Internazzjonali – Page 374 – One News

Notifiki

Putin IRRABJAT

Wara li l-Istati Uniti wettqu attakki bl-ajru fuq is-Sirja, wieġeb Vladimir Putin u sejjaħlu ‘att illegali ta’ agressjoni’ minn naħa tal-Amerikani.

Putin issospenda ftehim li permezz tiegħu kienu waqfu battalji fl-ajru ma’ fighter jets Amerikani fuq is-Sirja.

Il-President Russu wissa li dan il-pass ta’ Trump ikkaġuna ħsara kbira bejn Washington u Moska, liema relazzjoni diġa kienet ħażina ħafna.

F’Moska l-aħbar li l-Istati Uniti kienu se jwettqu attakk bl-ajru saret lill-awtoritajiet tletin minuta qiss qabel. Dan skont l-ambaxxatur Russu għan-Nazzjonijiet Magħquda. Trump qed jinsisti li ma kellux bżonn l-approvazzjoni Russa.

Storja li rrapportajna; ħajja li spiċċat fix-xejn

Ġimgħatejn ilu rrapportajna dwar il-mara Rumena Andreea Cristea, li spiċċat fix-xmara Thames waqt l-attakk terroristiku f’Westminster.

It-tfajla kienet qed tgawdi btala mal-għarus tgaħha, li kien bi ħsiebu jsaqsiha tiżżweġu.

Andreea ħalliet din id-dinja lbieraħ. Il-familja fi stqarrija qalet: “Wara ġimgħatejn u aktar tissielet, il-maħbuba tagħna Andreea, bint, oħt, partner, ħabiba u perusna unika li tant kienet tħobb il-ħajja, ittieħdet bl-aktar mod krudili minn qalbna u minn ħajjitna. Ittieħdet b’mod bla qalb u bla spirtu. Se tibqa mfakkra bħala raġġ ta’ dawl li dejjem se tibqa’ tiddi f’qalbna. Xejn m’hu se jsabbar il-vojt u l-uġigħ f’qalbna”.

Il-familja trid li l-flus li kienu deħlin bħala donazzjoni għall-fejqan ta’ Andreea jmorru għall-karità.

L-AMERKA TATTAKKA LURA MINN POST FIL-MEDITERRAN

L-Istati Uniti wettqu attakk bil-missilli kontra s-Sirja wara l-attakk bil-kimiċi li seħħ f’Belt maħtufa minn ribelli fil-provinċja Idlib.

Uffiċjali mill-Pentagon stess ikkonfermaw li 59 missilla Tomahawk ġew sparat ftit qabel il-ħamsa ta’ filgħodu, ħin Sirjan, minn post fil-Lvan tal-Mediterran.

F’indirizz televiżiv, il-President Amerikan Donald Trump qal li l-bażi li attakkaw hija l-post minn fejn tnieda l-attakk bil-kimiċi, iżda dan qed ikun miċħud mis-Sirja.

Għexieren ta’ persuni ċivili, inkluż tfal, mietu fl-atakk nhar it-Tlieta.

Mistenni jiżdied in-numru ta’ persuni li jmutu kawża tat-tipjip

Wieħed minn kull għaxar imwiet madwar id-dinja huwa kkawżat mit-tipjip. Dan skont studju maġġuri ġdid, li juri kif l-epidemija tat-tabakk għad fadlilha biex tintemm u li t-theddida għall-ħajja qed tkompli tinfirex.

Fl-2015 kien hemm kważi biljun persuna li tpejjep, minkejja l-ħafna policies fuq il-kontroll tat-tabakk addottati minn ħafna pajjiżi.Aqra aktar

AĠĠORNAT: Jinstab splussiv ieħor f’appartament

Il-Pulizija sabu splussiv ieħor f’appartament f’ San Pietruburgu, ir-Russja. Il-Pulizija spjegat li dan l-isplussiv instab waqt tfittxijiet li qed isiru wara l-attakk li sar fi stazzjon tal-ferrovija fil-Belt li ħalla erbatax-il persuna mejta. It-tfittxija saret għall-ħabta tal-5.00 f’Tovarichesky Prospekt. Il-Pulizija qalet li s-suspettati ma rreżistewx l-arrest.
Aqra aktar

GRAFIKU: Il-weġgħa ta’ missier li ra lil uliedu tewmin imutu quddiemu

F’ġurnata tilef lit-tewmin tiegħu ta’ disà xhur, lil ħuħ u lin-neputijiet tiegħu. Tilifhom quddiem għajnejh fi ftit ħin wara li spiċċaw vittmi ta’ attakk kimiku bla ebda ħtija. F’dan il-filmat jidher iżomm lil uliedu, bla ħajja.

Iżda minkejja li dan il-missier irnexxilu jsalva xorta waħda qed iħoss uġigħ, uġigħ li ma minkejja li prova ma rnexxilux jsalva l-ħajja tal-qraba tiegħu. Bħal dan il-missier, eluf oħra qed jgħaddu mill-istess trawma. Wieħed irrid jimmaġina l-mument li tkun tixtieq issalva lil uliedek fost oħrajn, iżda ma tistax.

Aqra aktar

Facebook se jieħu azzjoni fuq tixrid ta’ materjal pornografiku – anke jekk mibgħut b’messaġġ privat

Permezz ta’ messaġġ fuq il-profil tiegħu tal-Facebook, il-fundatur ta’ Facebook Mark Zuckerberg qal li Facebook se jkun qed ikolli għodda speċjali biex jiġi pprevenut milli jinxtered kontenut li jissejjaħ “revenge porn” fuq din il-pjattaforma. Dan kemm permezz ta’ post fuq il-profil tal-individwu, kemm jekk permezz ta’ messaġġ privat bejn il-ħbieb u kif ukoll anke permezz tal-pjattaforma Instagram.

Zuckerberg qal li hu qed jaħdem flimkien mat-tim tiegħu biex joħolqu komunità li tassigura li kulħadd ikun f’ambjent li jħossu sigur u dan ifisser li jinvesti f’teknoloġija u għodda li tipprevjeni milli jsir ħsara lil kwalinkwe individwu.

Aqra aktar

Send this to a friend