Internazzjonali – Page 473 – One News

Notifiki

BIL-FILMAT: Fl-Italja l-ġenituri jittamaw li jerġgħu jaraw lil uliedhom

“Fejn hu t-tifel tiegħi?”

Fuq il-midja Taljana jispikka filmat ta’ omm li kif semgħat bl-aħbar telqet tiġri kemm tiflaħ fuq il-post bit-tama li ssib lil binha ħaj. Dan it-tifel f’dan il-lejl traġiku ma raqadx fid-dar tiegħu iżda qatta l-lejl mal-ġenituri ta’ ħabib tiegħu f’Amatrice. Jispikka x-xokk fuq wiċċ l-omm li ma kinitx taf jekk iċ-ċkejken tagħha kienx ħaj. B’fortuna – dan it-tifel u l-ħabib tiegħu nstabu ħajjin iżda l-ġenituri għadhom mitlufin qalb it-tifrik.

F’dan il-filmat jidher ukoll is-salvataġġ ta’ tifla ta’ 10 snin, li minkejja li kienet qalb it-tifrik, xorta waħda rnexxielha tgħix. Dawn l-istejjer jagħtu tama u jservu ta’ wens għal dawk il-familji li għadhom ma sabux lil qrabathom.

Aqra aktar

240 ikkonfermati mejta fl-Italja, fosthom ħafna tfal

Qishom xeni mill-infern ta’ Dante. Iktar minn 240 persuna mietu filwaqt li 368 persuna weġġgħu wara t-terremot fl-Italja. Eluf ta’ ħaddiema tas-salvataġġ komplew ifittxu matul il-lejl għal persuni li setgħu salvaw wara t-terremot li laqat lil Perugia nhar l-Erbgħa.

Ħafna aktarx għadhom taħt it-tifrik, hekk kif iktar minn 4,300 ħaddiem qed jużaw makkinarju kbir u anke idejhom biex jinstabu dawn in-nies.

Il-Ministru tas-Saħħa qal li ħafna mill-vittmi huma tfal, filwaqt li n-numru ta’ mwiet jista jikber.

It-terremot, li kejjel 6.2 fuq l-iskala Richter, seħħ fit-3:36am tal-Erbgħa. L-agħar postijiet milquta kienu bliet żgħar u villaġġi li jinsabu fiż-żona muntanjuża fejn ir-reġjuni Umbria, Lazio u Le Marche jiltaqgħu.

Aqra aktar

Imutu ċ-ċkejknin sijamiżi fis-Sirja

Iż-żewġ subien sijamiżi li twieldu x-xahar li għadda fil-qalba tal-kunflitt imdemmi fis-Sirja, mietu. Organizazzjoni filantropika qalet li l-ulied Nawras u Moaz kienu qed jistennew id-dokumenti meħtieġa ħalli jiġu msiefra barra mill-pajjiż biex jirċievu trattament mediku.

Jiżnu ftit iżjed minn ħames kilogrammi flimkien, iż-żewġ trabi twieldu ftit ‘l bogħod mill-kapitali Damasku u kienu magħqudin minn sidirhom. It-trabi flimkien mal-familthom tħallew jiġu evakwati minn Douma, post fejn kien għaddej il-ġlied iżda bis-sitwazzjoni tas-saħħa xejn tajba fil-pajjiż, ftit kien hemm futur għal ħajjet dawn iż-żewġ ċkejknin.

Aqra aktar

Send this to a friend