Trischia Falzon | One News - Part 69

Trischia Falzon

Notifiki

L-obeżità minn ta’ quddiem fil-Presidenza

F’laqgħa bejn il-Kummissarju Ewropew għas-Saħħa u s-Sigurtà tal-Ikel Vytenis Andriukaitis u l-Ministru għas-Saħħa Malti Chris Fearne, qed tiġi diskussa fost l-oħrajn l-obeżità, b’mod partikolari fost it-tfal.

Il-Ministru Chris Fearne tkellem dwar il-prioritajiet ta’ Malta fil-qasam tas-saħħa għall-ewwel sitt xhur tal-2017 proprju meta Malta se jkollha f’idejha l-Presidenza Ewropea.

Il-Ministru jittama li l-Presidenza sservi ta’ sisien biex din il-problema tkompli tkun indirizzata.Aqra aktar

Il-preparamenti mal-bakketta tas-surmast

F’Robert Sammut Hall fil-Furjana, għaddejjin ġmielhom il-preparamenti biex nhar is-Sibt, f’Dar il-Mediterran għall-Konferenzi, jittella’ kunċert klassiku organizzat mill-Orkestra Filarmonika ta’ Malta.

Kunċert li se jagħlaq l-istaġun tal-istess Orkestra b’differenza, fejn il-mużiċisti se joffru spettaklu partikolari.Aqra aktar

Malta Champions Ewropej

It-tim Malti kompost minn Brian Cini u Alex Borg tellgħu isem Malta fil-quċċata fil-Finali tal-Kampjonat Ewropew tat-Timijiet tal-iSnooker, li qed jintlgħab f’Vilnius fil-Litwanja.

Dan hekk kif rebħu lill-Irlanda bl-iskor ta’ 5-3.

Aktar informazzjoni dwar dan il-Kampjonat tista’ tinkiseb minn fuq is-sit elettroniku www.ebsa.tv.

L-aħħar sfida għat-tim Malti

It-tim Malti kompost minn Brian Cini u Alex Borg kisbu post fil-Finali tal-Kampjonat Ewropew tas-Snooker tat-Timijiet li qed jintlgħab f’Vilnius fil-Litwanja.

Huma għelbu lill-Belġju fis-Semi Finali bl-iskor t’4-1, biex issa Malta se tilgħab fil-Finali kontra l-Irlanda.

Aktar informazzjoni dwar dan il-Kampjonat tista’ tinkiseb minn fuq is-sit elettroniku www.ebsa.tv.

503 immigrant irregolari lejn l-Istati Uniti

 

Bejn Marzu tas-sena li għaddiet, u Marzu ta’ din is-sena, ġew risistemati ftit aktar minn ħames mitt immigrant irregolari lejn l-Istati Uniti.

Ħabbar dan il-Ministru għall-Intern u s-Sigurtà Nazzjonali Carmelo Abela fi tweġiba għal Mistoqsija Parlamentari.Aqra aktar

L-Għammieri fetaħ il-bibien f’Jum l-Ambjent

Bit-tema “Go Wild for Life”, iċ-Ċentru tal-Biedja fl-Għammieri fetaħ il-bibien tiegħu għall-pubbliku.

Dan matul il-jum tal-Ħadd, f’Jum l-Ambjent: riflessjoni ta’ kif is-soċjetà qed tikkollabora man-natura u l-biodiversità.

Fl-Għammieri ttellgħu diversi attivitajiet dwar dawn l-annimali, u dan bir-raġun, hekk kif fl-istess post jinsabu annimali uniċi f’Malta, li forsi ftit huma li jafu bihom.Aqra aktar

Mediċina sportiva fiċ-ċentri tas-saħħa

Il-mediċina sportiva, magħrufa aħjar bħala Sports and Exercise Medicine, huwa kunċett pjuttost ġdid għal pajjiżna u fiċ-ċentru tas-saħħa ta’ Birkirkara beda jingħata dan is-servizz.

Għalkemm ħafna jaħsbu li din hija relatata biss ma’ meta wieħed iweġġa’, il-kura għas-saħħa primarja f’pajjiżna hija iktar ibbażata fuq l-aspett ta’ prevenzjoni kif spjega l-konsulent Kirill Micallef Stafrace.

 

Intant, b’investiment ta’ €45,000, kien inawgurat ukoll ċentru ta’ rijabilitazzjoni għall-fiżjoterapija fiċ-ċentru tas-saħħa ta’ Birkirkara. Dan b’erba’ cubicles, u b’apparat ġdid biex dak li jsir fl-iSptar Mater Dei, jista’ jsir anke fiċ-ċentru tas-saħħa.

Meta żar iċ-ċentru l-Ministru għas-Saħħa Chris Fearne, innota kif f’Birkirara, m’għadx hemm lista’ ta’ stennija għall-fiżjoterapija, u pazjenti jinqdew f’medja ta’ jumejn. F’Birkirkara beda ta’ mediċina sportiva.

Il-Kap Eżekuttiv tal-kura għas-Saħħa Primarja, Renzo Degabriele, ħabbar li se toħroġ expression of interest għall-fiżjoterapisti bil-għan li dawn jaħdmu wkoll filgħaxijiet.

Jappella għal aktar kompassjoni fuq il-post tax-xogħol

Huma madwar 320, il-Maltin li jbatu mill-Isklerożi Multipla. Din hija kundizzjoni li titfakkar madwar id-dinja nhar l-Erbgħa 25 ta’ Mejju iżda f’Malta tfakkret llum, tlett ijiem qabel.

L-Isklerożi Multipla hija marda kronika; mhawnx kura għaliha. Jeżistu mediċini li jevitaw attakki spissi, madanakollu dawk affetwati minnha, bħal Christopher Grech, jiddependu ħafna fuq l-għajnuna minn ta’ madwarhom. Christopher sar jaf li għandu din il-marda madwar sentejn ilu, fejn maż-żmien tgħallem kif jista’ jiġġilidha.

Aqra aktar

Ma setgħux ilaħħqu u fetħu kindergarten ġdida

Fl-okkażjoni tal-20 anniversarju mill-ftuħ tagħhom, il-Mickeys Child EduCare Centres inawguraw it-tieni kindergarten fil-Pietà.

B’investiment ta’ €500,000 din l-iskola ġiet iddisinjata u mgħammra għall-iskop ewlieni t’edukazzjoni bikrija.

Il-fundatur ta’ Mickeys, Lucienne Zammit, spjegat kif bil-miżura ta’ childcare b’xejn ta’ dan il-Gvern, in-numru ta’ tfal żdied sostanzjalment, u bħhekk kellhom jiżdiedu wkoll l-impjegati.

Aqra aktar

Send this to a friend