-ġdid ta’ Triq Burmarrad

Tlesta l-bini mill-ġdid ta’ Triq Burmarrad, triq li tgħaqqad Burmarrad mal-inħawi T’Alla u Ommu fin-Naxxar.

Din it-triq tintuża min diversi nies, fosthom il-bdiewa li għandhom l-għelieqi tagħhom f’dawn l-inħawi.

Ħabbar dan il-Ministru tal-Infrastruttura Ian Borg f’kitba fuq Facebook. Huwa qal li sabiex inbniet mill-ġdid din it-triq kien hemm diversi sfidi. Huwa qal kif din it-triq se tkun qed tinfetaħ għall-pubbliku gil-ġimgħat li ġejjin.

Raġel isoffri ġrieħi gravi wara ħabta bejn mutur u karozza fil-Mellieħa

Slovak ta’ 28 sena li jgħix il-Mellieħa sofra ġrieħi gravi wara ħabta fi Triq it-Telgħa ta’ Selmun.

Il-każ seħħ għal ħabta tas-1:30 ta’ wara nofsinhar. F’dan l-inċident kienu involuti karozza tat-tip Toyota Aygo li kienet misjuqa minn Ingliż ta’ 64 sena u mutur tal-għamla Honda CB li kien misjuq mis-Slovak.

Fuq il-post issejjaħ tim mediku li ta l-ewwel għajnuna u ambulanza ħadet lis-sewwieq talmutur l-Isptar Mater Dei għall-kura meħtieġa.

L-investigazzjonijiet tal-pulizija għadhom għaddejjin, li qed jitmexxew mill-Pulizija tad-Distrett.

Konferenza sabiex titqajjem kuxjenza dwar l-Innovazzjoni Soċjali

Nhar il-Ġimgħa 6 ta’ Marzu ġewwa l-Malta Life Sciences Park mit-8:30 ta’ filgħodu ‘l quddiem se tkun qed issir konferenza sabiex titqajjem kuxjenza dwar l-Innovazzjoni Soċjali kif ukoll biex ittejjeb l-appoġġ inkluz dak finanzjarju, disponibbli għall-Impriżi Soċjali f’Malta u l-Ewropa.

Għal din il-konferenza se jkun hemm preżenti Carolina Gario, li huwa l-Policy Officer fil-Kummissjoni Ewropea u lil Alex Agius Saliba, Membru Parlamentari Ewropew, li se jkunu qed jagħtu tagħrif dwar l-ekosistema Ewropea attwali b’appoġġ għall-Innovazzjoni Soċjali kemm f’termini ta’ politika kif ukoll ta’ opportunitajiet ta’ finanzjament.

Matul l-avveniment, dawk li jfasslu l-politika, rappreżentanti tas-settur privat kif ukoll dawk li jieħdu d-deċiżjonijiet Ewropej se jippreżentaw u jiddiskutu policies, strumenti ta’ finanzjament, opportunitajiet ta’ internazzjonalizzazzjoni u inizjattivi oħra ta’ valur li jappoġġjaw individwi u organizzazzjonijiet lesti li jimplimentaw proġetti ta’ innovazzjoni soċjali.

Organizzata fi ħdan il-Proġett ENISIE, iffinanzjat mill-Programm Interreg Italia-Malta, din is-sessjoni ta’ animazzjoni hi mmirata għall-Awtoritajiet lokali u l-Fondazzjonijiet ta’ Istituzzjonijiet lokali, iżda għandha tkun ta’ interess ukoll għall-Impriżi Soċjali, l-Amministraturi u r-Rappreżentanti ta’ Hubs, u Innovation Mentors. Għalhekk, dawn huma huma mistiedna biex jieħdu sehem.

Filwaqt li l-attendenza hi bla ħlas, l-organizzazzjonijiet u l-individwi għandhom jirreġistraw l-interess tagħhom billi jibagħtu imejl lil Diana Spiteri – [email protected], bit-titlu tas-suġġett: ENISIE Animation Session, 6 ta’ Marzu 2020.

Send this to a friend