Internazzjonali | One News - Part 8

Notifiki

Ebda aċċess għal Facebook, Whatsapp, u Instagram fl-aħħar tliet sigħat

Facebook, Instagram, u Whatsapp, tliet applikazzjonijiet meqjusa ‘kruċjali’ għal ħafna, waqqfu jaħdmu u damu tliet sigħat biex jissewwew. Kawża ta’ dan, miljuni ta’ persuni madwar id-dinja kellhom għal darb’oħra jagħmlu telefonata jew jibagtħu messaġġ biex jikkomunikaw ma ħaddieħor.

Rapporti fil-midja internazzjonali qed jgħidu li t-tmexxija ta’ Facebook irċiviet mat-12,000 rapporti minn utenti urtati għaliex ma jistgħux jużaw is-sit. Facebook kien esperjenza episodju simili f’Marzu li għadda, fejn eluf ta’ klijenti ma kellhom aċċess għall-applikazzjoni għal ajtar minn 24 siegħa.

Jidher li l-Ħadd, l-agħar żoni milquta kienu l-Ewropa u l-Asja.

L-akbar ajruplan fid-dinja tar għall-ewwel darba

Dan l-ajruplan li fih sitt magni u tella’ veloċità t’aktar minn mitejn u sebgħin kilometru fis-siegħa. Dan inbena mill-kumpanija Stratolaunch li twaqqfet fost l-oħrajn mill-ko-fundatur tal-Microsoft Paul Allen.

L-ajruplan li twil daqs grawnd tal-football huwa ideali li jitla’ f’għoli t’għaxar kilometri biex imbagħad jispara ‘l fuq satelitti fl-orbiti. Fil-fatt dan il-proċess hu meqjus bħala spiża irħas mir-rokits.

Il-bdot tal-ajruplan qal li kienet esperjenza fantastika hu u ttajjar dan l-ajruplan.

Persuna tmut u tlieta jindarbu f’sensiela ta’ sparaturi f’diskoteka f’Melbourne

Persuna nqatlet u tlieta oħra ndarbu wara sparaturi fi stabbiliment tad-divertiment f’Melbourne, l-Awstralja. Rapporti fil-midja Awstraljana qalu li sa issa l-investigaturi mhux jorbtu dan il-każ ma’ wieħed terroristiku.

Hu mifhum li dan il-każ qed jintrabat bejn ċirku kriminali marbut ma’ sewwieqa ta’ muturi.

Sparaturi ta’ dan it-tip huma rari fl-Awstralja u l-pajjiż ilu aktar minn għoxrin sena li rriforma l-liġi li rat iktar restrizzjonijiet fuq liċenzjar tal-armi.

Jissoktaw il-protesti fis-Sudan

Il-mexxejja tal-protesti fit-toroq tal-kapitali Sudaniża Khartoum sejħu lid-dimostranti biex jibqgħu jipprotestaw għal jumejn.

F’kolp ta’ stat il-militar ħa f’idejh il-poter filwaqt li neħħa mill-poter lill-mexxej Omar al-Bashir – wara tletin sena fil-poter.Aqra aktar

Il-qattiel ta’ Kuciak kien eks suldat

Eks suldat li kien akkużat bil-qtil tal-ġurnalist investigattiv Slovakk Jan Kuciak ammetta l-qtil. Dan skont tliet aġenziji tal-aħbarijiet, fosthom aktuality.sk, fejn kien jaħdem l-istess Kuciak.

Kuciak u l-maħbuba tiegħu Martina Kusnirova nqatlu f’darhom b’arma tan-nar fi Frar tas-sena l-oħra.

Dan hekk kif hu kien fl-aħħar preparamenti sabiex ikun ippublikat rapport fuq l-allegat rabtiet bejn il-politiċi Slovakki, il-mafja Taljana u irregolaritajiet f’pagamenti sussidjarji tal-Unjoni Ewropea.

Aktuality.sk, li hija proprjeta tal-pubblikatur Ġermaniż Axel Springer, kwotat sors informat sew li qal li Miroslav Marcek, eks suldat professjonali, ammetta għal qtil doppju.

L-aġenziji RTVS u Dennik N ukoll irrappurtaw li Marcek ammetta, u kwotaw sorsi anonimi tal-pulizija.

Imorru kontra ordni tal-Kunsill Militari

Folol kbar ta’ nies baqgħu fit-toroq tal-kapitali Sudaniża Khartoum, u b’hekk injoraw curfew ddikjarat mill-Kunsill Militari ġdid tal-pajjiż.

Omar al-Bashir, li kienu ilu għal żmien twil fil-kariga ta’ President, tneħħa u ġie arrestat fil-jum tal-Ħamis wara xhur ta’ protesti fit-toroq.

Iżda d-dimostranti qed jgħidu li l-Kunsill Militari huwa parti mill-istess reġim.

Dawn il-protesti ġodda qajmu biża ta’ konfrontazzjoni vjolenti bejn id-dimostranti u l-armata.

Arrestat raġel b’rabtiet m’Assange

Raġel b’rabtiet mal-kofundatur ta’ Wikileaks Julian Assange ġie arrestat waqt li kien se jitlaq mill-Ekwador.

Il-Ministru tal-Intern Maria Paula Romo ma qalitx ismu iżda qalet li ġie arrestat għal skopijiet investigattivi.

Uffiċjal tal-gvern qal lil Associated Press li r-raġel huwa Ola Bini, żviluppatur Żvediż tas-software.

Dan l-arrest sar ftit tas-sigħat wara li Assange nnifsu kien arrestat fl-ambaxxata Ekwadorjana f’Londra.

Send this to a friend