Internazzjonali – Page 489 – One News

Notifiki

Il-Prim Ministru Ungeriż ikollu jaċċetta s-sistemazzjoni mill-ġdid ta’ immigranti fil-pajjiż

  • Kien jonqsu  biss żewġ voti

Il-Parlament Ungeriż ċaħad il-pjan tal-Prim Ministru Viktor Orban li jipprojbixxi s-sistemazzjoni mill-ġdid tal-immigranti fil-pajjiż. Din hija meqjusa bħala daqqa ta’ ħarta għall-mexxej, li tista’ ddgħajfu wkoll fil-ġlieda kontra l-migrazzjoni tal-Unjoni Ewropea.

L-emenda kostituzzjonali proposta rebħet 131 vot f’Parlament b’199 siġġu, ftit biss bogħod minn maġġoranza ta’ żewġ terzi meħtieġa, ċioe 133 vot.

Aqra aktar

Il-Prinċep Harry jirrakkonta dak li qed ikollha tgħaddi minnu l-għarusa….

Il-Prinċep Harry ikkonferma li l-attriċi Amerikana Meghan Markle hija l-għarusa tiegħu, filwaqt li fi stqarrija mill-Palazz Kensington kellu kliem iebes lill-mezzi tax-xandir għax ibbumbardjawha b’ “mewġ ta ‘abbuż u fastidju”.

Qal li l-koppja ilhom “ftit xhur fir-relazzjoni” u li ma jemminx li Markle għandha tkun soġġetta għal dan it-tip ta’ bumbardament. Qal ukoll li rarament jieħu azzjoni formali fuq stejjer fittizji, iżda dan l-aħħar innota li ż-żejjed kollu żejjed.

Fl-aħħar jiem bosta gazzetti ħarġu stejjer fil-faċċati dwar l-attriċi ta’ 35 sena, magħrufa bħala Rachel Zane fid-drama Suits.

Il-prinċep ikkundanna l-kummenti ta’ xeħta razzjali, is-sessiżmu dirett u t-“tixħim sostanzjali” lill-eks għarus tagħha. Ibbumbardjaw ukoll lil kważi kull ħabib, kollega u persuna li b’xi mod għandu x’jaqsam ma’ Markle. Kien hemm saħansittra battalji legali li seħħew billejl biex iżommu stejjer malafamanti milli joħorġu fil-gazzetti. Omm Markle spiċċat ikollha tiġġieled mal-fotografi biex tersaq lejn il-bieb ta’ darha u kemm-il darba kellha tissejjaħ il-pulizja.

 

Marks & Spencer se jagħlqu madwar 60 ħanut fil-ħames snin li ġejjin

Il-kumpanija Marks & Spencer ħabbret li se tagħlaq madwar 60 ħanut matul il-ħames snin li ġejjin, fi sforz biex in-negozju jirpilja.

Il-kap Steve Rowe, li beda l-karriera tiegħu bħala ħaddiem ta’ nhar ta’ Sibt f’maħżen tal-istess ditta fis-snin tmenin, kien diġa’ wissa li kien se jkollhom jittieħdu deċiżjonijiet iebsa.

Il-bidliet ifissru li 30 ħanut se jagħlaq kompletament fir-Renju Unit u 45 ħanut ieħor se jiċkien jew jinbidel fl-istruttura tiegħu. Fost oħrajn il-kumpanija qed tipprova tagħmel qliegħ mid-ditta tal-ikel “Simply”.

Aqra aktar

In-nannu ntefa’ jimmudella

Dan in-nannu ta’ tmenin sena kisser kull idea fissa ta’ immudellar u tfaċċa’ fuq il-catwalk, b’mod li ħalla lil kulħadd imbellaħ.

Wang Deshun ta’ 80 sena huwa artist u attur li riċentement u kontra kull norma, qed jikseb fama kbira bħala mudell fiċ-Ċina. Huwa ipparteċipa fiċ-China Fashion Week u qed ikun imlaqqam “China’s hottest grandpa”, kemm minħabba l-kariżma li għandu u kemm minħabba li huwa fiżikament tajjeb.

“Kollox għandu x’jaqsam mal-istat mentali. L-età ma tidħolx fiha” stqarr Deshun, li għadu jaħdem tliet sigħat kuljum.

Aqra aktar

Awstraljana tinħataf f’Kabul

Mara Awstraljana inħatfet minn erba rġiel armati fl-Afganistan, wara li qattgħat lejl barra ma’ sħabha. Il-mara, li taħdem ma’ aġenzija li toffri l-għajnuna fl-Afganistan, sabet ruħha mdawwar bl-irġiel li jingħad li kellhom snieter AK-47. Dawn ġiegħluha tidħol f’karozza u saqu ‘l bogħod biha. Għalkemm hija Awstrljana, il-mara għandha nazzjonalità doppja u hija wkoll Afgana.

Ġurnalist li jgħix ftit bogħod minn fejn inħatfet il-mara qal li qed ikun hemm bosta rapporti ta’ persuni barranin li jinħatfu, b’min jaħtafhom jitlob il-flus.

L-Ambaxxata Awstraljana f’Kabul qed taħdem kemm tiflaħ biex tikseb informazzjoni dwar il-mara, filwaqt li kompliet twissi biex Awstraljani ma jersqux lejn Kabul minħabba l-biża’ ta’ ħtif.

Din is-sena inħatfu żewġ Awstraljani oħra.

Farage iwissi: jew Brexit, jew jaf ikun hemm vjolenza fit-toroq

Nigel Farage wissa li jista’ jkun hemm vjolenza fit-toroq Ingliżi jekk Brexit ma jseħħx.

Huwa kien qed jiddibatti ma’ Gina Miller fuq il-mezzi tax-xandir Ingliżi. Miller, li qed tmexxi l-battalja legali kontra Brexit, insistiet li l-mexxej tal-Ukip messu jkun l-ikbar ‘fan’ tagħha għax il-każ li ressqet quddiem il-Qorti Suprema wassal biex il-poter reġa mar lura għand il-Parlament.

Iżda Faraga weġibha billi qal li jaf ikun hemm min jinżel fit-toroq f’rabja jekk ma jkunux implimentati x-xewqat ta’ dak li l-poplu ivvota għalih. “Liema parti mill-kelma ‘itlaq’ ma tifhimx?” saqsiha, meta fl-isfond hemm il-possibiltà legali li l-pjan li tixtieq twettaq Theresa May ikun imxekkel.

 

Il-Prim Ministru fl-Istati Uniti 

Il-Prim Ministru Joseph Muscat qed imexxi delegazzjoni fl-Istati Uniti fejn se jkollu diskussjonijiet ma’ diversi kumpaniji u decisionmakers f’ setturi importanti.

Iż-żjara se tiffoka fuq il-qasam tas-servizzi bankarji u finanzjarji.

Id-delegazzjoni tinkludi lill-Ministru għall-Finanzi Edward Scicluna, iċ-Chairman tal-MFSA Joseph Bannister, u d-Deputat Gvernatur tal-Bank Ċentrali Sandro Demarco.

 

Donald Trump jitniżżel minn fuq il-palk f’ħakka t’għajn mis-servizzi sigrieti

Il-kandidat għall-elezzjoni presidenzjali Donald Trump tniżżel minn fuq il-palk f’mossa ħesrem mis-servizzi sigrieti waqt rally f’Nevada.

Dan seħħ wara li xi ħadd għajjat il-kelma “gun” waqt ġlieda li qamet meta xi ħadd tella’ tabbella bil-kliem “Repubblikani kontra Trump”.

Wara ftit Trump reġa’ tela’ fuq il-palk, ikompli jagħmel l-aħħar argumenti mal-elettorat Amerikan li fi ftit sigħat oħra jiddeċiedi bejnu u bejn Hillary Clinton.

Aqra aktar

Send this to a friend