Bloggers | One News

Notifiki

15-il sena ta’ ħidma miċ-Ċentru Kulturali Ċiniż f’Malta

F’dawn il-jiem, iċ-Ċentru Kulturali Ċiniż qed ifakkar il-15-il anniversarju minn meta nfetaħ dan iċ-ċentru f’pajjiżna.  Dan kien l-ewwel ċentru kulturali Ċiniż li nfetaħ fl-Ewropa.  Huwa parti minn ħolqa ta’ kollaborazzjoni riċeproka li dejjem kien hemm bejn dawn iż-żewġ pajjiżi li bdiet fl-1972 meta l-Prim Ministru ta’ dak iż-żmien Dom Mintoff kien żar dan il-pajjiż mbiegħed.Aqra aktar

Iż-żerriegħa tad-dubju

Bidwi li kien iħobb jesperimenta iddeċieda li jferrex żerriegħa f’roqgħa tal-għalqa tiegħu.  Beda jsaqqiha u jindukraha u feraħ meta ra l-pjanta tinbet.  U għadda ż-żmien u l-pjanta nbidlet f’siġra.  U beda l-għawġ.  Il-friegħi tas-siġra bdew joħonqu lil xulxin!  Kull fergħa bdiet dieħla fl-oħra u d-dehra kienet twaħħax.  Mhux biss. Imma s-siġra bdiet tifrex il-friegħi fuq is-siġar l-oħra u toħnoqhom ukoll.  Kollu inkwetat il-bidwi mar jiċċekkja l-pakkett taż-żerriegħa li fettillu jxerred fl-għalqa. Kif qara t-tip ta’ żerriegħa kesaħ.  Mingħajr ma jaf kien żera’ ż-żerriegħa tad-dubju!Aqra aktar

Nerfgħu fil-vara

Aktar ma qed jgħaddi ż-żmien aktar qed inwaħħal f’moħħi li hemm bosta minn dawk li qed jidhru akkaniti għall-memorja ta’ Daphne Caruana Galizia,  li fil-fatt iridu jirkbu fuq il-memorja tagħha u l-mewt traġika  tagħha.

L-aħħar inizjattiva ta’ Manwel Delia,  li għandu aġenda speċjali,  u jaħseb li se jmexxi lill-Maltin fuq ir-rotot li jrid hu. Ħaseb li għadu ma’ Austin Gatt u fit-Transport Malta jew bħala konsulent,  jew politiku,  jew kandidat.  Insomma.     Manwel Delia ġabar ħafna firem tal-avukati,  imma qisu nesa’ li Adrian Delia huwa avukat,  u martu hija avukata wkoll !  Ikun hemm min jgħid li Adrian Delia ma kienx ta’ żmienu,  għax kienu ilu li dabbar rasu minn mal-Arriva u żmien il-Bużullotti.Aqra aktar

Naħqa ta’ ħmar

Mela tat-Times għoġobhom jagħmlu survey online,  u jistaqsu lill-qarrejja tagħhom.  Dawk l-istess li jagħmlu ħafna kummenti,  u huma krema fuq il-krema.  Qishom is-sriep li jobżqu l-velenu l-ħin kollu,  naturalment kontra l-Partit Laburista,  u l-aktar kontra Joseph Muscat.

Mela l-mistoqsija kienet :

  1. Inti trid li l-monument ta’ Daphne jkun ma’ tal-Assedju l-Kbir ?
  2. Jew il-Bidnija ?
  3. Jew f’xi post pubbliku ieħor ?
  4. Jew m’għandux ikun hemm monument ?

Aqra aktar

Hekka mod ġdid!

Nhar il-Ħadd li ġej, Adrian Delia jagħlaq sena lit-tesserati tal-Partit Nazzjonalista tawh il-fiduċja tagħhom biex suppost ‘imexxi’ lill-Partit Nazzjonalista.

Wara sena iżda għadu ma ħax il-fiduċja tal-Grupp Parlamentari li għandu madwaru, tas-soċjetà inġenerali u evidenti wkoll li lanqas lil mara tiegħu għadu ma kkonvinċa minn dak li rajna dan l-aħħar!

Delia, li tajjeb li nfakkru, li kieku kien għal Simon Busuttil, il-predeċessur tiegħu fuq il-karta, għax effettivament huwa s-suċċessur ukoll, ma kienx jikkontesta għat-tieni rawnd wara l-allegazzjonijiet li għamlet Daphne Caruana Galizia fuq racket ta’ prostituzzjoni fir-Renju Unit, kien wiegħed li se jagħmel mod ġdid.

Sena wara kulħadd l-istess kelma u frażi biex inkun eżatt; “Hekka mod ġdid!”Aqra aktar

Ma jirriflettux it-tagħlim tal-Knisja

Jiżbalja min jaħseb li ċerti affarijiet ma nerġgħu narawhom qatt iżjed. Min jaf kemm hawn min jaħseb li l-affarijiet redikoli b’riżultat tal-piki fil-festa, huma xi haġa tal-imgħoddi.  Imma mhux hekk hu.

Propju din f’Tas-Sliema u f’San Ġiljan, spikkaw banners li ttellgħu minn xi partitarji tal-festa tal-Madonna tal-Karmnu fil-Balluta,u partitarji tal-festa ta’ San Girgor f’Tas-Sliema. Wieħed minn dawn il-banners kien jghid: ‘Il-vara tagħna hija l-isbaħ waħda, waqt li tagħkom hija l-ikreh waħda fid-dinja’.

Jista’ jkun li l-kliem m’huwiex eżatt, imma ma nistax nifhem kif f’dawn iż-żminijiet għad hawn min jasal biex joqgħod jitgħajjar bil-‘kruha’ ta’ xi statwa.  Għamlu tajjeb iċ-ċaħdiet uffiċjali, imma jkun aħjar jekk nedukaw lill-partitarji.

Aħbar agħar. L-għaqda li ssejjah lilha nnifsha Soċjetà Maltija se tagħmel dimostrazzjoni fil-Belt bħala reazzjoni għall-Gay Pride u matulha se jingħad ir-ruzarju. Irriklamat din l-attivita’ bħala ‘rosary rally ta’ riparazzjoni lil Alla għall-Malta Gay Parade 2018 u l-aġenda tal-LGBT’.

Aħbar li fakkritni fir-rallies li kienu jsiru fis-snin sittin li kienu jsiru bħala riparazzjoni lil Alla f’kull lokal fejn il-Partit Laburista, li allura kien ikkundannat mill-Knisja, kien jagħmel mass meeting.  Niftakar f’wieħed partikolari, f’belt twelidi, Haż-Żabbar, meta kienu saħansitra ħarġu l-vara tal-Madonna tal-Grazzja.

Jien kont naħseb li dawn l-affarijiet qatt mhu se narahom iżjed.  Imma nħoss li l-Knisja għandha r-responsabbilta’ li mhux biss iżżomm ‘il bogħod minn dawn l-attivitajiet, imma għandha tagħmel minn kollox u tinsisti mal-organizzaturi biex dawn l-istess attivitajiet ma jsirux.

Żgur li dawn l-attivitajiet ma jirriflettux it-tagħlim tal-Knisja Kattolika tal-lum, bit-tmexxija tal-Papa Franġisku.

 

Id-drittijiet tal-konsumatur qabel jiffirma kuntratt ta’ xiri

Il-verità hi li huma ftit dawk il-konsumaturi li jaqraw it-termini u kundizzjonijiet ta’ kuntratt li jkunu ser jiffirmaw. Sfortunatament hija biss meta tinqala problema bix-xiri li ninteressaw ruħna naqraw dak li nkunu ffirmajna għalih u xi drabi jista’ jkun tard wisq. Per eżempju, nordnaw xi għamara li ma tiġix ikkunsinnata fid-data mifthiema jew tasal differenti minn kif ordnata. X’jiġri jekk meta niċċekkjaw il-kuntratt tax-xiri nindunaw li dan ma jinkludix id-data tal-kunsinna jew li ma jkunx hemm deskrizzjoni dettaljata ta’ dak li ordnajna? F’sitwazzjoni bħal din nistgħu niffaċċjaw diversi problemi biex nippruvaw x’kien il-ftehim oriġinali u biex nieħdu rimedju ġust.Aqra aktar

Bis-serjetà?

Jidher li għal xi wħud f’din id-dinja, li tkun mara b’opinjoni hu l-ekwivalenti li tkun qaħba.

Nixba nisma’ u naqra it-tgħajjir li jaqilgħu ta’ kuljum politiċi nisa jew inkella nisa ta’ ċertu kariga, kull darba li jesprimu l-opinjoni tagħhom fuq il-mezzi soċjali. Jaqbadni d-daħq (jew il-biki) kull meta xi ħadd jeħoda bi kbira għax mara ikollha ħsieb ċar u loġiku, iżda xorta waħda tiġi redikolata u mgħajjra b’kull aġġettiv li tista’ timmaġina. U kieku tgħid li tiġi mgħajjra fuq twemminek jew jiġu redikolati l-argumenti, kieku fiha u ma fihiex. Imma le, l-argument jinżel fuq livell personali u dejjem jispiċċa bil-konklużjoni li l-povra mara hija xejn għajr minn qaħba.Aqra aktar

Għawdex jaf fejn imidd il-pass

Kelli ftit opportunità li nkun Għawdex fil-weekends li għaddew,  u speċjalment għax ġiet  it-tifla minn barra. Ġabet l-għożża tagħha,  lit-tifla li dalwaqt tagħlaq sninha,  u li għalkemm twieldet u qed titrabba l-Ingilterra,  għandha ċittadinanza qawwija f’Għawdex. Aqra aktar

 Tiela’ ħajt ieħor?

Persważ li kulħadd jiftakar ix-xeni ta’ ferħ li ddominaw il-belt ta’ Berlin meta fid-9 ta’ Novembru tal-1989 waqa’ il-famuż ħajt li għal snin sħaħ kien qasam din il-belt fi tnejn u li kien is-simbolu tal-qasma li kienet teżisti bejn l-Ewropa tal-Punent u dik tal-Lvant.

29 sena wara, aħna li tant fraħna bil-waqgħa ta’ dan il-ħajt, qed naraw li l-Ewropa qed terġa’ tinqasam.  Din d-darba mhux minħabba l-Komuniżmu iżda taħt il-pressjoni tal-immigrazzjoni illegali li bħal baqqunier tal-prima qed tnaqqar u tkisser il-valuri demokratiċi li fuqhom ġiet mibnija l-Unjoni Ewropea.Aqra aktar

Send this to a friend