Internazzjonali – Page 477 – One News

Notifiki

Jgħid li Trump ikun qed jagħmel “l-ikbar ġennata”

Id-direttur tas-CIA wissa lill-President elett Donald Trump li jekk itemm il-ftehim nukleari mal-Iran, ikun hemm riperkussjonijiet “diżastrużi” u tkun “l-ikbar ġennata”. F’intervista mal-BBC, John Brennan wissa wkoll lill-President il-ġdid ikun attent ħafna għall-wiegħdiet tar-Russi. Weħħel f’Moska bħala r-raġuni wara ħafna mit-tbatija li hemm bħalissa fis-Sirja.

Fil-kampanja tiegħu, Trump kien iddikjara l-itenzjoni tiegħu li jwaqqaf il-ftehim mal-Iran, u qal ukoll li se jaħdem aktar fil-qrib mar-Russja.

Brennan mhux se jkun aktar kap tas-CIA meta jispiċċalu t-terminu, wara li serva għal erba’ snin.

L-Olandiżi jgħidu “LE” għall-burqa fl-iskejjel, fl-isptarijiet u fuq mezzi ta’ trasport

Awtoritajiet Olandiżi għadhom kemm iddeċidew li m’hemmx aktar ilbies tal-burqa f’ċertu postijiet pubbliċi. Dan huwa l-velu milbus minn nisa Musulmani bħala parti mill-kultura tagħhom. Din se tapplika għal kull tip ta’ mezzi kif wieħed jgħatti l-wiċċ, inkluż maklu  tal-iski u helmets f’postijiet bħall-iskejjel, sptarijiet, u fuq il-mezzi ta’ trasport pubbliku.

Madanakollu l-burqa tista’ tintlibes fit-triq.

Il-Prim Ministru Mark Rutte qal li din id-deċiżjoni m’għandhiex x’taqsam mar-reliġjon, imma fix-xewqa li jkun hemm bilanċ bejn il-ħelsien u l-komunikazzjoni.

 

Tim tal-futbol kienu abbord ajruplan li ġġarraf

Ajruplan li kellu 81 passiġġier, li fosthom kien hemm it-tim Brażiljan tal-futbol Chapecoense, waqa’ wara li telaq minn Bolivia u kien fi triqtu lejn il-belt ta’ Medellin fil-Kolombja.

Id-dettalji dwar dan l-inċident għadhom mhux verifikati iżda rapporti qed jgħidu li hemm sitt passiġġiera li salvaw.
Aqra aktar

Send this to a friend