Internazzjonali – Page 393 – One News

Xabbat leġġendarju jmut waqt li beda jipprepara biex jitla’ l-muntanja Everest

Ueli Steck, xabbat leġġendarju mill-Isvizzera tilef ħajtu waqt li beda jipprepara biex jitla mal-muntanja Everest.

Steck, li kien magħruf bħala “Swiss Machine”, miet f’aċċident waqt li kien qed jipprepara lilu nnifsu biex jidra l-klima diffiċli li jkun hemm fuq il-muntanja mingħajr ossiġnu, permezz ta’ rotta ġdida.

Ix-xabbat, li kellu biss 40 sena, rebaħ għadd ta’ premju u kien magħruf ferm għall-aġiltà tiegħu meta jiġi biex jitla’ fuq muntanja.

Aqra aktar

L-UE b’summit mingħajr l-Ingilterra biex tifformalizza l-istrateġija Brexit

 

Il-pajjiżi tal-Unjoni Ewropea se jkunu qed jiltaqgħu llum fi Brussell biex jiddiskutu strateġija konġunta għal negozjati mal-Ingilterra dwar Brexit.

27 pajjiż se jkun preżenti, iżda din id-darba l-Ingilterra mhux se tkun qed tieħu sehem.

L-Unjoni Ewropea se tkun qed tinsisti li se jkun hemm bżonn li jsir progress b’taħdidiet dwar is-‘separazzjoni’ tal-Ingilterra mal-Unjoni Ewropea, dan qabel ma jsiru aktar taħdidiet dwar kif se tkun ir-relazzjoni kummerċjali.

It-taħdidet uffiċjali mhux se jkunu qed jibdew bejn Londra u l-Unjoni Ewropea qabel ma ssir l-elezzjoni ġenerali tal-Ingilterra, dan ifisser żgur mhux qabel it-8 ta’ Ġunju.

Aqra aktar

Il-Pulizija Ingliża tispara tiri lejn mara

Il-Pulizija Ingliża sparat tiri lejn mara u erba’ persuni oħra ġew arrestati. Dan wara operazzjoni mill-Pulizija li taħdem kontra t-terroriżmu fit-tramuntana ta’ Londra. Residenti qalu mal-mezzi tax-xandir li semgħu tiri u raw uffiċjali armati fuq il-bjut tad-djar f’Willesden ilbieraħ filgħaxija. Hu mifhum li l-operazzjoni m’għandhiex x’taqsam mar-raġel li nqaba iġorr basket mimli skieken f’Westminster aktar kmieni lbieraħ ukoll.

Sitt aħwa subien itawlu xagħarhom għal tfal bil-kanċer

Phoebe Kannisto u s-sitt itfal tagħha, kollha subien, mill-Istati Uniti tawlu xagħarhom  biex meta jitwal ftit mhux ħażin ikunu jistgħu jaqtgħuh u jagħtuh lil tfal li huma morda bil-kanċer biex minnu jsiru l-parrokki.

Is-sitt aħwa huma Andrea, li għandu għaxar snin, tewmin ta’ tmien snin Silas u Emerson, triplets ta’ ħames snin Herbie, Reed u Dexter  u kif ukoll oħthom Marah Taylor ta’ sentejn.

Aqra aktar

Raġel midrub wara tiri sparati fi sptar f’Berlin

 

Pulizija armati sparaw fuq raġel wara li daħlu rapporti li kien hemm attakk fi sptar f’Berlin.

L-aggressur indarab wara li uffiċjali fetħu n-nar fuqu fiċ-ċentru mediku f’Kreuzberg.

Żoni kbar ġew evakwati, b’mod partikolari madwar iċ-ċentru mediku,

A large area has been cordoned off around the hospital as investigations get underway.

Aktar dettalji fil-ħin li ġej

Il-Pulizija tarresta raġel f’Westminster “b’baskett mimli skieken”

Il-Pulizija arrestat raġel f’Westminster wara li ngħad li kien qed iġorr “baskett mimli skieken”, dan wara li ftit tal-ġimgħat ilu seħħ it-terrur fl-istess post fejn mietu ħames persuni.

Pulizija armati marru mmedjatament fuq il-post fejn arrestaw persuna. Scotland Yard sostnew li ebda persuna ma sfat feruta.

Għadu mhux magħruf x’kienet ir-raġuni għalfejn din il-persuna kienet qed iġġorr dawn is-skieken.

Aqra aktar

Send this to a friend