Internazzjonali | One News - Part 496

Notifiki

Tfittxija mill-pulizija fit-Tajlandja

Il-pulizija fit-Tajlandja għaddejja bi tfittxija f’tempju influwenti biex ikun arrestat il-kap tal-patrijiet, li huwa mfittex fuq akkużi ta’ koruzzjoni.

Huwa qed ikun akkużat b’misapproprjazzjoni ta’ fondi mit-tempju Dhammakay u ħasil ta’ flus.

Għal xhur sħaħ, ir-raġel ta’ tnejn u sebgħin sena baqa fit-tempju, li jinsab fit-Tramuntana ta’ Bangkok. Huwa dejjem tenna li ma kienx f’saħħtu, bil-għan li ma jkollux għalfejn jidher quddiem l-uffiċjali.Aqra aktar

Jinstabu l-iġsma ta’ 34 immigrant

Fi stqarrija tal-gvern tan-Niger, intqal li l-iġsma ta’ 34 immigrant, għoxrin minnhom tfal, instabu fid-deżert tas-Sahara viċin il-fruntiera mal-Alġerija.

Huma nstabu fil-belt żgħira Assamakka.

Il-Ministru tal-Intern qal li jidher li huma mietu bl-għatx wara li kienu abbandunati minn traffikant. Qal li disgħa mill-adulti kienu nisa u ħamsa kienu rġiel.

Aqra aktar

Jinstab il-ġisem tat-tifel li nħataf minn kukkudrill

Il-pulizija li kienet qed tfittex tifel li nħataf minn kukkudrill f’Walt Disney World fi Florida sabu l-ġisem tiegħu.

Għaddasa sabu l-ġisem sħiħ li aktarx huwa tat-tifel, li tkaxkar għal ġol-ilma t-Tlieta filgħaxija quddiem familtu.

Il-kap tal-pulizija ta’ Orange County Jerry Demings qal li t-tifel kien jismu Lane Graves u kien min-Nebraska.

Aqra aktar

EgyptAir : Jinstabu l-fdalijiet

Skont investiagturi Eġizzjani, instabu fdalijiet mit-titjira tal-EgyptAir li sparixxiet fuq il-Mediterran ix-xahar li għadda.

Fi stqarrija intqal li kienu identifikati numru ta’ siti fejn hemm il-fdalijiet u li bastiment li jfittex fil-fond tal-baħar bagħat l-ewwel ritratti tal-fdalijiet.

Fuq it-titjira MS804 kien hemm sitta u sittin persuna meta ġġarfet fid-dsatax ta’ Mejju fi triqitha lejn il-Kajr minn Pariġi.

Aqra aktar

EURO 2016: Iżjed ġlied bejn il-partitarji

Minn tal-inqas sitta u tletin persuna ġew arrestati f’Lille wara ġurnata ta’ ġlied kontinwu bejn il-pulizija Franċiża u l-partitarji tal-football li qed jattendu għall-Euro elfejn u sittax.

Il-pulizija Franċiża qalet li l-arresti saru matul il-jum tal-Erbgħa u li sittax-il persuna ddaħlu l-isptar għal kura.

L-Erbgħa filgħaxija, pulizija ta’ kontra l-irvelli affrontaw mijiet ta’ partitarji Ingliżi hekk kif ġew sparati flares u baraxxijiet.

Aqra aktar

L- Iżvizzeri jirtiraw l-applikazzjoni ta’ sħubija mal-Unjoni Ewropea

L-Isvizzera irtirat l-applikazzjoni tagħha biex tissieħeb membru fl-Unjoni Ewropea, gimgħa biss qabel ir-Renju Unit jivota fir-referendum dwar is-sħubija tagħhom.

Dan il-vot ittieħed mill-Gvern Svizzeru wara li l-Ministru għall-affarijiet barranin Didier Burkhalter qal li l-applikazzjoni ta’ sħubija tista tiġi meqjusa bħala irtirata.

Burkhalter spjega li l-mozzjoni mhux meħtieġa, dan għaliex l-Isvizzera ma għandha l-ebda skop li tissieħeb mal-Unjoni Ewropea u għandha tiġi ikunsidrata bħala stat indipendenti.

Aqra aktar

Jarrestaw 18-il iljun!

Uffiċjali fl-Indja ‘arrestaw’ 18- il iljun biex ikunu jistgħu jinvestigaw liema iljun huwa responsabbli li qatel u kiel tlett persuni.

Huma jispjegaw kif l-iljun li jinstab ‘ħati’ ser jinżamm għomru kollhu fiz-zoo filwaqt li l-kumplament ser jinħelsu lura fis-santwarju.

Matul dawn l-aħħar xahrejn l-iljuni kienu qed jinżammu f’ gaġeġ separati sakemm jidentifikaw l-iljun ‘il-ħati’.

L-uffiċjal tal-foresta Ja Khan qal li għandhom indikazzjoni liema iljun qatel u kiel tlett persuni filwaqt li l-esperti qalu kif il-popolazzjoni tal-iljuni fil-foresta jaf tkun il-kawża wara din l-imġieba.

‘BeLEAVE’

‘BeLEAVE’ – Dan kien it-titlu tal-gazzetta ‘THE SUN’ fil-paġna prinċipali.

It-titlu juri li l-gazzetta fl-aħħar ftit jiem qabel ir-referendum ta’ jekk ir-Renju Unit jibqax jew joħroġx mill-Unjoni Ewropea ser tkun qed tappoġġa l-ħruġ tar- Renju Unit mill-Unjoni Ewropea.

Din mhiex l-ewwel darba li ‘THE SUN’ kkampanjat kontra l-Unjoni Ewropea, hekk kif fl-1990 kienet ħaditha kontra Jacques Delors.

Aqra aktar

Send this to a friend