Internazzjonali – Page 486 – One News

Notifiki

Aħbar tajba għal min iħobb Snapchat

Min iħobb juża Snapchat, se jieħu gost jaqra l-aħbar li dawn ħarġu bl-ewwel gadget tagħhom – nuċċali tax-xemx b’camera fih, bl-isem ta’ Spectacles. Il-prodott se jkun fis-suq Amerikan aktar tard din is-sena, u se jkun jiswa $130 (madwar €115).

Dan in-nuċċali kapaċi jiġbed tletin sekonda filmat wara l-ieħor, biex meta tkun tixtieq iżżomm memorja, tkun tista’ terġa’ tgħixha f’aktar dettall. Dejjem tista’ iżżomm il-mobile u tieħu filmati bih, iżda li tilbes nuċċali tippermettilek tara kollox mill-ġdid daqs li kieku minn għajnejk stess.

Isem Snapchat se jinbidel ukoll, biex jirrifletti firxa aktar wiesa ta’ servizzi li se joffru – u jsir Snap Inc.

Aqra aktar

L-ewwel arrestat għax offenda lill-Alla, imbagħad maqtul

Kittieb u l-moħħ wara stampi satiriċi mill-Ġordan inqatel wara li kien mixli li offenda l-Iżlam. Dan għaliex xerred cartoon ta’ natura satirika fuq il-paġna tiegħu ta’ Facebook.

Nahid Hattar, li huwa Kristjan, inqatel bi tliet tiri barra l-belt kapitali Amman, fejn kien qiegħed jinstema’  l-każ tiegħu.

Il-qattiel ta’ Hattar, li sparalu barra l-binja tal-Qorti, kien arrestat u l-Pulizija qed tinvestiga. Huwa kien arrestat f’Awwissu li għadda u nżamm għal ħmistax-il ġurnata, akkużat li insulta lill-Alla.

Il-cartoon juri raġel bid-daqna, suppost Ġiħadista, ipejjep fis-sodda ma’ żewġ nisa, jitlob lill-Alla iġiblu xi ħaġa x’jixrob.

Aqra aktar

Qaddisa tiftaħ għajnejha – min jemmen u min le

Filmat partikolari qed jarawh l-eluf madwar id-dinja. Fih jidher il-ġisem bla ħajja ta’ ċertu Santa Inocencia, li mietet b’daqqiet ta’ sikkina minn missierha 300 sena ilu. Ġisimha jinsab konservat fil-Katidral ta’ Guadalajara fil-Messiku.

Meta turist kien qed jiġbed dan il-filmat, jidhru jinfetħu għajnejn il-qaddisa.

Hemm min jemmen li dan kien avveniment paranormali, u hemm min le. Int x’taħseb?

Aqra aktar

‘Le’ għal high-five ma’ Justin Trudeau!

Id-Duka u d-Dukessa ta’ Cambridge jinsabu l-Kanada flimkien ma’ wliedhom, ħames snin wara li żaru dan il-pajjiż bħala miżżewġin friski.

Il-koppja, flimkien mal-Prinċep George ta’ tliet snin u l-Prinċipessa Charlotte t’ 16-il xahar, kienu milqugħa mill-Prim Ministru Kanadiż Justin Trudeau u martu Sophie Gregoire, meta niżlu fil-belt Victoria.

Id-duka William qal li b’din iż-żjara, wliedu bdew ħbiberja mal-Kanada li se ddum ħajjithom kollha. Din hija l-ewwel żjara uffiċjali tal-Prinċipessa Charlotte. Prince George ma kienx daqhsekk konvint, għaliex meta Trudeau mar jagħmel ‘high five’ miegħu, ma riedx jikollabora. Kif, wara kollox, huwa normali il jagħmlu t-tfal meta jiltaqgħu ma’ xi ħadd ġdid.

Aqra aktar

Send this to a friend