Kultura | One News - Part 20

Notifiki

Żur iż-Żejtun Band Festival fit-28 ta’ Settembru

Reġgħet waslet iż-Żejtun Band Fest, attività annwali fil-pjazza ewlenijja taż-Żejtun nhar il-Ġimgħa 28 ta’ Settembru. Din l-attività organizzata mill-Għaqda Banda Żejtun u li ta’ kull sena toffri spettaklu kbir ta’ mużika, kant u żfin.

Din is-sena l-ispettakklu se jkun akbar minn qatt qabel fejn se jieħdu sehem l-aqwa talent lokali, fosthom Destiny Chukunyere, Ludwig Galea, Priscilla u Chiara flimkien mal-Band popolari ta’ Spiteri Lucas.Aqra aktar

Ecclesia Sanctorum – Il-Wirt Reliġjuż fuq il-bolol u aktar

Il-Grupp Filateliku taż-Żejtun se jkun qed itella’ s-16-il edizzjoni tal-wirja annwali tal-filatelija, din is-sena bit-titlu ‘Ecclesia Sanctorum – il-Wirt Reliġjuż fuq il-Bolol u Aktar’. Din il-wirja filatelika bit-tema tar-reliġjon se tkun miftuħa bejn nhar il-Ħamis 27 u l-Ħadd 30 ta’ Settembru, 2018, fis-Sala Ġużeppina Curmi (taħt l-Istitut Ġesù Nazzarenu), Triq l-Isqof Emm. Galea, iż-Żejtun. Din se tkun miftuħa wkoll waqt l-attività Żejt iż-Żejtun.

Il-pubbliku f’din il-wirja permezz tal-filatelija se jkun jista’ jara avvenimenti storiċi tar-reliġjon Kattolika fosthom tal-Milied u l-Ġimgħa Mqaddsa, muniti, kartolini ta’ qaddisin varji, u ħafna aktar. Bolol rari li se jqajmu diversi interess fost dawk li qed jkunu qed jattendu.

Matul din il-wirja diversi filatelistiċi li se jkunu qed idawwru lill-pubbliku madwar il-wirja u jagħtuhom spegazzjoni dwarhom. It-tfal kollha li se jkunu qed iżuru din il-wirja se jagħmlu xi ħaġa interessanti, li din il-ħaġa mbagħad se jkunu jistgħu joħduha magħhom. Barra minn hekk, se tkun qed titqassam il-gazzetta The Melite Post bla ħlas. Id-dħul għall-wirja huwa bla ħlas ukoll.

Il-filatelija dejjem kienet għal qalb iż-Żejtun, hekk kif l-istorja tal-filatelija tmur lura għall-bidu tas-seklu għoxrin, fejn l-ewwel għaqda filatelika f’Malta, il-Malta Philatelic Society’, kienet topera minn 20, Triq Sant’ Emidju, iż-Żejtun.

Din il-wirja qed tiġi mtella’ mill-Grupp Filateliku taż-Żejtun, grupp fi ħdan il-Kunsill Lokali taż-Żejtun, li twaqqaf fl-2002, minn Żwieten li kienu iż-Żejtun jġemmgħu l-filatelija. Għal kull laqgħa jattendi kelliem biex jitkellem dwar l-aspetti storiċi ta’ pajjiżna u lil hinn, li jkunu deheru fuq il-bolol. Kulħadd jista’ jingħaqad f’dan il-grupp, il-laqgħa u s-sħubija huma mingħajr ħlas.

Il-pubbliku hu mistieden għall-ftuħ uffiċjali li se jsir nhar il-Ħamis, 27 ta’ Settembru, fis-7.00 p.m.
Għal aktar informazzjoni ċempel fuq 2166 3866 jew ibgħat posta elettronika fuq [email protected]

Segwi kif ix-xjenza tista’ tassisti lill-wirt kulturali

Nhar il-Ġimgħa, 28 ta’ Settembru, bħala parti mill-attivitajiet ta’ Science in the City li se jsiru l-Belt Valletta, Heritage Malta qiegħda tistieden lill-pubbliku (minn 12 il-sena ‘l fuq) sabiex isegwi informazzjoni dwar ix-xjenza tal-konservazzjoni permezz ta’ studju eċċellenti relatat mal-proġett ta’ konservazzjoni tal-Gran Salon, li bħalissa jinsab għaddej bis-sapport tal-Bank of Valletta.
Aqra aktar

Stedina biex idduq l-Istorja

Nhar l-Erbgħa, 3 t’Ottubru, u l-Ħamis, 4 t’Ottubru, Heritage Malta se tkun qed tipprovdi lill-pubbliku l-opportunità li jduq l-Istorja fis-sala tal-ikel tal-Mużew Marittimu, il-Birgu. Ibbażata fuq kunċett ġdid li jitraċċa u jagħti l-ħajja mill-ġdid lill-menus tal-passat, il-mistiedna se jkunu mħajjra jissorprendu ruħhom bit-togħmiet ta’ tliet platti għaġin li jmorru lura sekli sħaħ.

Aqra aktar

Xahar ta’opri f’Għawdex

Il-Ministru għal Għawdex Justyne Caruana ħabbret programm ta’ attivitajiet marbuta mall-opri f’Għawdex – Gozo Opera Month.

Waqt it-tnedija ta’ dan il-programm, il-Ministru Caruana qalet li dan il-festival abbinat mal-opri tfassal għall-ewwel darba wara diskussjonijiet fit-tul mal-partijiet kollha kkonċernati. Il-Ministru għal Għawdex uriet is-sodisfazzjon tagħha li l-opri liriċi li jiġu organizzati f’Għawdex miż-żewġ teatri fir-Rabat, issa se jkunu parti minn programm ferm iktar wiesa’ u impenjattiv. Għawdex se wkoll jiżżejjen skont it-tema operistika ta’ din l-attività tant prestiġjuża.Aqra aktar

Jekk m’għandekx fejn tmur il-Ħadd, mur lura fiż-żmien!

Nhar il-Ħadd li ġej, il-Katakombi Ta’ Bistra se jkunu miftuħa għall-pubbliku bħala parti miċ-ċelebrazzjonijiet ta’ Jum il-Mosta. Il-Katakombi Ta’ Bistra huwa l-akbar kumpless ta’ oqbra u katakombi li nstab s’issa il-barra mir-Rabat, Malta. Peress li qiegħed f’distanza ta’ madwar 15 il-minuta miċ-ċentru tal-Mosta, dan is-sit ta’ Heritage Malta huwa ideali biex jikkumplimenta lil postijiet popolari oħra fl-inħawi, fosthom il-Bażilika tal-Assunta, li hija aktar magħrufa bħala r-Rotunda tal-Mosta.Aqra aktar

Kunċert tal-Eżaltazzjoni tas-Salib f’Għawdex

Għall-festa liturġika tal-Eżaltazzjoni tas-Salib l-orkestra ‘Santa Ċeċilja’ ser ittella’ kunċert mużikali bl-isem ta’ ‘L-Armonija tas-Salib.’

L-orkestra ‘Santa Ċeċilja’ taħt id-direzzjoni tas-Surmast Antoine Mercieca ser tkun qed tfakkar is-Salib ta’ Kristu fl-14 ta’ Settembru fi Knisja Savina fis-19.30.

Dan ser isir permezz ta’ kunċert b’kollaborazzjoni mal-Kunsill tal-Kultura fi ħdan il-Ministeru għal Għawdex.

F’dan il-kunċert ser jiġu esegwiti siltiet mużikali ta’ Możart, Caccini, Mercieca fost oħrajn. Ser jinqraw ukoll xi poeżiji b’rabta mal-istrumenti tal-passjoni miktuba mill-poetessa Għawdxija Mary Meilak.

Send this to a friend