Internazzjonali – One News

Notifiki

Sħabu tal-klassi marru miegħu il-Qorti biex jarawh jiġi adottat

Tifel ta’ ħames snin mill-Istat Amerikan ta’ Michigan stieden lill-klassi kollha tiegħu biex ikunu miegħu fil-mument li l-Qorti tiddikjara li huwa uffiċalment ġie adottat.

Ritratt li nxtered fuq il-midja soċjali minn Kent Country Court seraq il-qlub madwar id-dinja, hekk kif juri liċ-ċkejknek Michael jistenna s-sentenza bil-ħerqa biswit il-ġenituri l-ġodda tiegħu. Warajhom, sħabu tal-klassi pronti pronti jagħtuh l-appoġġ.Aqra aktar

Il-Kanċillier tal-Ġermanja żżur Auschwitz għall-ewwel darba

Il-Kanċillier tal-Ġermanja Angela Merkel żaret il-kamp ta’ konċentrament ta’ Auschwitz għall-ewwel darba biex ħadet sehem f’ċerimonja flimkien ma’ persuna li kien salvat mit-torturi li kienu jsir f’dan il-kamp.  Il-Prim Ministru Pollakk, Mateusz Moraweicki, ukoll kien preżenti.

Din iż-żjara li għamlet Merkel ftit qabel il-75 anniversarju mil-liberazzjoni tal-kamp, hija parti mill-antisemitiżmu li qed turi l-Ġermanja. Waqt iż-żjara, għamlet minuta ta’ silenzju għal dawk kollha esegwiti f’dan il-kamp fiż-żona hekk magħrufa Black Wall.

Ir-reġim Nażista qatel ftit aktar minn miljun persuna, bil-maġġoranza tagħhom ikunu lhud.

Il-kesħa żammitha ħajja sitt sigħat wara li waqfet tħabbat qalbha

Ingliża ta’ 34 sena li toqgħod Barċellona u li qalbha waqfet tħabbat għal sitt sigħat reġgħet ingħata il-ħajja f’każ li skont it-tobba ddiskrevewh bħala eċċezzjonali.

Audrey Schoeman żviluppat ipotermja severa meta inqabdet f’maltempata tal-borra waqt li kienet mixja mar-raġel tagħha qalb il-muntanji Pyrenees fi Spanja, b’konsegwenza illi kellha diffikultà titkellem u tiċċaqlaq bi ftit mumenti wara tispiċċa mitlufa minn sensiha.

Il-kundizzjoni tagħha marret għall-agħar meta kienet qed tistenna s-servizz tal-emerġenza, li dam madwar sagħtejn biex jasal fil-post. Sa dak il-ħin ir-raġel tagħha ħaseb li kienet mietet. Sakemm wasal it-tim ta’ salvataġġ, it-temperatura ta’ ġisimha kien naqas għal 18°C.Aqra aktar

Ġlied u xkiel fis-servizzi tat-trasport fi Franza

L-akbar strajk mifrux madwar Franza kollha f’dawn l-aħħar snin mistenni jkompli matul il-jum hekk kif numru ta’ ħaddiema qed jipprotestaw kontra r-riformi fil-pensjonijiet.

Bosta ħaddiema qed jipprotestaw kontra pjanijeit tal-President Franċiż Emanuel Macron li jintroduċi skema ta’ pensjonijiet li se tissostitwixxi s-sistema attwali. Bħalissa, Franza għandha minn tal-inqas 40 skema ta’ pensjoni għall-etajiet u benefiċċji differenti.Aqra aktar