Internazzjonali – Page 483 – One News

Notifiki

Il-Papa Franġisku jaħtar sbatax-il Kardinal ġdid

Il-Papa Franġisku ħatar sbatax-il kardinal ġdid minn madwar id-dinja fi ħdan il-Knisja Kattolika. Dawn ġejjin mill-ħames kontinenti, u fosthom hemm ukoll il-mibgħut tal-Vatikan għas-Sirja.

B’hekk, il-Papa għażel kważi terz tal-Kulleġġ tal-Kardinali li se jgħinuh jagħżel is-suċċessur tiegħu meta jasal il-waqt. Kardinali li għandhom inqas minn tmenin sena jistgħu jivvutaw għal Papa li jmiss.
Aqra aktar

Il-Papa jżur eks-saċerdoti li llum huma miżżewġin

Il-Papa Franġisku għamel żjara lil saċerdoti li għażlu li jiefqu mill-vokazzjoni tagħhom biex ikollhom familja. Huwa ltaqa’ ma’ seba’ familja fl-appartamenti tagħhom.

L-uffiċju tal-komunikazzjoni tal-Vatikan spjega li l-għan wara din iż-żjara kien li jbiddel l-idea, li fi kliemu hi żbaljata, li għandhom familjari u ħbieb li din id-deċiżjoni kienet waħda ħażina.
Aqra aktar

L-Ewropa se ssabbat il-bieb f’wiċċ it-Turkija?

Nhar it-Tlieta li ġej membri Ewroparlamentari se jiddibattu jekk għandux ikun imwaqqaf immedjatament il-proċess ta’ tkabbir tal-Unjoni li jinkorpora ftehim mat-Turkija.

Membri fi ħdan il-Parlament se jkunu qed jivvotaw favur jew kontra riżoluzzjoni, b’ħafna jinsistu li kunċetti fundamentai bħas-saltna tad-dritt (rule of law), id-drittijiet umani, il-libertà tal-espressjoni, il-libertà fil-mezzi tax-xandir u n-nuqqas ta’ diskriminazzjoni mhumiex suġġetti li dwarhom wieħed għandu jinnegozja.

Sess ma’ nisa romol u tfal ta’ 12-il sena…x’se jsir minnu?

Il-Qorti tal-Malawi mistennija tiddeċiedi dwar il-każ ta’ raġel li spiċċa f’baħar ta’ inkwiet wara storja li xandar il-BBC.

Eric Aniva kien arrestat fuq ordni tal-President tal-Malawi f’Ġunju li għadda, wara li qal li jagħmel is-sess b’mod mhux protett ma’ tfal ta’ tnax-il sena, bħala parti minn proċess biex dawn it-tfal isiru nisa.

Huwa jkun imqabbad mill-ġenituri ta’ dawn it-tfal stess.

Però, Aniva żamm mistur il-fatt li għandu l-HIV. Ħafna komunitajiet qed jikkontestaw il-fatt li dan ir-raġel qed ikun arrestat, meta hemm ħafna oħra bħalu u meta din hija drawwa antika ħafna.

Aqra aktar

L-imħabba twassalhom biex imutu ftit sigħat minn xulxin

Għexu flimkien 74 sena, l-anqas il-mewt ma seta’ jżomm lil Leonard Cherry u l-mara tiegħu Hazel ‘il bogħod minn xulxin.

Iżżewġu fl-1942 f’Muldoon, Texas u kienu l-iskola flimkien. Il-ġimgħa l-oħra mietu t-tnejn ftit sigħat minn xulxin. L-uniku neputi tagħhom Craig Cherry, iddeskriva l-imħabba tagħhom bħala l-iktar eżempju b’saħħtu ta’ xi tfisser l-imħabba u li qatt ma ra koppja bħalhom.

Aqra aktar

Send this to a friend