Kultura | One News - Part 46

Notifiki

Aqra hawn jekk tħobb il-logħob tan-nar

Ġunju wasal u miegħu waslet il-festa tal-padrun San Filep ta’ Aġira, festa li hija magħrufa għal diversi affarijiet speċjalment fejn tidħol il-pirotekknika.

Ta’ kull sena s-St. Philip’s Fireworks Factory dejjem toħloq xi ħaga ġdida, oriġinali u innovativa u din is-sena mhux eċċezzjoni.

Aqra aktar

Fetħu l-applikazzjonijiet għall-Premju tal-President għall-Kreattività 2017

Fetħu l-applikazzjonijiet għall-Premju tal-President għall-Kreattività 2017 – fond b’element soċjali u komunitarju qawwi.  

L-edizzjoni ta’ din is-sena tinkludi fergħa ġdida ta’ €20,000 f’fondi addizjonali; permezz ta’ dan, benefiċjarji passati tal-Premju jistgħu japplikaw biex jirċievu aktar sapport għat-tkomplija tal-proġetti tagħhom fil-komunità.

L-ammont kommess għall-Premju ta’ din is-sena huwa €85,000. Kull proġett magħżul jista’ jingħata sa massimu ta’ €6,000, bil-possibilità li l-ammont jitla’ għal €8,000 f’każ ta’ kollaborazzjoni bejn żewġ organizzazzjonijiet. Il-Premju jista’ jkopri sa 100% tal-ispejjeż tal-proġett. Il-benefiċjarji tal-fergħa l-ġdida jistgħu jirċievu sa €5,000 kull sena, għal perjodu ta’ tlett snin.

Aqra aktar

Żur Forti Sant’Iermu bi prezz imraħħas fi tmiem din il-ġimgħa

Fi tmiem din il-ġimgħa l-Forti Sant’Iermu se jospita s-Suq Malti tal-Artiġġjanat, u Heritage Malta qegħda toffri l-possibbiltá lill-viżitaturi jżuru l-Forti, il-Mużew Nazzjonali tal-Gwerra u l-wirja Valletta 1566 – Melita Renascens għall-prezz imraħħas ta’ €5.

Id-dħul għas-Suq Malti tal-Artiġġjanat se jkun b’xejn għal kulħadd. Dawk kollha li jixtiequ jżuru l-Forti għandhom l-opportunità li jixtru biljett imraħħas minn ħdejn il-Porta del Soccorso.

Forti Sant’Iermu hija mibnija f’pożizzjoni strateġika fil-ponta tal-Għolja Sceberras u tiddefendi d-daħla taż-żewġ portijiet, il-Port ta’ Marsamxett u l-Port il-Kbir. Il-Forti, f’forma ta’ stilla, inbniet mill-Kavallieri tal-Ordni ta’ San Ġwann fl-1552 u fl-Assedju l-Kbir sofriet ħsarat kbar. Madankollu wara r-rebħa tal-Kavallieri fuq l-Ottomani, il-Forti reġgħet inbniet u ġiet inkluża wkoll fil-fortifikazzjoni li jdawwru l-Belt Valletta. Matul is-snin il-Forti għaddiet minn għadd ta’ ristrutturazzjonijiet. Forti Sant’Iermu kellha rwol importanti wkoll matul it-Tieni Gwerra Dinjija. Wara li r-Royal Malta Artillery telqu mill-Forti fl-1972, snin wara l-parti ta’ fuq intużat mill-Akkademja tal-Pulizija. Riċentement il-parti ta’ fuq tal-Forti Sant’Iermu ġiet restawrata u tospita wkoll il-Mużew Nazzjonali tal-Gwerra.

Aqra aktar

Ira Losco, Alphaville u Chris Norman fis-sitt edizzjoni tal-Beland Music Festival

Stqarrija Ghall-Istampa: Hard Rock Cafe Beland Music Festival 2017
Il-Ministru għall Ġustizzja, Kultura u Gvern Lokali Owen Bonnici, nieda s-sitt edizzjoni tal-Beland Music Festival. Dan l-ispettaklu se jsir bejn il-5 u t-7 ta’ Lulju li ġej. Il-festival se jsir bl-għajnuna tal-Kunsill Malti għall-Arti, bis-saħħa tal-Cultural Partnership Agreement.

Aqra aktar

L-iskola Primarja tal-Mellieħa tiċċelebra Jum il-Buffi

L-iskola Primarja tal-Mellieħa ċċelebraw Jum il-Buffi. Dan hekk kif it-tfal u l-istaff kollu ġew lebsin ta’ buffi bl-għan wara din il-ġurnata kienet li ngħollu l-moral tat-tfal li mhux dejjem ikunu qed jgħixu ħajja feliċi.

Barra minnhekk żewġ membri minn Dr Klown ġew spjegaw lill-istudenti r-rwol tagħhom meta jmorru l-isptar iferrħu lit-tfal li sfortunatament ikunu qegħdin l-isptar għal xi kura.  Xi studenti ppreżentaw kartolini biex dawn jitqassmu lit-tfal fl-isptar meta jmorru jżuruhom.

Aqra aktar

Għana u Nasori fil-Palazz tal-Inkwiżitur

Heritage Malta tippreżenta GħaNasori: Unity in Diversity (GħaNasori: Unità fid-Diversità) fil-Palazz tal-Inkwiżitur sabiex tqajjem kuxjenza akbar fuq il-wirt intanġibbli.

L-GħaNasori huwa proġett affaxxinanti ta’ Fiorella Camilleri, mużiċista tal-flute u l-piccolo mal-Orkestra Filarmonika Maltija. Il-kunċert se jinkludi Għana tal-Fatt, Għana fil-Għoli, Makjetta, Botta u Risposta u Nasori, u se jkun kumplimentat b’taħlita finali ta’ Għana u Nasori. In-Nasori Bugaku hija żifna tradizzjonali Ġappuniża li kienet tindaqq u tinżifen fil-palazzi Imperjali.

Aqra aktar

Ħarġa agrarja għall-familja kollha l-Ħadd li ġej

“Ħad-Dingli – Ħidma Agrarja u Tradizzjonijiet” Din hi l-14-il edizzjoni li se tkun qed tittella’ l-Ħadd li ġej f’Ħad-Dingli li tibda fit-8:00 ta’ filgħodu sal-17:00 ta’ wara nofsinhar. Attività li hi ffukata li tippromwovi t-tradizzjonijiet tal-Gżejjer Maltin b’mod speċjali dawk Dinglin. Din hi mera ta’ x’joffri r-raħal ta’ Ħad-Dingli fil-qasam kulturali, agrikolu, gastronomiku tradizzjonali u l-aspetti ekoloġiċi tal-madwar.

Din l-attività se sservi ta’ pjattaforma għal dak li r-raħal kapaċi joffri, b’esperjenza agrikola unika fejn il-viżitaturi jistgħu josservaw u jieħdu sehem fit-tradizzjonijiet agrikoli li, sfortunatment, qed jispiċċaw, u li posthom qiegħed jittieħed minn diversi żviluppi teknoloġiċi.

Din hija attività li ta’ kull sena tkun ta’ success. Fil-fatt, is-sena l-oħra attendew iktar minn għaxart elef ruħ, fosthom anke turisti.

Aqra aktar

Send this to a friend