Internazzjonali – Page 378 – One News

Notifiki

Isir l-ewwel avvanz fid-dijanjosi tat-tuberkulosi

Xjentisti Brittaniċi għamlu l-ewwel avvanz fid-dijanjosi tat-tuberkulosi.

Riċerkaturi f’Oxford u f’Birmingham qed jgħidu li jistgħu jiżolaw tipi differenti tal-mard permezz ta’ proċess imsejjaħ jew magħruf bħala sekwenzi tal-‘genes’

Dan ifisser li pazjenti li kellhom jistennew xhur biex jiksbu l-mediċini adattati, issa tista’ ssirilhom dijanjosi fi ftit jiem sabiex ikollhom ċans akbar ta’ rkupru.

Aqra aktar

Tifel bil-kundizzjoni tal-vitiligo isir aktar kunfidenti grazzi għal ħabib speċjali

Carter Blanchard hu tifel ta’ tmien snin minn Arkansas li għandu l-vitiligo, kundizzjoni fil-ġilda. Minħabba din il-kundizzjoni, Carter ma riedx jaċċetta dak li kien qed jiġrilu, dan sakemm iltaqa’ ma’ ħabib speċjali li għalkemm kien differenti ferm minnu kellhom ħaġa waħda komuni.

Dan il-ħabib speċjali hu Rowdy, kelb tar-razza Labrador li għandu 13-il sena, u li anke hu għandu l-istess kundizzjoni.

Stephanie Adcock, omm it-tifel, qalet “Wara li ngħata din l-aħbar kien vera mdejjaq u saħansitra kien jgħid li wiċċu ikrah, iżda kif sirt naf b’Rowdy, u li għandu l-istess kundizzjoni, it-tifel mal-ewwel ħa grazzja miegħu u kien eċitat dwar il-fatt li dan il-kelb sar famuż minħabba t-tbajja li kellu f’wiċċu.”

Aqra aktar

Aktar minn 200 immigrant maħsuba mejta

Aktar minn 200 immigrant huma maħsuba li tilfu ħajjithom wara li għerqu waqt li kienu abbord dgħajsa li għerqet ftit ‘il bogħod mill-kosta tal-Libja, dan skond organizzazzjoni Spanjola li tgħin lil persuni fil-bżonn.

Proactiva Open Arms qalet li s’issa sabu madwar ħames iġsma li kienu qrib dgħajsa meqluba, li kull waħda tesa’ mitt persuna.

Aqra aktar

Dettalji tal-qattiel; kellu 52, missier ta’ tlieta, kien għalliem tal-Ingliż u twieled l-Ingilterra

Huwa Khalid Masood isem il-ġiħadista li qatel tlieta u darab 29 oħra f’Westminster ilbieraħ.

Għandu 52 sena u twieled f’Kent. Qatt ma tressaq b’akkużi relatati ma’ terroriżmu, iżda l-Prim Ministru Theresa May qalet li kien fir-radar tal-MI5 numru ta’ snin. Ma kien hemm ebda sinjal li kien se jwettaq attakk terroristiku.

Madood kien missier ta’ tlieta, kien jgħallem l-Ingliż u kkonverta għall-Iżlam. Kien ukoll body builder.

Minkejja li wettaq numru ta’ reati, u nstab fil-pussess ta’ armi fil-passat, qatt ma kellu akkużi relatati mat-terrur. L-ewwel reat tiegħu wettqu f’Novembru 1983 u l-aħħar wieħed f’Diċembru 2003.

Ilbieraħ ta’ daqqiet ta’ sikkina lill-Pulizija Keith Palmer b’żewġt’iskieken, wara li qatel lill-omm ta’ żewġt’itfal Aysha Frade u turist Amerikan Kurt Cochran.

L-EBU trid ir-Russja fil-Eurovision akkost ta’ kollox

F’mossa li tista’ tiġi interpretata bħala waħda li tisfida d-deċiżjoni tal-awtoritajiet Ukreni, l-EBU qalet li lesta tingħaqad mar-Russja permezz tas-satellita u turi l-kanzunetta Russa fil-Eurovision li ġej.

Dan intqal wara li fl-aħħar sigħat l-awtoritajiet Ukreni ħabbru li l-kantanta Russa Julia Samoilova mhux se titħalla tirfes l-art Ukrena minħabba li tlett snin ilu kantat fil-Krimea.

L-EBU, l-organizazzjoni li tissorvelja l-proċess kollu tal-Eurovision qalet li offriet l-idea li l-istazzjon Russu jingħaqad permezz tas-satellita biex tixxandar il-kanzunetta tar-Russja waqt it-tieni semi-finali tal-Eurovision.

Aqra aktar

ISIS JGĦIDU LI KIENU HUMA

It-terroristi tal-hekk imsejjaħ Stat Iżlamiku għadhom kemm iddikjaraw li kienu huma l-imħuħ wara l-atakki f’Londra. Permezz ta’ stqarrija ppublikata mill-aġenzija ta’ propoganda tal-ISIS Amaq, qalu li “suldat tal-Istat Iżlamiku” wettaq l-atroċitajiet ħdejn il-Parlament. Intqal li r-raġel kien qed jobdi sejħa mill-grupp terroritsiku, biex iwettaq attakki fuq persuni ċivili u forzi tas-sigurtà f’pajjiżi lejali lejn il-koalizzjoni Amerikana li qed tissielet kontra l-ISIS fis-Sirja u l-Iraq.

Segwi hawn kif ġraw l-affarijiet.

Aqra aktar

Omm ta’ żewġt itfal li kienet se tiġbor lil uliedha kienet waħda mill-vittmi

Aysha Frade, Spanjola ta’ 43 sena kienet fi triqitha biex tiġbor liż-żewġt ibniet tagħha ta’ 8 u 11 ‘il sena meta spiċċat maqtula mis-suspettat terrorista iżlamiku bil-karozza.

Kienet waħda mill-erbgħa maqtula fl-attakk tal-bieraħ, u li ħalliet ħafna oħra midruba. Illum il-familja tagħha spjegaw kif jinsabu mkissra u mfarrka b’dak li ġara.

Qarib ta’ din l-omm, John Frade ta’ 43 sena spjega li hekk kif sema’ li l-mara ta’ kuġinuh kienet waħda mill-vittmi spiċċa inħasad immens u qatt ma stenna li xi ħaġa bħal din setgħet tiġri viċin daru.

Aqra aktar

Idawwar rasu bħat-tifla ta’ The Exorcist- tippruvawhiex!

Filmat tal-biża’ qed idur fuq l-internet li juri tifel li rnexxielu jdawwar rasu bħat-tifla fil-film popolari The Exorcist

Dan it-tifel jidher li ġie mistoqsi biex jagħmel din il-mossa u hu aċċetta bla ebda problema ta’ xejn. Beda billi jħares il-quddiem, qabad rasu u dawwara kompletament bil-kontra li b’hekk ġie jħares wara dahru.

Din ix-xena ġiet miġbuda mill-familja ta’ dan it-tifel li daħku kemmxejn bieh hekk kif beda jkellimhom b’rasu tħares wara dahru. Wara li ppoża għal ftit sekondi it-tifel poġġa rasu f’posta u mar jilgħab ma’ sħabu.

Il-filmat tpoġġa fuq l-internet b’kitba bl-Ispanjol imma mhux indikat fejn dan ġie meħud.

Aqra aktar

SEBA’ ARRESTATI wara l-attakk f’Londra

Seba’ persuni kienu arrestati wara l-attakki f’Westminster. Mijiet ta’ uffiċjali ħadmu tul il-lejl, iwettqu tfittxijiet f’sitt inidirizzi.

Dawk li mietu kienu mara li kellha madwar erbgħin sena, raġel  li kellu madwar ħamsin sena, il-Pulizija Keith Palmer u l-aggressur.

Seba’ minn dawk il-midruba għadhom f’kundizzjoni kritika u 29 kellhom u għad għandhom bżonn il-kura.

Intant il-Minsitru għall-Affarijiet Barranin Tobias Ellwood, li jidher fir-ritratt, qed jissejjaħ eroj, wara ritratti li ħarġu tiegħu jagħti l-ewwel għajnuna lill-Pulizija Keith Palmer, wieħed minn dawk li mietu waqt l-attakk f’Londra. PC Palmer kien attakkat b’daqqiet ta’ sikkina mill-aggressur, li spiċċa miet b’tiri sparati minn Pulizija oħra.

Ellwood, mill-kamp tal-konservattivi u eks uffiċjal fl-armata, tah l-ewwel għajnuna u saħansitra tah in-nifs.

Ħu Ellwood inzerta miet f’attakk terroristiku li kien seħħ f’Bali fl-2002. Kien biss wieħed minn ħafna li marru biex jgħinu lil dawk midurba u lil dawk li spiċċaw tilfu ħajjithom.

Tal-FKNK urtati għal Ewroparlamentari Olandiża

“L-Ewroparlamentari Olandiża Anja Hazekamp għanda tieqaf mill-farsa”

Hekk kitbu fi stqarrija l-kaċċaturi u nassaba konservazzjonisti. Sostnew li Hazenkamp għanda tieqaf mill-ħsieb li tagħmel petizzjoni li beħsieba tipprezenta lill-Prim Ministru biex tipprova twaqqaf it-tradizzjoni soċjo-kulturali tal-kaċċa fir-rebbiegħa.

Aqra aktar

Send this to a friend