Internazzjonali – Page 395 – One News

Notifiki

Joffru li joqtluha biex ma tbatiex

“Irrid l-ommi,” din hija l-karba taċ-ċkejkna Hawra, li spiċċat f’nofs gwerra li lanqas biss għadha tifhem x’inhi. Tassumi biss li din hija r-realtà normali tal-ħajja, għax tul ħajjitha esperjenzat biss xita ta’ bombi. F’idejn in-nanna tagħha t-tifla ma setgħetx tiċċaqlaq lanqas biss felħet titkellem.

Aqra aktar

Iqatta’ sigħat twal isuq biex jagħti l-ilma lil annimali bil-għatx

Patrick Mwalau, bidwi ta’ 41 sena li bħalissa qiegħed voluntier fil-Park Nazzjonali fil-Kenja, isuq madwar 44 mil biex iwassal 3,000 litru f’ilma għal aktar minn tliet darbiet kuljum.

Patrick iddeċieda li ried jgħin wara li sar jaf bil-problema  serja ta’ nixfa li ħakmet il-Kenja, u kien ixxukkjat bl-effetti li din il-problema tħalli fuq l-annimali.

Aqra aktar

It-tifla li nħatfet minn suldat

Meta kellha biss ħames snin, Isabelina Pinto nħatfet mir-residenza tagħha minn suldat Indoneżjan. Hi kienet waħda fost l-eluf li nħatfu, waqt il-ħakma brutali li damet 30 sena f’East Timor. Diċenji wara, hi sabet lill-familja tagħha u qed taħdem biex tgħaqqad tfal oħra mal-familji tagħhom.

Waqt li bdiet tirrakkonta dak li ġara, Isabelina qalet li dak il-jum hu jum li qatt m’hi se tinsa fejn qalet li tiftakar sew meta s-suldat daħal u beda jgħajjat “jekk minix se nieħu lil din it-tifla, se noqtolkom kollha.” Hi spjegat kif dan is-suldat għamel hekk għax ma kellux tifla u xtaq ħafna li jkollu waħda.

Aqra aktar

Lejn Brexit: Ħafna liġijiet iridu jiġu emendati

Jum wara li l-Prim Ministru Ingliż Theresa May applikat artiklu ħamsin li skatta l-proċess tal-ħruġ tar-Renju Unit mill-Unjoni Ewropea, fil-House of Commons bdiet ħidma sabiex eluf ta’ liġijiet Ewropej jiġu emendati fi ħdan leġislazzjonijiet eżistenti li għandu l-pajjiż.

Dak imlaqqam bħala ‘The Great Repeal Bill’ jinkludi liġijiet sempliċi bħal liġijiet dwar drittijiet tal-ħaddiema, l-ambjent fost l-oħrajn.

Aqra aktar

Mawra sax-xogħol pjaċevoli – John Legend jagħti ‘kunċert’ spontanju

Il-kantant John Legend ta sorpriża lil għexieren ta’ eluf ta’ persuni li ta’ kuljum iżuru l-istazzjon St. Pancras f’Londra, stazzjon bieżel u ċentrali fil-Kapitali Ingliża.

Kollox beda bit-tweet ta’ hawn isfel:

U f’temp ta’ għoxrin minuta ingħaqdet folla kbia biswit il-pjanu fl-istazzjon biex gawdew kunċert spontanju ta’ tmien minuti- u b’xejn!

Grazzi għall-kantant, li bħalissa qed jippromwovi t-tour dinji, il-mawra sax-xogħol kienet waħda ferm iktar pjaċevoli!

Issa li kellhom tarbija x’aktarx se jiżżewġu

Għaddiet ġimgħa minn meta l-kantant Liam Payne, li ħa l-fama meta kien fil-grupp mużikali One Direction, u t-tfajla tiegħu Cheryl Cole, kantanta famuża li hi magħrufa ukoll bħala waħda mill-membri tal-ġurija waqt ix-xow X-Factor, ħabbru li għad kif kellhom l-ewwel iben flimkien. Issa qed jingħad li l-koppja famuża qed jippjanaw li jagħmlu tieġ żgħir.

Aqra aktar

13-il persuna mejta f’inċident f’Texas

Tlettax–il persuna tilfu ħajjithom u oħrajn indarbu, f’inċident tat-traffiku f’Texas li seħħ kawża t’impatt bejn minibus t’għaqda Reliġjuża u trakk pick-up.

Il-minibus kien qed iġorr erbatax –il anzjan u anzjana ta’ grupp Reliġjuż li kienu fi triqthom lura lejn id-dar minn irtir.

Aqra aktar

Jagħlqu l-iskejjel kollha fi Queensland

L-iskejjel kollha fi Queensland fl-Awstralja ngħalqu wara l-għarar li ġie kkawżat minħabba iċ-ċiklun Debbie.

Kmieni din il-ġimgħa ċ-ċiklun b’saħħtu li laħaq irwiefen ta’ 263 kilometru fis-siegha laqat lill-kosta ta’ Queensland fl-Awstralja fejn aktar minn 25,000 persuna kienu mħeġġa jevakwaw kawża taċ-ċiklun Debbie.

Aqra aktar

L-EBU lesta turi snienha mal-Ukrajna fil-Eurovision

Tkompli tikkumplika ruħha s-sitwazzjoni bejn l-Ukrajna u r-Russja fil-Eurovision li ġej. Wara li l-Ukrajna baqgħet tisħaq li mhux se tħalli l-kantanta Russa tirfes l-art Ukrena biex tipparteċipa fil-Eurovision ta’ Mejju li ġej, kien imiss lid-Direttur Ġenerali tal-EBU li thedded li tissospendi lill-Ukrajna mill-Eurovision.

Aqra aktar

Tinfirex il-ħosba fl-Ewropa – twissijiet

Il-ħosba qed tinfirex madwar l-Ewropa, kull fejn it-tilqim m’għandux preżenza daqshekk qawwijja.

Din hija t-twissija tal-Organizazzjoni Dinjija tas-Saħħa. Il-pajjiżi l-iktar milquta huma l-ġirien Taljani tagħna, u r-Rumanija. Fl-ewwel xahar ta’ din is-sena, fl-Italja kien hemm aktar minn mitejn każ. Fir-Rumanija kien hemm 3,400 każ u 17-il mewt minn Jannar 2016.

Il-ħosba hija marda li tittieħed immens. L-Organizazzjoni wissiet li minħabba l-mod kif nivjaġġaw bejn pajjiż u ieħor, ftit li xejn tista’ tevita li tilħaq il-konfini ta’ pajjiż partikolari. Hawn Malta tingħata l-injezzjoni ta’ tilqim b’xejn mill-istat, f’età bikrija.

Send this to a friend