Internazzjonali – Page 498 – One News

Notifiki

Dmugħ ta’ ferħ

Mument emozzjonanti hekk kif 21 tifla li nħatfu mill-grupp Islamiku, Boko Haram fil-belt Niġerjana, Chibok iltaqgħu u ingħaqdu lura mal-familjari tagħhom.

Waqt din iċ-ċerimonja, waħda mill-bniet qalet li rnexxilhom isalvaw għal erbgħin ġurnata sħaħ mingħajr ikel u ħarbu l-mewt minn tal-inqas darba.

Għalissa għadu mhuwiex ċar kif il-ħelsien kien innegozjat, iżda uffiċjal qal li għaddejjin t-taħdidiet biex aktar bniet ikunu meħlusa. Mill-mitejn, sitta u sebgħin studenta maħtufa f’April tal-elfejn u erbatax, mija sebgħa u disgħin għadhom irrapurtati nieqsa.

Dan hu l-mument meta dawn it-tfajliet ltaqgħu mal-Viċi President Yemi Osinbajo.

Aqra aktar

Id-dieqa kbira ta’ Cindy Pellegrini

Franza llum fakkret is-86 persuna li mietu f’attakk meta trakk baqa’ dieħel fuq dawk miġbura f’Nice waqt iċ-ċelebrazzjonijiet ta’ Jum Bastilja.

L-attakk terroristiku seħħ nhar l-14 ta’ Ġunju u llum, fil-preżenza ta’ membri tal-familja u ħbieb, saret ċerimonja fuq għolja li tħares lejn Promenade des Anglais, fejn seħħ il-massakru.

Aqra aktar

Dettalji ġodda dwar il-każ tat-tarbija li tpoġġiet għall-bejgħ fuq ebay

Il-Pulizija Ġermaniża fil-belt ta’ Duisburg qed tinvestiga l-każ ta’ tarbija ta’ 40 jum li tpoġġiet fuq is-sit elettroniku eBay għall-bejgħ, għall-prezz ta’ €5,000.

Skont Fox News, il-ġenituri ta’ din it-tarbija kienu deskritti biss bħala ‘refuġjati’ mill-Pulizija. Dawn ittieħdu għall-interrogazzjoni fuq suspett ta’ traffikar ta’ persuni.

Fl-appartament tagħhom sabu evidenza li r-ritratti tat-tifla tpoġġew fuq ebay minn dak l-appartament stess. Iżda ma kienux biss il-ġenituri li kellhom aċċess għal din il-konnessjoni, imma magħhom kien hemm membri oħra tal-familja.

Aqra aktar

Ftehm ‘monumentali’ bejn 150 pajjiż

Aktar minn 150 pajjiż qablu li jaqtgħu l-użu tal-gassijiet serra – li bihom qed tkompli tisħon it-temperatura tad-dinja.

Dan il-ftehim, deskritt bħala “monumentali”, huwa l-ewwel wieħed li qed jara daqstant pajjiżi jaqblu fuq din is-sitwazzjoni.

B’dan il-ftehim se jiġu eliminati dawk magħrufa bħala HFCs – li jintużaw l-aktar fi fridges, arja kkundizzjonata, u f’tipi ta’ sprays, u l-pajjiżi sinjuri jridu jagħmlu dan sal-2019.

Is-Segretarju tal-Istat Amerikan John Kerry iddeskriva l-ftehim bħala pass kbir ’il quddiem li jindirizza l-bżonnijiet tal-pajjiżi b’mod individwali.

Aqra aktar

BIL-FILMAT: Kelb il-baħar jidħol f’gaġġa li fiha kien hemm raġel

Ma tantx spiċċat tajjeb dik li kellha tkun avventura sabiħa għal raġel li kien f’gaġġa josserva klieb il-baħar. Kif jidher tajjeb f’dan il-filmat, kelb il-baħar tat-tip great white jidher jidħol fil-ġenb ta’ din il-ġaġġa li b’konsegwenza nkisret, fil-gżira ta’ Guadalupe, fil-Messiku. Jidher li kien xi alf tal-ħut li attira l-attenzjoni ta’ dan il-kelb il-baħar. Dan l-għaddas, jista’ jgħodda b’waħda hekk kif irnexxielu jsalva minn dik li setgħet kienet traġedja.
Aqra aktar

Ir-Russja tavża liċ-ċittadini jidentifikaw l-eqreb xelters

Rapporti fuq ġurnali internazzjonali qed jgħidu li xandira fuq it-televiżjoni Russa avżat lill- persuni ċivili biex jidentifikaw l-eqreb xelters. L-istess xandira staqsiet lit-telespettaturi b’mod ripetut jekk humiex lesti għal gwerra nukleari.

Dan huwa rrapportat li ntqal fuq l-istazzjon televiżiv tal-istat NTV. Il-preżentatur, Evgeny Kiselyov, deher irrabjat filwat li kkundanna l-aġir “mhux prudenti’ tal-Amerka u tkellem għal sagħtejn sħaħ dwar kunflitt li jsta’ jkollu dimensjoni ‘nukleari’.

Aqra aktar

Send this to a friend