Internazzjonali | One News - Part 489

Notifiki

MAQBUDA RASHOM ‘L ISFEL – jiġġarraf rollercoaster

Ħdax-il persuna, fosthom disat’itfal, ndarbu wara li rollercoaster iġġarraf f’park tad-divertiment f’Motherwell, l-Iskozja.

Persuni li kienu fuq il-post qalu li n-nies spiċċaw imwaħħla rashom ‘l isfel.

Hu mifhum li bejn tmienja u għaxar persuni kienu fuq ir-rollercoaster imsejjaħ ‘Tsunami’ meta din spiċċat ‘l barra mill-binarji u niżlet fuq ride oħra tat-tfal.

Din mhix l-ewwel darba li seħħ inċident serju fil-park li jġib l-isem M&D. Disa’ persuni kellhom ikunu salvati mill-istess rollercoaster wara li ġarrab ħsarat mekkaniċi f’Lulju tal-2011. F’Marzi li għadda, tmien persuni kellhom jingħataw l-għajnuna wara li rollercoaster ieħor bl-isem ‘Tornado’ weħel mal-20 pied ‘l fuq mill-art.

Aqra aktar

Gwerra bejn Corbyn u Benn!

Il-Mexxej tal-Lburisti Ingliż Jeremy Corbyn keċċa lil Hilary Benn minn shadow minister għall-affarijiet barranin.

Skont The Observer, wara sitt xhur tensjoni bejniethom, Corbyn neħħa lil Hilary Benn fis-sigħat bikrija ta’ dalgħodu wara telefonata animata bejniethom.

Aqra aktar

Votanti Spanjoli jipprovaw iwaqqfu imblokk

Fi Spanja mistennija terġa’ tinfetaħ il-votazzjoni wara li erba’ partiti politiċi ewlenin fallew milli jkissru l-imblokk politiku mill-elezzjoni ġenerali inkonklusiva ta’ Diċembru li għadda.

L-istħarriġ ta’ opinjoni ssuġġerew li l-elezzjoni tal-Ħadd xorta tista’ ma tegħlibx l-istaġnar eżistenti. L-istħarriġ qed juri li l-partit xellugi, Unidos Podemos qiegħed fuq quddiem, bis-soċjalisti fit-tieni post.

Aqra aktar

Juncker donnu mgħaġġel!

Il-President tal-Kummissjoni Ewropea Jean-Claude Juncker qal li m’hemm ebda raġuni għaliex wieħed jistenna sa’ Ottubru, meta jinstab Prim Minsitru Ingliż ieħor minflok David Cameron, biex jibdew in-negozjati għall-ħruġ tar-Renju Unit mill-Unjoni Ewropea.

Aqra aktar

Il-Papa jidħol bejn basla u qoxritha

Il-Papa Franġisku spiċċa daħal bejn basla u qoxritha. Dan hekk kif f’messaġġ li għadda spiċċa uża l-kelma ġenoċidju, b’referenza għal qtil massiċċ li wettqu t-Torok fuq Armeni matul l-ewwel gwerra dinjija.

Il-Papa bħalissa jinsab fil-kapitali Armena, Yerevan u huwa fakkar il-madwar miljun u nofs Armen Kristjan li nqatlu mill-Imperu Ottoman.

Aqra aktar

Sanders se jappoġġja lil Clinton

Bernie Sanders saħaq li se jkun qed jappoġġja lil Hilary Clinton fl-elezzjoni Presidenzjali li jmiss.

Sanders li tah battikata mhux ħażin lil Clinton fl-elezzjonijiet primarji, qal li huwa se jkun qed jivvota lil Hilary Clinton biex tikseb l-ogħla kariga fil-White House.

Aqra aktar

Send this to a friend