Pilota li kellu titjira minn Calgary lejn il-Kanada ngħata sentenza ta’ tmien xhur ħabs wara li kien se jtajjar ajruplan fis-sakra. Miroslav Gronych ta’ 37 sena li mit-testijiet tal-alkoħol irriżulta li kien ikonsma alkoħol tliet darbiet aktar minn dak permess bil-liġi, wieġeb ħati għall-akkużi miġjuba kontrih li kellu fil-kontroll tiegħu ajruplan waqt li kien taħt l-influwenza tal-alkoħol.
Minn tal-inqas 58 persuna nqatlu u għexieren oħra sfaw midruba wara dak li huwa suspettat bħala attakk bl-użu tal-kimika fis-Sirja.
Omm u ż-żewġt itfal tagħha nstabu mgħerqa wara li l-karozza tagħhom spiċċat fi xmara fl-Awstralja. L-iġsma tagħhom kienu rikoverati mix-xmara f’New South Wales wara li għamlet xita torrenzjali li segwiet iċ-ċiklun Debbie.
Tifla ta’ tmien snin irnexxielha isalva minn dan l-inċident li fih kienu involuti ħutha u ommha. Kienet propju hi li marret tiġri tgħajjat għall-għajnuna.
Il-pulizija Awstraljana qalet li minn tal-inqas tliet persuni oħra mietu fl-għargħar fl-Awstralja. L-awtoritajiet għadhom ma ħargux dettalji dwar il-vittma, iżda midja lokali qalet li dawn jinkludu tifel ta’ seba snin u tifla ta’ ħdax-il sena.
Il-midja Russa qed tirrapporta li Akbarzhon Jalilov huwa s-suspettat ewlieni li wettaq l-attakk li seħħ ilbieraħ f’ferrovija f’San PietruBurgu, r-Russja. Akbarzhon għandu madwar 21 sena u huwa mill-Asja Ċentrali.
Raġel minn New Jersey, li għal snin twal kien jgħid li l-idolu tiegħu hu Adolf Hitler, biddel kunjomu għal Hitler sabiex jaqbel ma dak tad-dittatur Nazzist.
Isidore Heath Campbell, ta’ 43 sena, applika biex ibiddel kunjomu u Mħallef minn Hunterfon County approvat din it-talba. Il-bidla fil-kunjom se tkun qed tidħol f’effett fit-8 ta’ Mejju.
“Għandu l-isem ta’ eroj. Hitler,” qal dan Isidore.
Ħames persuni ġew akkużati b’attakk li sar fuq immigrant żagħżugħ f’Londra, attakk li ħallih isofri minn feruti ta’ natura gravi f’rasu.
Il-Pulizija qalet li qed tinvestiga grupp ta’ madwar għoxrin persuna li huwa mifhum li kienu involuti f’dan l-attakk fuq iż-żagħżugħ ta’ 17-il sena f’Croydon, Londra, liema każ qed jiġi trattat mill-Pulizija bħala att kriminali ta’ preġudizzju. Il-vittma qed isofri, fost oħrajn, minn ksur f’rasu. Il-Pulizija għadha ma identifikatx lill-vittma.
Aġġornat: Il-Kumitat Nazzjonali kontra t-terroriżmu fir-Russja qal li nstab splussiv ieħor fi stazzjon tal-ferrovija differenti minn dak li fih diġà saret l-isplużjoni.
Aqra aktar
Il-Prim Ministru Konservattiv tas-Serbja, Aleksander Vucic, rebaħ b’mod assolut l-elezzjonijiet presidenzjali li saru lbieraħ.
Vucic, jidher li rebaħ aktar minn ħamsa u ħamsin fil-mija tal-votanti.
L-isfidant ewlieni tiegħu, Sasa Jankovic, għandu ħmistax fil-mija tal-voti filwaqt li l-kandidat while Ljubisa Preletacevic jinsab fit-tielet post b’disgħa fil-mija tal-voti.
Il-President tal-Istati Uniti, Donald Trump qal li l-Istati Uniti se ssolvi t-theddida nukleari mill-Korea ta’ fuq, bl-għajnuna u mingħajr taċ-Ċina.
F’intervista mal-Financial Times, Trump qal li jekk iċ-Ċina mhux ser issolvi l-Korea ta’ fuq, l-Istati Uniti ser tagħmel dan u ddikjara li jemmen totalment li jista’ jirnexxi waħdu.
L-Awstralja qed tistma l-ħsara li saret miċ-ċiklun Debbie li ħalla ħerba sħiħa fi Queensland.
Iż-żona li ntlaqtet mid-diżastru naturali tinkludi mal-elf kilometru ta’ territorju Awstraljan hekk kif dan iċ-ċiklun ħalla tlett persuni mejta.
Send this to a friend