Budget 2020 – Page 13 – One News

Notifiki

€200,000 għall-operaturi li jibdlu l-makkinarju li jniġġes inqas

Meta kien qed jaqra l-baġit għall-2020, il-Ministru Edward Scicluna ħabbar li l-Malta Enterprise se tinċentiva lill-operaturi li jaħdmu fis-settur tal-kostruzzjoni biex jibdlu l-makkinarju tagħhom għal wieħed li jħammeġ inqas.

Dan hekk kif se tkun qed tagħti għajnuna finanzjarja li tista’ titla’ sa €200,000 lill-operaturi li jiddisponu mill-makkinarju tagħhom u jibdluh f’makkinarju ġdid li jniġġes inqas skont standards stabbiliti.

Il-makkinarju l-antik irid jiġi skrappjat.

Min jixtri makkinarju addizzjonali biex inaqqas l-impatt fuq l-ambjent se jkun eliġibbli wkoll.

Għajnuna għal persuni li rtiraw mill-Forzi Dixxiplinati

Persuni li fil-passat kienu rtiraw mill-forzi dixxiplinati wara servizz sħiħ u wara komplew jaħdmu x’imkien ieħor se tkun qed issirilhom evelvazzjoni tal-pensjoni kontributorja tal-irtriar u jekk ikun jaqblilhom se jitqiesu wkoll is-snin meta kienu għadhom fis-servizz qabel irtiraw minnu biex ikun ikkalkulat id-dħul pensjonabbli tagħhom sabiex b’hekk jekk jikkwalifikaw, huma jkunu jistgħu igawdu minn rata ogħla ta’ pensjoni ta’ rtirar.

Send this to a friend