Internazzjonali – Page 391 – One News

Notifiki

Wara 69 sena miżżewġin imutu id f’id

Koppja minn Illinois li kienu ilhom miżżewġin għal 69 sena mietu t-tnejn li huma f’temp ta’ siegħa, iżommu idejn xulxin.

Isaac Vatkin, ta’ 91 sena, kien qed iżomm id martu Teresa, li kellha 89 sena, fil-mument li tilfet il-battalja tagħha kontra l-Alzheimers.

Aqra aktar

Splużjoni kbira qrib l-ajuport ta’ Damasku

Is-Syrian Observatory for Human Rights irrappporta fl-aħħar ħin li splużjoni kbira ħakmet l-inħawi viċin l-ajruport internazzjonali ta’ Damasku, fis-Sirja. Tant kienet qawwijja li setgħet tinstema’ minn diversi nħawi tal-kapitali Sirjana. Wara l-isplużjoni kien hemm nirien kbar viċin l-ajruport iżda s’issa għad m’hemm ebda rapport ta’ nies mejta jew midruba. Għad ma hemm ebda konferma min hu responsabbli għal dan.

Imut il-kittieb li minn jaf kemm ħawwad studenti

Robert Pirsig, kittieb ta’ Zen and the Art of Motorcycle Maintenance, miet fl-età ta’ 88 sena.

Ħafna Maltin jafu bil-ktieb għax kien parti mill-kurrikulu għal studenti tas-Systems of Knowledge tas-sixth form. Kien ktieb filosofiku li ħafna kienu jgħidu li kien iħawwahom. 

Min kien jgħoġbu u min ma kienx jista’ għalih. Il-ktieb biegħ ħames miljun kopja madwar id-dinja. Imma qabel, kien irrifjutat minn 121 pubblikatur. Iddispjaċihom żgur, għax il-ktieb sar best seller u sab ruħu fil-Guinness Book of Records.

Tqaxxar xagħarha għal film ġdid

Wara li ddeċidiet li tiffoka aktar fuq il-karriera bħala attriċi u mhux bħala mudella, Cara Delevigne, issa ntlemħet mingħajr xagħar. Dan hekk kif issa qaxxret xagħarha għall-irwol ġdid tagħha fil-film Life in a Year, fejn l-irwol tagħha se jkun ta’ mara li qed tmut.

Aqra aktar

Elton John jikkanċella għadd ta’ kunċerti wara li kien bejn ħajja u mewt

Sir Elton John sofra minn infezzjoni li setgħet toqtlu waqt li kien qed jagħmel it-tour tiegħu, fejn minħabba f’hekk kellu jqatta’ żewġt iljieli l-isptar fis-sezzjoni tal-kura intensiva u kellu jikkanċella għadd ta’ kunċerti fl-Istati Uniti.

Il-kantant famuż mondjali spiċċa ma jiflaħx ħafna lejn l-aħħar tat-tour fl-Amerika ta’ Isfel il-ġimgħa li għaddiet, fejn minħabba f’hekk kellu jirritorna lura lejn ir-Renju Unit biex jirċievi l-kura neċessarja b’mod urġenti.

Aqra aktar

Send this to a friend