Internazzjonali – Page 388 – One News

Notifiki

Traffic Lights differenti…

Għaxar traffic lights f’Melbourne, l-Awstralja nbidlu. Dan hekk kif il-figura ta’ raġel li normalment naraw fuq dawl aħmar u dawl aħdar meta wieħed juża t-traffic lights biex jaqsam, nbidlu fil-figura ta’ mara. Dan bħala parti minn inizjattiva favur l-ugwaljanza li ġiet introdotta din il-ġimgħa, ftit jiem qabel Jum il-mara.

Intqal li dawn is-simboli fis-soċjetà qed ikomplu jikkontribwixxu għall-inugwaljanzi fis-soċjetà u jsaħħu l-mentalità żbaljata li n-nisa huma inferjuri għall-irġiel.

Aqra aktar

BEJTA SĦIĦA ta’ nies jużaw ritratti ta’ porn stars imbagħad jirrikattaw…

Rapporti fuq mezzi tax-xandir Ingliżi qed jgħidu li fil-belt Marokkina Oued Zem, madwar 3,000 persuna taqla’ l-għixien tagħha permezz tas-sess u t-teknoloġija.

Grupp imdaqqas ħafna ta’ nisa jirnexxilhom jattiraw irġiel online, iġiegħluhom jagħmlu atti sesswali online, u wara jheddu li għandhom il-filmati. B’hekk ikunu jistgħu jitolbu l-flus biex dawn il-filmati ma jkunux ippubblikati. Il-mezzi tax-xandir Ingliżi qed isegwu l-istorja b’interess partikolari għax ħafna mill-vittmi huma rġiel Ingliżi. Dawn qed ikunu mhedda li filmati u ritratti se jispiċċaw għand ħbieb u membri tal-familja.

Aqra aktar

Il-Pulizija qed tfittex żagħżugħ li qatel tifel ta’ disa’ snin

Fil-Ġermanja għaddejja tfittxija għal żagħżugħ ta’ dsatax-il sena li allegatament qatel il-ġar tiegħu li kellu biss disa’ snin. Iż-żagħżugħ mhux biss ta daqqiet ta’ sikkina lit-tifel iżda poġġa filmat tal-mument li qatel iċ-ċkejken fuq dik li hija msejjħa bħala dark web, parti sigrieta fl-internet fejn jinbiegħu pistoli, drogi flimkien ma’ ritratti u filmati ta’ abbuż tat-tfal.

Aqra aktar

Il-midja soċjali “iġġiegħlek tħossok aktar waħdek”

Siti tal-midja soċjali bħal Twitter, Facebook u Pinterest qed jikkawżaw lill-persuni li jużawhom iħossuhom aktar waħedhom, dan skont psikoloġisti mill-Istati Uniti.

Rapport qed jissuġġerixxi li jekk persuna tagħmel użu mill-midja soċjali għal aktar minn sagħtejn kull jum, iċ-ċans li persuna t’esperjenza iżolazzjoni soċjali jirdoppja.

Aqra aktar

Il-kelb li għamel sejba ta’ €280,000

Cash, kelb tal-Pulizija, irnexxielu jxomm u jsib aktar minn €280,000 moħbija fuq ferrovija fil-Lussemburgu.

Dan tħabbar mill-Gvern tal-Lussemburgu fejn qalu li s-sejba saret minn kelb li jaħdem flimkien mal-iskwadra tal-Pulizija ta’ kontra d-droga waqt rejd li sar l-ġimgħa l-oħra.

Aqra aktar

“It-tniġġis tal-arja marbut mal-mewt ta’ 600,000 tifel u tifla”

Id-Direttur Ġenerali tal-Organizzazzjoni Dinjija tas-Saħħa, Dr. Margaret Chan, qalet li t-tniġġis tal-arja hu “fost l-ikbar theddidiet” li d-dinja qed taffaċċja llum il-ġurnata. Hi sostniet li l-problema tant hi serja li hi ferm ikbar mill-problema tal-HIV u tal-Ebola.

Chan sostniet li l-kwalità ħażina tal-arja qed tħalli impatt ħażin b’mod partikolari fuq it-tfal u ż-żgħażagħ.

Aqra aktar

Send this to a friend