Internazzjonali | One News - Part 390

Notifiki

Tqum minn koma kif kienu se jitfu l-magna li kienet qed iżżommha ħajja

Marwa, tifla mill-Alġerija, kellha biss sena meta s-sistema tan-nervaturi tagħha sfat attakkata minn virus. It-tifla ta’ sena kienet diġà qed tiġġieled biex tgħix, u dan il-virus m’għamilx din is-sitwazzjoni waħda faċli.

Il-ġenituri tagħha kienu ferm inkwetati fejn ħaduwa l-isptar. It-tobba kif rawha ma kellhomx aħbar tajba hekk kif kellhom ipoġġuha f’koma biex forsi jsibu mod kif isalvawla ħajjitha.
Aqra aktar

Aġġornat: Eluf ta’ persuni għadhom maqbuda f’Aleppo

15:20: Inħarqu mir-ribelli żewġ xarabankijiet li kellhom jevakwaw l-persuni morda u midruba miż-żewġ villaġġi miżmuma mill-gvern fil-provinċja ta’ Idlib.

Il-konvoj kien qed jivvjaġġa lejn Foah u Kefraya ġie asseddjat minn ġellieda ribelli.

Il-forzi favur il-Gvern qed jitolbu li n-nies jitħallew jitilqu mill-villaġġi ta’ Shia biex b’hekk tkompli l-evakwazzjoni mil-Lvant ta’ Aleppo.

Aktar Qabel: Eluf ta’ persuni ċivili jinsabu maqbuda f’kundizzjonijiet kritiċi f’Aleppo, fis-Sirja. Dan hekk kif in-nuqqas ta’ qbil fuq il-pjan ta’ evakwazzjoni kkawżaw dewmien.

Rapporti qed jgħidu li għadd ta’ nies qed jorqdu fit-toroq f’temperaturi baxxi bi ftit ikel jew kważi xejn.

Id-dewmien qed jingħad li kien ikkawżat minħabba argument fuq iċ-ċaqliq tan-nies ċivili minn żewġ żoni kkontrollati mill-gvern f’Idlib.

“Fejn it-tfal waqfu jibku”

“Aleppo huwa post fejn it-tfal waqfu jibku.”

Hekk jirrakkonta ġurnalist ma’ Channel 4 li żar din il-belt Sirjana u nzerta familja ftit wara li ntlaqtet il-blokka ta’ appartamenti fejn kienet tgħix. Tarbija ta’ mhux aktar minn sentejn tidher fi stat qawwi ta’ xokk imma bilkemm tista’ tibki.

Tfajjel iżomm tarbija ta’ xahar mejta f’idu u jirrifjuta li jitlaqha.

Omm tgħajjat li qatlula lill-uliedha kollha.

Eluf jinsabu maqbuda f’kundizzjoniet ta’ disprament, filwaqt li jkompli d-diżgwid dwar pjan ta’ evakwazzjoni ta’ persuni ċivili.

Aqra aktar

Eluf jipprotestaw f’Warsaw

Eluf ta’ residenti minn Warsaw ħarġu fit-toroq f’protesta tal-massa spontanja quddiem il-Parlament ta’ Poland, kontra l-pjan imħejji mill-Partit Konservattiv biex jiġi limitat l-aċċess tal-ġurnalisti għal-leġiżlaturi.

Aqra aktar

Aleppo: Jintlaħaq ftehim ġdid… tkompli l-evakwazzjoni

Se tkompli l-evakwazzjoni t’għadd ta’ persuni maqbuda f’Aleppo s-Sirja u dan wara li ntlaħaq ftehim ġdid.

Aħbar li kienet żvelata mill-gvern u r-ribelli tul il-jum tas-Sibt. Eluf ta’ persuni qed jittamaw li jitilqu minn Aleppo mill-iktar fis possibli wara li fl-aħħar ġimgħat komplew l-avvanzi tal-forzi tal-gvern ta’ Assad.

Aqra aktar

“Fir-Russja xejn ma jsir mingħajr Putin” – Obama

Il-President Amerikan Barack Obama qal li kien ordna lill-President Russu Vladimir Putin biex iwaqqaf it-tattiċi li kien qed juża waqt l-elezzjoni tal-pajjiż. Dikjarazzjoni li tikkonkludi li Vladimir Putin kien jaf dwar sistemi ta’ hacking, filfatt Obama qal li fir-Russja xejn ma jsir mingħajr Putin.

Aqra aktar

Send this to a friend