Internazzjonali | One News - Part 5

Notifiki

Jimitaw l-umani u jippużaw għal stessu

Żewġ gorilli ppużaw għal stessu flimkien mal-gwardjani li kienu salvawhom meta kellhom ftit xhur wara li ommijiethom inqatlet minn kaċċaturi lura fl-2007.

Ir-ritratt ittieħed fil-Park Nazzjonali ta’ Virgunaa fil-Kongo. Id-Deputat Diretur tal-Park, Innocent Mburanumwe, qal li l-gurilli tgħallmu jimitaw lil dawk li jieħdu ħsiebhom sa minn mindu kienu ta’ ftit xhur.Aqra aktar

Ulied il-mexxej ta’ ASOS jinqatlu fl-attakki terroristiċi fi Sri Lanka

Anders Holch Povlsen, li jmexxi l-kumpanija tal-moda ASOS, tilef tliet ulied fl-attakki terroristiċi fi Sri Lanka tul tmiem il-Ġimgħa li għadda. Huwa kkonferma l-mewt ta’ wliedu, u talab lill-midja internazzjonali tirrispetta l-privatezza ta’ qrabatu f’dan iż-żmien.

Hu mifhum li l-familja kienet fuq btala fil-pajjiż meta ntlaqtu mill-attakki.

In-numru ta’ mejta kawża tal-attakki fi Sri Lanka jitla’ għal 290

Fi Sri Lanka n-numru tal-mejta tela’ għal mitejn u disgħin persuna wara tmien splużjonijiet li seħħew fi tliet knejjes u f’erba’ lukandi.

L-għada tal-attakki mdemmija, il-pulizija komplew jarrestaw iżjed persuni u n-numru issa tela’ għal erbgħa u għoxrin persuna.

Il-pulizija sostniet li grupp fundamentalista fil-pajjiż wettaq dawn l-attakki iżda dan il-grupp meqjus ċkejken kien mgħejjun minn grupp internazzjonali, qalu l-awtoritajiet fi Sri Lanka. Minkejja dan, ħadd ma refa’ responsabilità ta’ dan l-attakk fl-Għid il-Kbir.Aqra aktar

Il-Papa b’appell għad-djalogu u l-waqfien mill-ġlied

Kristu jgħix. Hu t-tama tagħna. Kulma jmiss isir żagħżugħ; ġdid; jimtela’ bil-ħajja.

Dan il-messaġġ tal-Papa Franġisku fil-messaġġ tiegħu Urbi et Orbi fl-okkażjoni tal-Għid il-Kbir.

Fil-messaġġ tiegħu, il-Papa qal kif laqa’ b’dieqa l-aħbar tal-attentati fil-knejjes u postijiet oħra fis-Sri Lanka, u tenna kif qalbu tmur mal-komunità kristjana li kienu miġbura għat-talb, u l-vittmi kollha.Aqra aktar

Rapporti ta’ splużjoni viċin il-Ministeru għall-Informazzjoni Afgan

Skont rapporti fil-midja internazzjonali, seħħet splużjoni qrib il-kapitali Afgana, Kabul, biswit il-Ministeru għall-Informazzjoni.

Sorsi qalu mal-kamra tal-aħbarijiet tal-BBC li kien hemm tliet agressuri, b’wieħed minnhom irnexxielu jidħol fil-binja.

Sa issa l-ebda grupp ma qal li wettaq dan l-attakk, li qed isir wara sospensjoni ta’ taħdidiet bejn il-gvern u ribelli Talibani.

Twieled jiżen daqs tuffieħa u wara seba’ xhur l-isptar jista’ jmur id-dar b’saħħtu

Tarbija tat-twelid mill-Ġappun li twieled jiżen daqs tuffieħa (258 gramma), tħalla jmur id-dat wara kważi seba’ xhur jingħata l-kura l-isptar. Ryuske Sekino twieled fl-1 ta’ Ottubru li għadda, issa jinsab fi stat tajjeb ta’ saħħa.

F’kummenti lill-midja lokali, omm it-tifel qalet li issa tista’ verament tħoss il-piż ta’ binha, hekk kif s’issa, kienet dejjem tibża’ żżommu minħabba l-biża’ li tweġġgħu.

Skont reġistru dwar trabi tat-twelid f’Università fl-Istati Uniti, Sekino huwa t-tieni l-iżgħar tarbija li qatt twieled. L-iżgħar tarbija fid-dinja twieldet fil-Ġermanja fl-2015, u kienet tiżen biss 252 gramma mat-twelid.

‘Michael’ kien l-aktar urugan b’saħħtu li ħakem l-Istati Uniti f’26 sena

L-Urugan Michael, li f’Ottubru li għadda laqat l-istat Amerikan ta’ Florida, kien l-aktar wieħed b’saħħtu fl-aħħar 26 sena. Dan skont analiżi li sar minn esperti fis-settur dwar l-urugan li kkawża l-mewt ta’ 59 persuna. Hu mifhum ukoll li l-Urugan Michael sewa’ mal-$25 biljun lill-Gvern Amerikan kawża tal-ħsara li ġarrab dan l-istat.Aqra aktar

Send this to a friend