Internazzjonali | One News - Part 13

Notifiki

L-Italja titpoġġa taħt proċedura ta’ defiċit eċċessiv mill-Kummissjoni Ewropea

L-Italja tpoġġiet fi proċedura ta’ defiċit eċċessiv minħabba biljuni ta’ ewro ta’ dejn li nġema’ fl-aħħar snin fil-pajjiż. Il-Kummissjoni Ewropea qalet dan b’mod formali l-Erbgħa, biex b’hekk, la darba l-proċess ta’ defiċit eċċessiv jintemm u jkun approvat mill-Ministri taż-Żona Ewro, il-Gvern Taljan jaffaċċja multa ta’ kważi tliet biljun ewro.

Rapporti fil-midja internazzjonali qed jgħidu li d-dejn pubbliku tal-Italja llum jaqbeż iż-żewġ triljun ewro, jew mija tnejn u tletin fil-mija tal-Prodott Domestiku Gross.

Id-Deputat Prim Ministru Taljan Matteo Salvini sostna s-Sibt li għadda li mhux se jċedi għall-pressjoni tal-Unjoni Ewropea, minkejja tensjoni li l-Gvern tiegħu jista’ jitfarrak minħabba pressjoni minn Brussell.

Din it-theddida fuq l-ekonomija Taljana ġiet jiem biss wara li l-Kummissjoni Ewropea pproponiet biex tneħħi lil Spanja mill-istess proċedura ta’ defiċit eċċessiv, hekk kif Brussell issa jinsab sodisfatt bil-progress ekonomiku li sar mill-Gvern Spanjol fl-aħħar għaxar snin.

60 persuna jinqatlu fis-Sudan

60 persuna inqatlu fis-Sudan wara li forzi militari fil-pajjiż infexxew f’attakki vjolenti. Hu mifhum li dawn il-persuni huma ġejjin minn għaqda Parlamentari Sudaniża, li issa qed taffaċċja kundanna wara oħra mill-mexxejja dinjija ta’ dan l-aġit barbaru.

Aqra aktar

Trump mistenni jibda żjara ta’ tlett ijiem fir-Renju Unit

Dalgħodu, l-president tal-Istati Uniti, Donald Trump mistenni jasal ir-Renju Unit għal żjara statali ta’ tlett ijiem. Ir-Reġina mistennija tilqa’ lill-President Trump u martu, Melania Trump f’Buckingham Palace illejla.

Fl-istess waqt tul din iż-żjara, mistennija protesti fosthom f’Londra, Manchester, Belfast, Birmingham u Nottingham. Qabel iż-żjara, Trump qal ma’ The Sun li kien se jappoġġja lil Boris Johnson biex ikun il-Prim Ministru ġdid tar-Renju Unit. Qal ukoll li Nigel Farage għandu jkun involut fin-negozjati tal-gvern biex ir-Renju Unit jitlaq mill-Unjoni Ewropea.

Nofs il-Ministri tal-kabinett fl-Afrika t’Isfel huma nisa

Il-President tal-Afrika t’Isfel, Cyril Ramaphosa, ħabbar il-kabinett il-ġdid li għall-ewwel darba fl-istorja tal-pajjiż nofs il-ministri huma kollha nisa. F’mossa oħra mhux mistennija, waħda mill-ministri ġejja mill-oppożizzjoni. Ramaphosa ħatar lil Patricia de Lille, politika veterana mill-Oppożiżżjoni bħala l-ministru għall-iżvilupp tal-infrastruttura.

Cyril Ramaphos, li ġej mill-partit tal-Kungress Nazzjonali Afrikan, rebaħ l-elezzjoni fit-8 ta’ Mejju, huwa sorprenda lil kulħadd bl-għażliet tiegħu. Għażla oħra kienet dik li jnaqqas il-kabinett minn 36 għal 28 ministru.

Il-Partit tal-oppożizzjoni Afrikan, l-Encomomic Freedom Fighters stqarr li l-idea li jitnaqqas in-numru ta’ ministri kienet l-ewwel sinjal ta’ diżonesta mill-President għaliex fl-istess waqt huwa żied in-numru ta’ deputati Ministri.

Il-President Afrikan wiegħed li jelimina l-korruzzjoni, iżda, l-korrispondenti politiċi huma mħassba peress li Ramaphosa żamm lil David Mabuza. Mabuza, li huwa alleat tal-eks president Jacob Zuma, jiċħad l-allegazzjonijiet ta’ qtil politiku u f’kuntratti llegali.

Send this to a friend