Internazzjonali – Page 369 – One News

Notifiki

Splużjoni f’Kabul tħalli għexieren mejta

Splużjoni kbira kkawżata minn karozza bomba qatlet madwar tmenin persuni u darbet madwar 350 persuna fil-kapital tal-Afganistan, Kabul.

L-istess bomba splodiet qrib l-Ambaxxata Ġermaniża f’Zanbaq Square, fejn il-maġġoranza li tilfu ħajjithom huma persuni ċivili.

It-Talaban qalu li ma kinux huma l-moħħ wara din l-isplużjoni. S’issa ħadd għadu ma refa’ r-responsabbiltà.

Aktar ċelebritajiet jingħaqdu ma’ Ariana Grande għal kunċert ieħor f’Manchester

Justin Bieber, Coldplay u Katy Perry se jkunu fost iċ-ċelebritajiet fix-xena tal-mużika li se jkunu qed jingħaqdu flimkien mal-kantanta Ariana Grande f’kunċert ieħor f’Manchester, dan wara l-attakk li seħħ ftit tal-jiem ilu.

Il-kunċert se jkun qed isir biex ifakkar it-22 vittma li tilfu ħajjithom waqt l-attakk, fejn il-flus li jinġabru se jkunu qed imorru għall-familji tagħhom.

Aqra aktar

Arrestat Sirjan fil-Ġermanja wara suspett li kien qed iħejji attakk suwiċida

Il-Pulizija Ġermaniża arrestat żagħżugħ Sirjan hekk kif qed ikun allegat li kien qed jippjana li jwettaq attakk suwiċida f’Berlin.

L-akkużat, li għandu biss 17-il sena, ġie arrestat f’Uchermark, distrett f’Brandenburg.

Hu wasal il-Ġermanja fis-sena 2015 u beda jfittex post ta’ refuġju. L-akkużat kien qed jgħix f’post ta’ refuġju għal refuġjati taħt l-età ms-sena 2016 u l-Pulizija ma kellhom l-ebda suspetti dwaru.

Ċiklun iħalli ħames persuni mejta f’Bangladesh

Ċiklun Mora li laqgħet lil Bangladesh ħalla minn tal-inqas ħames persuni mejta.

Qed jingħad li l-maġġoranza tilfu ħajjithom wara li waqgħet siġra fuqhom fid-distrett ta’ Cox Bazar u Rangamati.

Mijiet ta’ djar sofrew minn ħsarat kbar u kif ukoll saret ħsara signifikanti f’kamp tar-refuġjati.

L-awtoritajiet qed jgħinu sabiex jirrilokaw mijiet tal-eluf ta’ persun għal post alternattiv ta’ kenn.

Karozza bomba quddiem ħanut tal-ġelati toqtol għaxar persuni

Karozza bomba splodiet quddiem ħanut li jbiegħ il-ġelati fil-kapital tal-Iraq, Baghdad, fejn ħalliet minn tal-inqas għaxar persuni mejta u bosta oħra midruba.

L-attakk seħħ fid-distrett ta’ Shia Muslim Karrada fejn grupp ta’ persuni kienu qed ‘jiksru s-sawm li sippost qed jagħmlu għaż-żmien tar-Ramadan.”

L-Istat Islamiku sostna li l-mira ta’ dan l-attakk kienu grupp ta’ Shia, persuni li l-IS tqis bħala nies li jabbandunaw it-twemmin tagħhom.

Ħaġġruh sakemm qatluh talli nstab ħati ta’ adulterju

Militanti mis-Somalja ħaġġru raġel sakemm qatluh wara li l-Qorti Islamiku sabu ħati fuq adulterju.

Dayow Mohamed Hassan, ta’ 44 sena, indifen min għonqu ‘l isfel u ġie mħaġġar bil-ġebel sakemm inqatel minn militanti tal-grupp al-Shabab.

Hu nstab ħati li kellu relazzjoni adulterja ma’ mara u li l-mara kien se jkollha tarbija minn tiegħu, minkejja li kellu żewġ nisa oħra.

Mhux l-ewwel darba li Al-Shabab tagħti dawn it-tip ta’ sentenzi fuq reati sesswali fiż-żoni li tikkontrolla fis-Somalja.

Joqtol tmien persuni f’Mississippi

Raġel li spara għadd ta’ tiri qed jiġi akkużat li qatel tmien persuni,  fosthom lill-eks kunjata u sheriff, f’tliet residenti differenti f’Mississippi.

Wara li Willie Corey Godbolt. ta’ 35 sena minn Bogue Chitto, ġie arrestat il-Ħadd filgħodu, hu sostna li kellu argument ma’ eks-martu minħabba t-tfal tagħhom.

Aqra aktar

L-IS jgħidu li kienu huma li wettqu l-attakk fl-Eġittu

L-Istat Islamiku, IS, qal li kien hu l-moħħ wara l-attakk li sar fuq tal-lina li kienet qed iġġorr grupp ta’ Kristjani Koptiki. Attakk li ħalla 29 persuna mejta u 25 persuna midruba lbieraħ.

L-attakk seħħ meta rġiel mgħammda telgħu abbord tal-linja u sparaw fuq in-nies.

Il-funeral tal-vittmi sar fl-istess jum tal-Ġimgħa iżda filgħaxija.

Send this to a friend