Kultura – Page 22 – One News

Notifiki

Kunċett u Marinton se jagħmlu praspura oħra fuq il-palk!

Il-famużi Kunċett u Marinton se jirritornaw fuq il-palk fl-aħħar ta’ dan ix-xahar. Il-praspar ta’ dawn iż-żewġ nisa inkitbu minn Trevor Żahra meta kellu biss 15-il sena. Bdew bħala stejjer fir-rivista is-Sagħtar, imbagħad inġabru fi ktejjeb. Żahra iżda, kompla iżid il-kapitli fis-snin ta’ wara u llum wieħed għadu jista’ jixtri dan il-ktieb li jiġbor fih 24 praspura. Issa, ‘Il-Praspar ta’ Kunċett u Marinton’ se joħorġu mill-qxur tal-ktieb u jidħlu f’teatru taħt id-direzzjoni ta’ Dominic Said. Aqra aktar

Se nerġgħu niltaqgħu ma’ Francis Ebejer!

Din is-sena qed infakkru l-25 sena mill-mewt tad-drammaturgu Francis Ebejer, il-bniedem li grazzi għalih, l-udjenzi Maltin tgħallmu lezzjonijiet siewja mill-hekk imsejjaħ Teatru tal-Assurd.

Minħabba l-assurdità  tad-drammi ta’ Ebejer, għexieren ta’ diretturi kemm-il darba taw togħma differenti għall-istejjer tiegħu. Din id-darba, id-direttur żagħżugħ Clive Piscopo, se jwaħħad erba’ drammi li nkitbu mid-drammaturgu fl-1985. Drammi li forsi l-udjenza Maltija mhux familjari magħhom…

Wirja Fotografika: 100 Ikona- Il-Fidi f’Triqat iż-Żejtun

It-Taqsima tal-Kultura u t-Turiżmu fi ħdan il-Kunsill Lokali taż-Żejtun għar-reba’ sena konsekuttiva se ttella’ wirja dwar il-wirt Żejtuni. Din il-wirja fotografika 100 IKONA b’fotografija ta’ Angelo Caruana u Glen Chircop se tkun qed tiġi mtella’ bejn illum il-Ġimgħa 28 u l-Ħadd 30 ta’ Settembru, 2018 fiċ-Ċentru Arti u Artiġjanat, Triq San Girgor, iż-Żejtun. Il-ftuħ uffiċjali se jsir illum il-Ġimgħa 28 ta’ Settembru fis-7.00 p.m. Il-pubbliku hu mistieden jattendi. Il-wirja se tkun miftuħa wkoll waqt l-attività Żejt iż-Żejtun.

Aqra aktar

Ħabbilni ħa nirbaħ

Il-film ta’ Valletta 2018 ‘Ħabbilni Ħa Nirbaħ’ (Knock Me Up, Knock Me Down), se jagħmel id-debutt internazzjonali tiegħu waqt l-Edmonton Film Festival ġewwa l-Kanada, meta jipparteċipa fil-kompetizzjoni uffiċjali waqt l-istess festival fi tmiem il-ġimgħa.

Aqra aktar

Valletta 2018 b’wirjiet ta’ mużika madwar il-Belt

Il-Fondazzjoni Valletta 2018 qed tistenna ġimgħa eċċitanti ħafna fejn tidħol il-mużika hekk kif il-ġimgħa d-dieħla mistennija ttella’ spettaklu kbir waqt żewġ attivitajiet fil-Belt Valletta.

Fl-4 ta’ Ottubru, It-tenur Cliff Zammit Stevens mistenni jagħti kunċert flimkien mal-kantanta Ira Losco. Din il-kollaborazzjoni flimkien mal-Orkestra Filarmonika ta’ Malta se  twaħħad il-mużika klassika ma’ dik pop.Aqra aktar

Żur iż-Żejtun Band Festival fit-28 ta’ Settembru

Reġgħet waslet iż-Żejtun Band Fest, attività annwali fil-pjazza ewlenijja taż-Żejtun nhar il-Ġimgħa 28 ta’ Settembru. Din l-attività organizzata mill-Għaqda Banda Żejtun u li ta’ kull sena toffri spettaklu kbir ta’ mużika, kant u żfin.

Din is-sena l-ispettakklu se jkun akbar minn qatt qabel fejn se jieħdu sehem l-aqwa talent lokali, fosthom Destiny Chukunyere, Ludwig Galea, Priscilla u Chiara flimkien mal-Band popolari ta’ Spiteri Lucas.Aqra aktar

Ecclesia Sanctorum – Il-Wirt Reliġjuż fuq il-bolol u aktar

Il-Grupp Filateliku taż-Żejtun se jkun qed itella’ s-16-il edizzjoni tal-wirja annwali tal-filatelija, din is-sena bit-titlu ‘Ecclesia Sanctorum – il-Wirt Reliġjuż fuq il-Bolol u Aktar’. Din il-wirja filatelika bit-tema tar-reliġjon se tkun miftuħa bejn nhar il-Ħamis 27 u l-Ħadd 30 ta’ Settembru, 2018, fis-Sala Ġużeppina Curmi (taħt l-Istitut Ġesù Nazzarenu), Triq l-Isqof Emm. Galea, iż-Żejtun. Din se tkun miftuħa wkoll waqt l-attività Żejt iż-Żejtun.

Il-pubbliku f’din il-wirja permezz tal-filatelija se jkun jista’ jara avvenimenti storiċi tar-reliġjon Kattolika fosthom tal-Milied u l-Ġimgħa Mqaddsa, muniti, kartolini ta’ qaddisin varji, u ħafna aktar. Bolol rari li se jqajmu diversi interess fost dawk li qed jkunu qed jattendu.

Matul din il-wirja diversi filatelistiċi li se jkunu qed idawwru lill-pubbliku madwar il-wirja u jagħtuhom spegazzjoni dwarhom. It-tfal kollha li se jkunu qed iżuru din il-wirja se jagħmlu xi ħaġa interessanti, li din il-ħaġa mbagħad se jkunu jistgħu joħduha magħhom. Barra minn hekk, se tkun qed titqassam il-gazzetta The Melite Post bla ħlas. Id-dħul għall-wirja huwa bla ħlas ukoll.

Il-filatelija dejjem kienet għal qalb iż-Żejtun, hekk kif l-istorja tal-filatelija tmur lura għall-bidu tas-seklu għoxrin, fejn l-ewwel għaqda filatelika f’Malta, il-Malta Philatelic Society’, kienet topera minn 20, Triq Sant’ Emidju, iż-Żejtun.

Din il-wirja qed tiġi mtella’ mill-Grupp Filateliku taż-Żejtun, grupp fi ħdan il-Kunsill Lokali taż-Żejtun, li twaqqaf fl-2002, minn Żwieten li kienu iż-Żejtun jġemmgħu l-filatelija. Għal kull laqgħa jattendi kelliem biex jitkellem dwar l-aspetti storiċi ta’ pajjiżna u lil hinn, li jkunu deheru fuq il-bolol. Kulħadd jista’ jingħaqad f’dan il-grupp, il-laqgħa u s-sħubija huma mingħajr ħlas.

Il-pubbliku hu mistieden għall-ftuħ uffiċjali li se jsir nhar il-Ħamis, 27 ta’ Settembru, fis-7.00 p.m.
Għal aktar informazzjoni ċempel fuq 2166 3866 jew ibgħat posta elettronika fuq [email protected]

Send this to a friend