Internazzjonali – Page 501 – One News

Notifiki

Kif taqbad timita xagħar Trump?

Jekk verament tixtieq tgħid lil Donald Trump kif taħsibha wiċċ imb’wiċċ, għandek opportunità ġdida. Il-President elett Amerikan Donald Trump se jkun preżenti, għalkemm tax-xema’, għand ta’ Madame Tussaud.

Esperti fl-iskultura għaddejjin b’ħidma sħiħa wara l-kwinti biex Trump ġdid (għax diġa’ hemm Trump ieħor) ikun preżenti qabel l-istilla televiżiva u negozjant  isir President uffiċjalment.

Fost l-ikbar uġigħ ta’ ras hemm xagħar Trump – kif taqbad tirreplika dak ix-xagħar isfar famuż mad-dinja kollha?

Is-soluzzjoni tibsab fis-suf tal-“yak”; annimal simili għal barri li ssibu fir-reġjun kollu tal-Ħimalaja, fin-Nofsinhar tal-Asja Ċentrali, il-plateau Tibetjan u t-tramuntana tal-Mongolja u r-Russja.

Aqra aktar

Minn immigranta għal First Lady tal-Istati Uniti

Hekk kif illum tħabbret ir-rebħa Presidenzjali tal-Istati Uniti, bosta persuni fuq l-internet qed jiddiskutu mhux biss l-għażla tal-President iżda kif ukoll lit-tielet mara ta’ Donald Trump, Melania Trump, li se tkun qed tieħu post Michelle Obama bħala l-Ewwel Mara tal-Istati Uniti.

Aqra aktar

Id-diskors mistenni ta’ Hillary Clinton

Hillary Clinton tkellmet wara li tilfet kontra Donald Trump biex issir President tal-Istati Uniti tal-Amerka.

Ikkongratulat lil Donald Trump u qalet li tittama li jkun ta’ suċċess. “I’m sorry that we did not win this election” qalet Clinton, filwaqt li sostniet li tħossha kburija u onorata li rrappreżentat lill-poplu Amerikan.

Qalet li tifhem id-diżappunt. “This is painful and it will be for a very long time” qalet bid-dmugħ f’għajnejha. Qalet li xorta waħda temmen fl-Amerka, u għalhekk hemm bżonn jaċċettaw ir-riżultat u jimxu ‘l quddiem. Hemm bżonn li l-poter ikun mgħoddi b’mod paċifiku. Hemm bżonn rispett lejn il-fatt li kulħadd. Il-kostituzzjoni Amerikana titlob il-parteċipazzjoni u għalhekk hemm bżonn li tkompli l-ħidma biex l-ekonomija taħdem għal kulħadd u biex il-ħolma Amerikana tkun possibbli għal kulħadd.

Clinton rringrazzjat lill-poplu Amerikan, lil familtha u dawk kollha li ħadmu magħha.

Aqra aktar

40 midruba – jinqaleb tramm f’Londra

Iktar minn 40 persuna weġġgħu wara li għall-ħabta tas-sebgħa ta’ filgħodu (ħin Malti) inqaleb tramm fl-inħawi ta’ Croydon fin-nofsnihar ta’ Londra.

Rapporti mill-kamra tal-aħbarijiet BBC jikkonfermaw li żewġ persuni għadhom maqbduin ġot-tramm u għaddejja ħidma sabiex dawn jinħelsu mill-iktar fis.

Il-Metropolitan Police f’Londra qalu li dan kien inċident gravi fejn se tingħata prijorita assoluta sabiex jerġa jinkiseb il-kontroll fl-inħawi. Intant ir-Rail Accident Investigation Branch se tibda investigazzjoni fil-ħin li ġej .

Is-Simpsons profetiċi!

Is-Simpsons ġieli kellhom episodji li spiċċaw kienu profetiċi. Imma fuq Donald Trump kellhom raġun bi sħiħ!

Sittax-il sena ilu kienu qalu li Trump kien se jkun President. Fl-episodju “Bart to the Future” li xxandar f’Marzu 2000, kien hemm Trump fil-Presidenza – s’hemm kellhom raġun. Lisa, waħda mill-karattri ewlenin, issir President warajh, u titkellem dwar ħidmietu. Fl-episodju, l-Istati Uniti kellhom ukoll problemi finanzjarji – nittamaw li ma jkollhomx raġun f’dan l-aspett.

Il-moħħ wara l-karattri sofor Matt Groening qal lil The Guardian li dak iż-żmien Trump kien l-aktar għażla assurda li setgħu jitfgħu f’dik il-pożizzjoni.

Aqra aktar

L-ewwel diskors ta’ Trump

“Sorry to keep you waiting, complicated business!”

Hekk beda d-diskors tiegħu Donald Trump. Qal li għadu kemm irċieva telefonata minn Clinton, li kkongratulat lil Trump. Minn naħa tiegħu huwa tagħha l-prosit talli ħadmet b’ħafna ħila.

“Now it’s time for America to bind the wounds of division” qal Trump, filwaqt li talab lil kulħadd jingħaqad.

Qal li issa jixtieq jaħdem ma min ma wrieħx appoġġ, għax din ma kinitx kampanja imma moviment magħmul minn miljuni li jħobbu lil pajjiżhom u jridu futur aħjar.

Aqra aktar

Send this to a friend