Kultura | One News - Part 45

Notifiki

SKS f’Għawdex għall-“Fiera Sajfija tal-Ktieb”

SKS Publishers (Sensiela Kotba Soċjalisti) qed jistiednu lil dawk li għandhom għal qalbhom il-kotba iżuru l-istand tagħhom fil-Fiera Sajfija tal-Ktieb li se tittella’ f’Sir M. A Refalo Sixth Form, ir-Rabat Għawdex fl-14 u l-15 ta’ Lulju. Id-dar tal-Pubblikazzjoni se tkun qed tbigħ novelli, rumanzi minn awturi l-aktar magħrufa Maltin u Għawdxin li jinkludu l-awturi Alfred Sant, Frans Sammut, J.J Camilleri, Pawlu Xuereb, Lino Spiteri, Ġuże` Chetcuti, Karmenu Vassallo, u Mikiel Anton Vassalli, Juann Mamo, Ġuże` Bonnici, Ġuże` Ellul Mercer, Ġuże` Orlando, Gino Muscat Azzopardi, Ivo Muscat Azzopardi. SKS se jesebixxu ‘Is-Sejħa’, ġabra ta’ stejjer ta’ Lu Xun li inqalbu miċ-Ċiniż għall-Malti minn Clifford Borg Marks.

Aqra aktar

Iż-Żwieten jgħallmu kif tagħmel l-inbid

Il-Kunsill Lokali taż-Żejtun flimkien mal-Għaqda Għassara tal-Inbid se jkunu qed jorganizzaw kors ‘Kif Tagħmel tal-Inbid?’. Dan il-kors bażiku bla ħlas se jkun qed isir fuq tlett darbiet it-Tnejn 10, 17, u 24 ta’ Lulju, 2017 bejn is-6.00 p.m. u s-7.30 p.m. fis-Sala tal-Kunsill Lokali taż-Żejtun, Triq Sant’ Anġlu, iż-Żejtun. 

Matul dawn it-tlett laqgħat dawk li se jattendu se jkunu qed jitgħallmu dwar l-apparat u l-ingredjenti li għandek bżonn biex tagħmel l-inbid, kif tagħraf għeneb tajjeb għall-għasir, il-ħmira naturali mqabbla mal-ħmira tal-pakkett; L-istadji differenti tal-proċess biex tagħmel l-inbid: it-tagħsir tal-għeneb, għaliex l-inbid ma jibqax ibaqbaq, u għaliex tagħmel it-taqlib (racking), l-importanza tal-indafa, l-użu tal-idrometru; kif taħżen l-inbid, kif jimmatura u kif jiġi bbottiljat.

Il-kors hu miftuħ għal kulħadd minn Malta u Għawdex. Dan il-kors huwa miftuħ ukoll għal dawk li qatt m’għamlu inbid u jixtiequ jkunu jafu l-proċess kif isir.

Aqra aktar

Music Sensations fiż-Żurrieq, b’risq l-ALS Malta

Is-Sezzjoni Żagħżagħ Karmelitani taż-Żurrieq ser torganizza l-kunċert Music Sensations, nhar is-Sibt 8 ta’ Lulju mit-8.30pm ‘il quddiem fi Pjazza San Ġorġ in-Nigret fiż-Żurrieq.

Din l-attività ser tkun ippreżentata minn Pierre Cordina u Alana Bondin bis-sehem tal-kantanti lokali Eleanor Cassar, Jessika, Brooke Borg, Tiziana Calleja, Deborah C u Josef Tabone.

Id-dħul għal dan il-kunċert hu b’xejn, iżda se jinġabru donazzjonijiet b’risq l-ALS Malta.

Aqra aktar

Jirritorna l-Beland Music Festival

Il-‘Hard Rock Cafe – Beland Music Festival hija attivita mużikali mifruxa fuq 3 ijiem li tinvolvi għad ta artisti ta kalibru kbir, khem lokali kif ukoll internazzjonali. Wara s’suċċess tal-ħames edizzjonijiet li għaddew li ġibdu eluf ta nies lejn ir-raħal taż-Żejtun fejn tiġi organizzata din l-attivita, is-sitt edizzjoni qed tkun imtellgħa bejn il-5 u 7 ta Lulju għal darb’ oħra fiż-żona ta Bulebel iż-Żejtun.

Din l-edizzjoni ser tkun akbar minn qatt qabel, bil-parteċipazzjoni ta żewġ gruppi nternazzjonali flimkien ma l-aqwa talent Malti. Il-festival ser jiftaħ bi spettaklu mill grupp Alphaville li ħadu l-fama fis-snin 80 bid-diski ‘’Big in Japan’’, ‘’Jet Set’’, ‘’Dance With Me’’ u ‘’Forever Young’’. Chris Norman – il-vuċi oriġinali tal-grupp Smokie, ser ikun qed jagħmel kunċert flimkien mal-band tiegħu il-Ħamis fit-tieni jum tal-festival, Chris Norman huwa magħruf għas-suċċess li kiseb fil-karriera ma Smokie bid-diski ‘’Living Next Door To Alice’’, ‘’If You Think You Know How To Love Me’’, ‘’Mexican Girl’’, “It´s Your Life” u “Lay Back In The Arms Of Someone” u wara fil-karriera solo bid-diski “Stumblin’ In” u “Midnight Lady” fost l-oħrajn. Il-Festival jgħalaq b’kunċert straordinarju u tant mistenni ta Ira Losco, dan ser ikun l-ewwel kunċert tagħha wara li rrappreżentat lil Malta fil-Eurovision, u ser ikun spettaklu nnovattiv li jinvolvi numru ta artisti lokali u nternazzjonali.

Aqra aktar

REKORD ta’ viżitaturi f’siti storiċi Maltin – 1.3 miljun

Il-Ministru għall-Kultura Owen Bonnici ħabbar li s-sena l-oħra, inkiser ir-rekord tan-numru ta’ viżitaturi fis-siti storiċi: 1,287,585. Dawn iġġeneraw l-akbar ammont ta’ flus fi dħul għal Heritage Malta.

Huwa qal li dan id-dħul għamel tajjeb għat-telf li sofriet Heritage Malta wara li ngħalaq il-Palazz tal-President minħabba l-Presidenza Ewropea u mill-għeluq tal-Ipoġew ta’ Ħal Saflieni sakemm sar ir-restawr.

Aqra aktar

Il-Melleħin jorganizzaw festa…mhux f’Settembru imma fl-ewwel jum ta’ Lulju!

Nhar is-Sibt li ġej hija okkażjoni fejn ħafna familji jieħdu xi ftit tan-nifs. Għal ħafna, se jimmarka tmiem il-perjodu ta’ eżamijiet u l-ewwel jum ta’ btajjel għat-tfal. Il-Kunsill Lokali tal-Mellieħa flimkien ma’ Candy Rush Group Mellieħa ħasbu f’attività oħra bl-isem Festa Familja, b’risq il-Malta Community Chest Fund.

Mis-sitta ta’ filgħaxija ‘l quddiem, il-familija tista’ tgawdi minn ikel bnin, wirjiet bil-karozza, wirjiet tal-kant, żfin u talenti oħra, fil-park tal-familja f’Selmun. Il-grupp Candy Rush se jkun qed jarma għodda li t-tfal jieħdu ħafna gost bihom, bħal ngħidu aħna bouncy castles.

Kif jixhed is-suċċess tas-sena li għaddiet, il-konkorrenza tkun sabiħa u tkun okkażjoni perfetta kemm għall-għaqda komunitarja u anke għal nies li mhumiex mir-raħal biex igawdu s-sbuħija li taf toffri l-Mellieħa.

Aqra aktar

Jekk tħobb iż-żfin titlifx din il-produzzjoni

Nhar il-Ġimgħa 18 u l-Ħadd 20 t’Awwissu Akane Takada, Meaghan Grace Hinkis, Romany Pajdak, Leticia Stock, Kevin Emerton, Benjamin Ella u David Donnelly, żeffiena mill-kumpanija ta’ żfin ta’ fama mondjali Royal Ballet ta’ Londra, ser ikunu qegħdin itellgħu produzzjoni ġdida ANNO fuq koreografija ta’ Royal Ballet First Artist Erico Montes fi Pjazza Teatru Rjal.

Aqra aktar

Opportunità biex issegwi tlugħ ix-xemx fit-Tempji ta’ Ħaġar Qim u l-Imnajdra

Biex tfakkar is-solstizju tas-sajf, Heritage Malta għal darb’oħra se torganizza żjajjar bi gwida fit-Tempji ta’ Ħaġar Qim u l-Imnajdra nhar l-Erbgħa 21 u l-Ħamis 22 ta’ Ġunju fi tlugħ ix-xemx, meta x-xemx tidher tiela’ f’allinjament partikolari ma’ dawn is-siti. Barra minn hekk, dawk preżenti se jkollhom ukoll l-opportunità li jżuru ċ-ċentru tal-viżitaturi fil-Park Arkeoloġiku ta’ Ħaġar Qim u l-Imnajdra.

Aqra aktar

Aqra hawn jekk tħobb il-logħob tan-nar

Ġunju wasal u miegħu waslet il-festa tal-padrun San Filep ta’ Aġira, festa li hija magħrufa għal diversi affarijiet speċjalment fejn tidħol il-pirotekknika.

Ta’ kull sena s-St. Philip’s Fireworks Factory dejjem toħloq xi ħaga ġdida, oriġinali u innovativa u din is-sena mhux eċċezzjoni.

Aqra aktar

Fetħu l-applikazzjonijiet għall-Premju tal-President għall-Kreattività 2017

Fetħu l-applikazzjonijiet għall-Premju tal-President għall-Kreattività 2017 – fond b’element soċjali u komunitarju qawwi.  

L-edizzjoni ta’ din is-sena tinkludi fergħa ġdida ta’ €20,000 f’fondi addizjonali; permezz ta’ dan, benefiċjarji passati tal-Premju jistgħu japplikaw biex jirċievu aktar sapport għat-tkomplija tal-proġetti tagħhom fil-komunità.

L-ammont kommess għall-Premju ta’ din is-sena huwa €85,000. Kull proġett magħżul jista’ jingħata sa massimu ta’ €6,000, bil-possibilità li l-ammont jitla’ għal €8,000 f’każ ta’ kollaborazzjoni bejn żewġ organizzazzjonijiet. Il-Premju jista’ jkopri sa 100% tal-ispejjeż tal-proġett. Il-benefiċjarji tal-fergħa l-ġdida jistgħu jirċievu sa €5,000 kull sena, għal perjodu ta’ tlett snin.

Aqra aktar

Send this to a friend