Internazzjonali – Page 475 – One News

Notifiki

Ftehm ‘monumentali’ bejn 150 pajjiż

Aktar minn 150 pajjiż qablu li jaqtgħu l-użu tal-gassijiet serra – li bihom qed tkompli tisħon it-temperatura tad-dinja.

Dan il-ftehim, deskritt bħala “monumentali”, huwa l-ewwel wieħed li qed jara daqstant pajjiżi jaqblu fuq din is-sitwazzjoni.

B’dan il-ftehim se jiġu eliminati dawk magħrufa bħala HFCs – li jintużaw l-aktar fi fridges, arja kkundizzjonata, u f’tipi ta’ sprays, u l-pajjiżi sinjuri jridu jagħmlu dan sal-2019.

Is-Segretarju tal-Istat Amerikan John Kerry iddeskriva l-ftehim bħala pass kbir ’il quddiem li jindirizza l-bżonnijiet tal-pajjiżi b’mod individwali.

Aqra aktar

BIL-FILMAT: Kelb il-baħar jidħol f’gaġġa li fiha kien hemm raġel

Ma tantx spiċċat tajjeb dik li kellha tkun avventura sabiħa għal raġel li kien f’gaġġa josserva klieb il-baħar. Kif jidher tajjeb f’dan il-filmat, kelb il-baħar tat-tip great white jidher jidħol fil-ġenb ta’ din il-ġaġġa li b’konsegwenza nkisret, fil-gżira ta’ Guadalupe, fil-Messiku. Jidher li kien xi alf tal-ħut li attira l-attenzjoni ta’ dan il-kelb il-baħar. Dan l-għaddas, jista’ jgħodda b’waħda hekk kif irnexxielu jsalva minn dik li setgħet kienet traġedja.
Aqra aktar

Ir-Russja tavża liċ-ċittadini jidentifikaw l-eqreb xelters

Rapporti fuq ġurnali internazzjonali qed jgħidu li xandira fuq it-televiżjoni Russa avżat lill- persuni ċivili biex jidentifikaw l-eqreb xelters. L-istess xandira staqsiet lit-telespettaturi b’mod ripetut jekk humiex lesti għal gwerra nukleari.

Dan huwa rrapportat li ntqal fuq l-istazzjon televiżiv tal-istat NTV. Il-preżentatur, Evgeny Kiselyov, deher irrabjat filwat li kkundanna l-aġir “mhux prudenti’ tal-Amerka u tkellem għal sagħtejn sħaħ dwar kunflitt li jsta’ jkollu dimensjoni ‘nukleari’.

Aqra aktar

Trid tkun taf kif iħossu l-kelb?

Jissejjaħ Inupathy collar u qiegħed jikseb dejjem aktar suċċess. Ħareġ madwar sena ilu fil-Ġappun, iżda jidher li qed jaqbad sew, b’invervisti fuq irkejjen kulturali ta’ siti tal-aħbarijiet kbar bħal m’huma l-BBC.

L-Inupathy coller kapaċi jagħraf x’tip ta’ burdata għandu annimal, u jbiddel kulur skont il-burdata. Kuluri hemm diversi – skont l-annimal hux eċitat, kuntent, jew ikkonċentrat.

Wieħed mill-imħuħ wara dan l-apparat, ċertu Joji Yamaguchi, stqarr li vvinta dan l-apparat għaliex xtaq ikun jaf aktar dwar l-emozzjonijiet tal-kelb tiegħu.

Aktarx ma ndumux ma naraw xi ħaġa simili hawn Malta wkoll.

Aqra aktar

Ħaddiema tal-Apple imkeċċija – kisbu ritratti ta’ nisa u tawhom marki mill-1 sat-10

Il-kumpanija Apple keċċiet numru ta’ impjegati fi Brisbane, l-Awstralja, wara allegazzjonijiet li xerrdu rirtatti ta’ klijenti nisa u kollegi, u tawhom punti mill-wieħed sal-għaxra.

Huwa allegat li għexieren ta’ ritratti ttieħdu mingħajr ma kienu jafu dwan in-nisa, filwaqt li ritratti oħra ttieħdu mill-mobiles tal-klijenti.

Apple ikkonfermaw li qed jinvestigaw u li ‘bosta persuni’ ntemmilhom l-impjieg, għalkemm m’hemm ebda evidenza li nsterqu r-ritratti. Jidher ukoll li fost r-ritratti miskuba hemm mitt wieħed close-up u intimi. Pero jidher ukoll li dawn ir-ritratti ttieħdu min-nisa b’mod volontarju u mhux mill-ħaddiema tal-Apple.

Aktar ma jċarċar, aktar aħjar

Festival tal-Musulmani Shia jista’ jħalli lil dak li jkun impressjonat.

Tfal miksija demm jibku jew inkella jipprovaw ikunu kuraġġużi, hekk kif il-ġenituri tagħhom jiftħulhom rashom jew partijiet minn ġisimhom, biex ikunu jistgħu jiċċappsu kemm jifilħu bid-demm tagħhom stess.

Dan bħala parti minn għaxart’ijiem ta’ luttu, li fihom dawk devoti jweġġgħu lilhom infushom bi skieken u ktajjen, l-iktar fir-ras, għax jemmnu li b’hekk jitnaddfu mid-dnub.

Dan huwa l-festival Ashura, fejn jiftakru fil-mewt tal-Imam Hussein, in-neputi tal-Profeta Mohammed.

Il-Festival sar ukoll f’diversi postijiet Ewropej fejn hemm komunitajiet Shia, inkluż il-Greċja. Ħafna tfal u adulti kellhom bżonn assistenza medika wara, speċjalment punti, biex dak li jkun ma jibqax jitlef demm.

Aqra aktar

Miet Dario Fo

L-attur u kittieb Taljan Dario Fo miet fl-età ta’ 90 sena.

Fo, famuż għas-satira poliktika, rebaħ il-Premju Nobel fil-litteratura fl-1997. Huwa kien ilu jsofri minn problemi fil-pulmun u kien ilu l-isptar 12-il jum.

Il-Prim Ministru Taljan Matteo Renzi esprima kondoljanzi u qal li l-Italja tilfet wieħed mill-ikbar protagonisti fit-teatru, l-kultura u l-ħajja ċivili.

Aqra aktar

Rapporti li Putin ordna tfal Russi li qed jistudjaw barra jmorru lura pajjiżhom immedjatament

Rapport fil-ġurnal Russu Znak jgħid li l-Gvern Russu qiegħed jitlob lill-uffiċjali u ħaddiema tal-Gvern jieħdu lill-uliedhom lura lejn ir-Russja b’mod immedjat, jekk dawn qed jistudjaw x’imkien barra mill-pajjiż.

Anke jekk dan ifisser li jwaqqfu l-programm edukattiv tagħhom ħesrem u ma jkomplux sal-aħħar tas-sena skolastika.

L-artiklu jżid jgħid li jekk il-ġenituri ta’ dan it-tfal jgħixu barra wkoll, għandhom imorru lura. Din ma tapplikax biss għat-tfal iżda għall-istaff amministrattiv, u uffiċjali ta’ kull livell fis-settur pubbliku. Skont Znac, kull min ma jobdix dawn l-istruzzjonijiet, ikun qiegħed ixekkel il-karriera tiegħu fis-settur.

Aqra aktar

Send this to a friend