Raġel f’Londra ħelisha ħafif hekk kif għadda minn quddiem kafetterija ftit sekondi biss qabel ħajt tal-briks fuq l-istess kafetterija ċeda u spiċċa fuq il-bankina.
Jinstabu l-kaxxi s-suwed tal-ajruplan li ġġarraf il-Ħadd
Instabu l-kaxxi s-suwed tal-ajruplan tal-linja tal-ajru Etjopjana li ġġarraf il-Ħadd li għadda. L-apparat irkuprat mis-sit fejn iġġarraf l-ajruplan huwa t-tagħmir li jirreġistra l-vuċi tal-kabina tal-pilota tal-Boeing 737 Max 8 u r-recorder diġitali tad-dejta tat-titjira.
L-ajruplan iġġarraf sitt minuti biss wara li telaq mill-kapitali tal-Etjopja u ħalla l-157 passiġġier abbord, ilkoll bla ħajja.
Jieqfu d-diskussjonijiet dwar Brexit jum qabel vot f’Westminster dwar l-abbozz tat-tluq
Diskussjonijiet dwar Brexit bejn ir-Renju Unit u l-Unjoni Ewropea għadhom ma komplewx, skont l-Uffiċċju tal-Prim Ministru Ingliż f’Downing Street, minkejja li baqa jum biss biex jittieħed vot fil-Parlament Ingliż dwar l-abbozz tat-tluq.
Il-Prim Ministru Theresa May tkellmet mal-President tal-Kummissjoni Ewropea Jean-Claude Juncker il-Ħadd filgħaxija wara li jiem ta’ diskussjoni bejn iż-żewġ partijiet ma wasslu għall-ebda soluzzjoni. Dawn id-diskussjonijiet mistennija jkomplu t-Tnejn bil-ħsieb li jkunu ffinalizzati t-tibdiliet meħtieġa qabel il-vot tat-Tlieta f’Westminster.
Ir-Renju Unit mistenni jitlaq b’mod uffiċjali mill-Unjoni Ewropea fid-29 ta’ dan ix-xahar.
Arkivju diġitali ġdid se jirrakkontalek l-istorja ta’ wieħed mill-aktar teatri popolari f’Londra
L-arkivji tat-teatru Shakespeare’s Globe issa jinsabu online u huma disponibbli għad-dilettanti tas-settur teatrali Ingliż. Fost dawn id-dokumenti hemm rapporti uffiċjali dwar aktar minn mitejn produzzjoni li saret f’dan it-teatru.
L-arkivju diġitali ġdid tnieda fl-aħħar jiem fuq is-sit uffiċjali tat-teatru, u jinkludi kumpilazzjonijiet u noti dwar kostumi, programmi, u ritratti, biex ir-riċerkaturi tal-qasam ikollhom għażla kbira tal-istorja rikka ta’ dan it-teatru.
Il-proġett kien kollaborazzjoni bejn it-teatru stess u l-pubblikaturi akkademiċi fi ħdan Adam Matthew Digital, li jispeċċjalizza fil-qasam tat-tagħlim u r-riċerka.
Il-Pulizija Amerikana tingħata filmat li allegatament juri lil R. Kelly jabbuża sesswalment lil numru ta’ tfajliet
Amerikan qed jallega li sab filmat juri lill-kantant R.Kelly jabbuża sesswalment minn tfajliet ta’ karnaġġjon skur. Gary Dennis, ir-raġel, qal lill-midja Amerikana li l-filmat issa qiegħed għand l-awtoritajiet involuti wara li nstab f’daru.
Il-kantant R.Kelly affaċċja madwar għaxar akkużi ta’ abbuż sesswali ma’ erba’ vittmi, tlieta minnhom ikunu minuri. Jekk jinstab ħati, huwa kapaċi jintbagħat sa seba’ snin ħabs għal kull akkuża. S’issa, il-kantant qed jiċħad l-akkużi kollha miġjuba kontrih, inkluż li hu deher fil-filmat li nstab f’dar Gary Dennis.
Boeing taffaċċja kritika qawwija wara t-traġedja li ħalliet 157 persuna mejta
Il-fornitur Amerikan tal-ajruplani, Boeing, qed jaffaċċja kritika qawwija wara li ajruplan tal-għamla tiegħu iġġarraf u qatel kull wieħed mill-157 passiġġier abbord.
It-traġedja tal-linja tal-ajru Etjopjana hija t-tieni waħda fi żmien ħames xhur li tinvolvi ajruplan tal-għamla Boeing 737. Dan filwaqt li esperti fil-qasam qed janalizzaw ukoll x’rabtiet jista’ jkun hemm bejn dawn il-każijiet u l-każ tal-linja tal-ajru Lion li ajruplan minn tagħha ġġarraf fl-Indoneżja f’Ottubru li għadda.
Ftit tal-ħin wara li wasslet l-aħbar tat-tiġrif ta’ dan l-ajruplan, il-linji tal-ajru taċ-Ċina u tal-Etjopja waqqfu l-operat ta’ ajruplani tal-istess għamla. Dan minkejja li l-esperti għadhom jisħqu li għadu kmieni wisq biex tkun magħrufa l-kawża ta’ din it-traġedja.
Jiġġarraf ajruplan fl-Etjopja b’149 passiġġier abbord
Ajruplan iġġarraf fl-Etjopja b’149 passiġġier abbord flimkien ma’ tmien membri tal-ekwipaġġ.
Aqra aktar
‘Qed jipprova jqajjem argumenti antiki’
Stephen Barclay, il-Ministru Ingliż għal Brexit, akkuża lin-negozjatur ewlieni għal Brexit Michel Barnier li qed jipprova jqajjem argumenti antiki fl-aħħar diskussjonijiet bejn l-Unjoni Ewropea u r-Renju Unit.
Kane Tanaka tirċievi l-Guinness World Record
Il-Ġappuniża Kane Tanaka, ta’ 116 sena rċeviet il-Guinness World Record minħabba li hi l-iktar persuna li għexet fid-dinja s’issa.
Meta ġiet mistoqsija liema parti minn ħajjitha l-aktar li għoġbitha hija qalet: “Bħalissa!”
Mogħża tinħatar bħala “sindku onorarju” f’Vermont
Meta r-residenti ta’ Fair Haven, f’Vermont l-Amerka, ġew biex jivvutaw għas-“sindku tal-lokalità”, għażlu mogħża bl-isem ta’ Lincoln biex tkun is-sindku onorarju.