Internazzjonali | One News - Part 384

Notifiki

AĠĠORNAT: Tinstab it-tifla ta’ ħames snin li sparixxiet f’Manchester

17:00 Rosey, it-tifla ta’ ħames snin li sparixxiet kmieni dagħlodu, instabet qawwija u sħiħa.

Hi nstabet siegħa u nofs wara li bdiet it-tfittxija fiċ-ċentru ta Bury.

Aktar Qabel: Bħalissa għaddejja tfittxija intensiva wara li tifla ta’ ħames snin sfat nieqsa f’kumpless tax-xiri f’Bury f’Manchester fl-Ingilterra.

Rosey Louise Thompson intlemħet l-aħħar fil-kumpless tax-xiri bl-isem ta’ Mill Gate Shopping Centre f’Bury illum għall-ħabta tal-11:00 ta’ dagħlodu.

Il-Pulizija ta’ Manchester qalu li Rosey, li għandha xagħar mil-lewn id-deheb u kienet liebda ġakketta roża, kienet viċin l-entratura meta sparixxiet.

ŻBALL OĦXON – 26 koppja bi sperma li ma riditx

Ċentru Olandiż li joffri t-trattament bl-IVF iddikjara li 26 mara jaf kienet fertilizzata bi sperma ta’ raġel ħażin – jiġifieri mhux ir-raġel li riedet hi.

L-Utrecht University Medical Centre qal li kien żball ta’ proċedura dak li seħħ bejn April 2015 u Novembru 2016. Nofs il-koppji li għamlu t-trattamnet huma tqal jew inkella diġà għandhom it-tfal. Dawn ingħataw l-aħbar stramba li waqt il-fertilizazzjoni, ċelloli mill-isperma ta’ koppja minnhom jaf spiċċaw maċ-ċelloli tal-bajd ta’ 26 koppji oħra.

Għalhekk hemm possibiltà li l-bajd kien fertilizzat minn sperma li mhix tal-missier mixtieq.

Terremot romantiku fid-dinja mużikali

Il-kantanti Jennifer Lopez ta’ 47 sena u Drake, ta’ 30 sena, donnhom iridu jikkonfermaw li qed joħorġu flimkien.

Kull min isegwi l-intriċċi fid-dinja tal-ispettaklu ikkonkluda dan wara li kien ippublikat ritratt fuq il-paġni uffiċjali tagħhom ta’ Instagram.

Dan kollu hu mifhum li jirrita bi kbir lill-kantanta Rihanna, eks maħbuba ta’ Drake. Diġa’ kien hemm min beda jinkwieta li ġej xi terremot, wara li Rihanna għamlet il-pass li kull min huwa iffissat fid-dinja tal-media soċjali jgħidlek li huwa simili daqs li kieku wettaqt xi reat fil-konfront ta’ dak li jkun: għamlitilha unfollow.

Aqra aktar

Imgħallem iħallas kruż lil 800 impjegat

Aktar minn 800 impjegat tal-kumpanija Bertch Cabinets f’Iowa għadhom kif ħadu sorpriża mhux tas-soltu, dan hekk kif l-imgħallem tagħhom ħallsilhom ġita lejn il-Karibew għax-xahar id-dieħel. Dan tħabbar mill-kumpanija fuq il-paġna tagħhom tas-sit soċjali Facebook.

Aqra aktar

ATT ATROĊI f’Berlin – sitt immigranti arrestati

Seba’ immigranti żagħżagħ ġew akkużati bl-attentat ta’ qtil ta’ persuna bla dar fil-Ġermanja. Is-sitt suspettati għandhom bejn ħmistax u tmintax-il sena u aktarx ipprovaw jagħtu n-nar lil dan ir-raġel fi stazzjon taħt l-art.

Hemm suspettat ieħor, li għandu 21 sena u li l-Pulizija temmen li huwa l-moħħ ewlieni wara l-attakk. Dan ġie arrestat qrib darbu. Sitta minn dawk miżumuma huma Sirjani u wieħed huwa Libjan. Kollha marru Berlin ifittxu l-ażil fl-2014 u l-2016.

Ir-raġel attakkat għandu 37 sena u kien rieqed fuq bank taħt munzell karti f’Schoenleinstrasse fin-nofsinhar ta’ Berlin, meta ngħata n-nar għall-ħabta tas-sagħtejn ta’ filgħodu dakinhar tal-Milied.

Kellu jkun sewwieq tal-ferrovija li uża fire extinguisher biex jitfi n-nirien, filwaqt li persuni li kienu l-istazzjoni provaw ikunu t’għajnuna wkoll.

 

Ħaj fit-trakk waqt l-attakk ta’ Berlin

Is-sewwieq Pollakk Lukasz Urban inqatel mill-akkużat li allegatament wettaq l-attakk terroristiku sigħat qabel ma daħal fil-folla tas-suq tal-Milied. Dan ġie irrapportat fil-midja Ġermaniża, fejn intqal li Urban sofra ukoll minn daqqiet ta’ sikkina fid-19 ta’ Diċembru.

Aqra aktar

BIL-FILMAT: Il-mument li Friedrich jirċievi l-aħbar li se jiġi adottat

Għal dan il-Milied irċivejna rigali differenti, forsi xi rigal li tant ilek tistenna jew xi żjara minn familjari jew ħabib bħala sorpriża. Xi kultant l-isbaħ rigal ma jkunx materjali iżda jkun wieħed emozzjonali u li jibdillek ħajtek mil-lejl għan-nhar. Iċ-ċkejken Friedrich, dan il-Milied irċieva l-isbaħ rigal li qatt seta’ jirċievi hekk kif din il-koppja adottatu. Tispikka l-emozzjoni u l-biki ta’ ferħ meta dan it-tifel irrealizza li l-ebda Santa Klaws ma’ seta’ jtih dan ir-rigal.

Aqra aktar

Ara ma tgħidx li ma tridx isservih it-tè…

Raġel li jmexxi ħanut tal-kafè fil-binja li tilqa’ lil ġurnal tal-oppożizzjoni Torka inżamm arrestat wara li qal li kieku jirrifjuta li jservi t-tè lill-President Recep Tayyip Erdogan.

Senol Buran, li jmexxi l-ħanut fil-binja tal-ġurnal Cumhuriyet, it-Turkija, inżamm akkużat li insulta lill-President. Iżda hu qed jinsisti li dak li qal ma kienx insult.

L-awtoritajiet Torok qed ikunu ħarxa kontra min imerihom, minn meta seħħ kolp ta’ stat f’Lulju li għadda. Il-ħaddiema tal-ġurnal kienu fost l-eluf arrestati, sospiżi jew imkeċċija mix-xogħol. Il-ġurnal huwa fost il-ftit li azzarda jippublika affarijiet kontra Erdogan.

Buran stqarr ċar mal-Pulizija: “kieku  ma nservix it-tè lill-Erdogan”.

Send this to a friend